________________
24. सुहमा हवंति खंधा पाओग्गा कम्मवग्गणस्स पुणो ।
तविवरीया खंधा अइसुहमा इदि परूवेंति ॥
25.
धाउचउक्कस्स पुणो जं हेऊ कारणं तितं णेयो। खंधाणं अवसाणं णादव्वो कज्जपरमाणु ॥
26. अत्तादि अत्तमझं अत्तंतं णेव इंदियग्गेझं।
अविभागी जं दव्वं परमाणू तं वियाणाहि ॥
27.
एयरत
एयरसरूवगंधं दोफासं तं हवे सहावगुणं । विहावगुणमिदि भणिदं जिणसमये सव्वपयडत्तं ॥
28. अण्णणिरावेक्खो जो परिणामो सो सहावपज्जाओ।
खंधसरूवेण पुणो परिणामो सो विहावपज्जाओ।
29. पोग्गलदव्वं उच्चइ परमाणू णिच्छएण इदरेण ।
पोग्गलदव्वो त्ति पुणो ववदेसो होदि खंधस्स ॥
30. गमणणिमित्तं धम्ममधम्मं ठिदि जीवपोग्गलाणं च ।
अवगहणं आयासं जीवादीसव्वदव्वाणं ॥
31. समयावलिभेदेण दु दुवियप्पं अहव होइ तिवियप्पं ।
तीदो संखेज्जावलिहदसंठाणप्पमाणं तु ॥
नियमसार (खण्ड-1)
(93)
