________________
(२६)
अनेकार्थसङ्ग्रह-कोषः सटीकः
सखा सहाये मित्रे च सुखं त्रिदिवशर्मणोः । सुखो प्रचेतसःपुर्यामगः स्यान्नगवत्तरौ ॥ २८॥ शैले सरीसृपे भानावगमन्तिकगात्रयोः । उपसर्जनभूते स्यादभ्युपायप्रतीकयोः ॥ २६ ॥ शिखाः कषन्ति ॥ २७ ॥ सखा सहाये मित्रे च । सनति सनोति वा सखा “सनेर्डखिः” (उ० ६२५) वाच्यलिङ्गः । सहाये यथातस्या पव प्रतिकृतिसखो यत्क्रतूना जहार । मित्रे यथा-सरोहंसो सप्रचलदलनीलोत्पलसखे । सुखं त्रिदिवशर्मणोः । सुखयति शोभनानि खान्यत्र वा सुखम् । द्वयोयथा-ऋते धर्मात् कुतः सुखम् । सुखा प्रचेतसः पुर्याम् । प्रचेता वरुणः ॥अथ गान्ताः॥ अगः म्यान्नगवत्तरौ। शैले सरीसृपे भानौ । न गच्छति अगः अगतिवान् । न गच्छति नगः " नाम्नो गमः” इति डे नखादित्वात् साधुः । तरूशैलयोर्यथा-अगशिखरनिषण्णाः पत्रिणस्ते निपेतुः। नवनगवनलेखाश्याममध्याभिराभिः। अङ्गमन्तिकगात्रयोः। उपसर्जनभूते स्यादभ्युपायप्रतीकयोः । अङ्गति अङ्गम् अगति वा "गम्यमि” इति गः । अन्तिके सामीप्ये क्लोबे । तद्वति वाच्यलिङ्गः । अन्यत्र क्लीबः । अन्तिके यथा-गङ्गाङ्गेषु नगोत्तरङ्गसुभगच्छायाः क्लमं छिन्दते । गाजे शरीरे यथा-अङ्गव्ययप्रार्थितकायसिद्धिः । उपसर्जनभूते अप्रधाने यथा-अङ्गिनोऽननुसंधानमङ्गस्याप्यतिविस्तृतिः । अभ्युपाये यथा-सर्वाङ्गमाराधितशंकरस्य । प्रतीके अवयवे यथा-अङ्गानि त्वमनङ्ग तापविधुराण्येोहि निर्वापय ॥ २९ ॥ अङ्गा नीवृद्विशेषे स्युः । नीवृद्विशेषे देशविशेषे पुंसि बहुवचनान्तः यथा-अड्डेषु विलसन् भूमेर्भर्ताऽभूभीमपार्थिवः ।
