________________
(१९२)
अनेकार्थसंग्रहः सटीकः
श्यामं सैन्धवे मरिचे, श्यामा सोमलतानिशोः । शारिवा वल्गुनोगुन्द्रा-त्रिवृत्कृष्णाप्रियङ्गषु ॥३३१॥ अप्रसूतस्त्रियां नील्यां, श्रामो मण्डपकालयोः ।
शुष्ममोजसि सूर्ये च, समं साध्वखिलं सद्दक् ।।३३२॥ श्यञ्चमरवाद् । वृद्धादारक औषधम् ।।३३०॥ श्यामं सैन्धवे मरिचे। सैन्धवं लवणम् । मरिचमूषणम् । श्यामा सोमलतानिशोः । शारिवावल्गुनीगुन्द्रात्रिवृत्कृष्णाप्रियङ्गषु । अप्रसूतस्त्रियां नील्याम् । सोमलता सोमवल्लरी । निशा रात्रिस्तत्र यथा-श्यामां श्यामलिमानमानयत भोः सान्द्रर्मषीकूर्चकैः । शारिवा ओषधिः । वल्गुली पक्षिविशेषस्तत्र यथा-श्यामेव लम्बते प्लक्षे। गुन्द्रा मुस्ता । त्रिवृत् ओषधी । कृष्णाकृष्णजीरकम् । प्रियङ्गः फलिनीलता । तत्र यथा-श्यामा स्वङ्गं चकितहरिणी प्रेक्षिते दृष्टिपातान ॥३३१॥ अप्रसूतस्त्री अविज्ञाता स्त्री। तत्र यथा-तन्वी श्यामा शिखरदशना पक्वबिम्बाधरोष्ठी। नीली गुलिका। श्रामो मण्डपकालयोः । श्राम्यन्ति अत्रेति श्रामः । बाहुलकाद् वृद्धिः । शुष्ममोजसि सूर्ये च । शुष्यत्यनेन शुष्मम् । विलि भिलि (उ० ३४०) इति कित् मः। द्वयोर्यथा-क्षितिपतिः शुष्मेण शुष्माधिकः। समं साध्वखिलं सदृक् । समति समम् । वाच्यलिङ्गः । साधौ यथा-ब्राह्मीयं दौर्जनी संसत् वन्दनीया समेखला। अखिले समस्ते यथा-यातः समेषासुपजीव्यतां यः। सदृशे यथा-श्रिया समातां प्रतिमेन काचन । वर्षेऽपि । तत्र स्त्रियाम् । यथा-तेनाष्टौ परिगमिताः समाः कथंचिद् बालत्वादवितथसूनृतेन सूनोः ॥३३२॥ सीमा घाटे स्थितौ क्षेत्रे। सिनोति सीमा । सेरी *प्र० वल्गुली० ।
