________________
16. माणुस्सा दुवियप्पा कम्ममहीभोगभूमिसंजादा ।
सत्तविहा जेरइया णादव्वा . पुढविभेदेण ॥
17. चउदहभेदा भणिदा तेरिच्छा सुरगणा चउन्भेदा ।
एदेसिं वित्थारं लोयविभागेसु णादव्वं ॥
18. कत्ता भोत्ता आदा पोग्गलकम्मस्स होदि ववहारा ।
कम्मजभावेणादा कत्ता भोत्ता दु णिच्छयदो ॥
19. दव्वत्थिएण जीवा वदिरित्ता पुव्वभणिदपज्जाया।
पज्जयणएण जीवा संजुत्ता हति दुविहेहिं ॥
20. अणुखंधवियप्पेण दु पोग्गलदव्वं हवेदि दुवियप्पं ।
खंधा हु छप्पयारा परमाणू चेव दुवियप्पो॥
21. अइथूलथूल थूलं थूलसुहुमं च सुहुमथूलं च ।
सुहमं अइसुहमं इदि धरादियं होदि छन्भेयं ॥
22.
भूपव्वदमादीया भणिदा अइथूलथूलमिदि खंधा । थूला इदि विण्णेया सप्पीजलतेल्लमादीया ।
23. छायातवमादीया थूलेदरखंधमिदि वियाणाहि ।
सुहुमथूलेदि भणिया खंधा चउरक्खविसया य ॥
(92)
नियमसार (खण्ड-1
