________________
85. मोत्तूण अणायारं आयारे जो दु कुणदि थिरभाव।
सो पडिकमणं उच्चइ पडिकमणमओ हवे जम्हा॥
86. उम्मग्गं परिचत्ता जिणमग्गे जो दु कुणदि थिरभाव।
सो पडिकमणं उच्चइ पडिकमणमओ हवे जम्हा॥
87. मोत्तूण सल्लभावं णिस्सल्ले जो दु साहु परिणमदि।
सो पडिकमणं उच्चइ पडिकमणमओ हवे जम्हा॥
88. चत्ता अगुत्तिभावं तिगुत्तिगुत्तो हवेइ जो साहू।
सो पडिकमणं उच्चइ पडिकमणमओ हवे जम्हा॥
89. मोत्तूण अट्टरुदं झाणं जो झादि धम्मसुक्कं वा। ..
सो पडिकमणं उच्चइ जिणवरणिहिट्ठसुत्तेसु॥
90. मिच्छत्तपहुदिभावा पुव्वं जीवेण भाविया सुइरं।
सम्मत्तपहुदिभावा अभाविया होंति जीवेण॥
91. मिच्छादंसणणाणचरित्तं चइऊण णिरवसेसेण।
सम्मत्तणाणचरणं जो भावइ सो पडिक्कमणं॥
92. उत्तमअटुं आदा तम्हि ठिदा हणदि मुणिवरा कम्म।
तम्हा दु झाणमेव हि उत्तमअट्ठस्स पडिकमणं॥
(132)
नियमसार (खण्ड-2)
