________________
--
(३२६) अनेकार्थसंग्रह सटीक:
wwwwww wwwwwww बहिः कुशेऽग्नौ भासस्तु भासि गृद्धशकुन्तयोः । महस्तेजस्युत्सवे च मिसिर्मास्यजमोदयोः ॥५७२।। शतपुष्पामधुर्योश्च मृत्सा वासी सुमृत्तिका । रसः स्वादे जले वीर्य शृङ्गारादौ विषे द्रवे ॥५७३॥
रसज्ञः । प्रसूरश्वा जनन्यपि । प्रसूते प्रसूः । स्त्रियाम्। अश्वेति सगर्भा वडवा तस्यां यथा-न प्रसूहिनी या स्यात् । जनन्यां यथा-भिन्नप्रसूषु पुत्रेषु तथैकपितृकेषु च ।।५७१।। बहिः कुशेऽग्नौ । बृंहति बहिः । वंहि वृहेर्नलुक् च (उ० ९९०) इति इस् । कुशे पुंक्लीबः । अग्नौ पुंसि । कुशे दर्भे यथा-नियमविधिजलानां बहिषां चोपनेत्री। अग्नौ यथा-बहिर्मुखास्तहि लिहन्तु हव्यम् । अत्र हि बहिरग्निर्मुखं येषां ते बहिर्मुखा देवाः। भासस्तु भासि गृद्मशकुन्तयोः । भासते भासः । भासि दीप्तौ यथा-भासै
सितदिग्मुखोऽयमुदितो देवः स्वयं भास्करः। गृध्रो दूरदृक् । शकुन्तः पक्षिभेदः। महस्तेजस्युत्सवे च। मह्यते महः । "अस्" (उ० ९५२) इति अस्। क्लीबे। तेजसि यथाअस्मिश्चन्द्रमसि प्रसन्नमहसि । उत्सवे यथा-सुसितवसनालं. कारायां कदाचन कौमुदी महसि सुदृशि स्वैरं यान्त्यागतोऽस्तमभूद्विधुः । मिसिर्मास्यजमोदयोः। शतपुष्पामधुर्योश्च । मिश मशरोषे च । मिश्यते मिसिः। “नाम्युपान्त्य" (उ० ६०९) इति किदिः। पृषोदरादित्वाद् दन्त्यः सकारः। स्त्रियाम् । चतस्रोऽप्योषधयः ॥५७२॥ मृत्सा वासो सुसृत्तिका। मृदंस्यति मृत्सा प्रशस्तामृदेव वा । “सस्नौ प्रशस्ते" ७।२।१७२ इति स्वार्थे सः । वासी तक्षोपकरणम् । सुमृत्तिकायां यथा-निःशल्ये संस्कृते तत्र
