________________
210
न्यायमञ्जरी
न खल्वानय गां शुक्ला संसर्ग इति कथ्यते । व्यवहारे क्वचिवृद्धः, *पदं संसर्गवाचकम् ॥ प्रयुज्यमानमप्येतत् बालिशेन हि केनचित् ।
अनन्वितार्थमेव स्यात् दशदाडिमवाक्यवत् ॥ तस्मादन्वितानामेवाभिधानं युक्तम् ॥
[अनन्वितवाक्ये गतिप्रदर्शनम् ] आह___अडगुलयग्रादिवाक्येषु कथं तव समन्वयः ? उच्यते
उक्तानामपि संसर्गे कथं तव समन्वयः ।। . . आह
नन्वत्र योग्यताभावादसंसर्ग उपेयते ।
आकाङक्षादित्रयाधीनः संसर्गो हि मयेष्यते ।। उच्यते
मयाऽपि योग्यासन्नादिसंसृष्टस्वार्थवाच्यता।
पदानां दर्शिता सा च तेषु नास्तीत्यनन्वयः ।। आह-अन्विताभिधानवादी हि भवान् । ततश्च
भवतोऽन भिधानं स्यादन्वयासंभवादिह ॥
* पदं प्रयुज्यमानमपि–इत्यन्वयः॥ + अनभिधानं वाक्यघटकपदानां प्रत्येकार्थबोधाभावः ।।
1 ना-च.
