________________
भयःभियामिति-पादपतिथीपार्श्वजिनस्तुतिः
( २६५) सत्केवलज्ञानरमाम् -केवलं च तद् ज्ञानञ्च-केवलज्ञानम् , “पूर्वकालैक०" ३।१।९८....(वि. पू. क.) सत् केवलज्ञानम् – सत्केवलज्ञानम् "सन्महत् परमो०” ३।१।१०७ (वि. पू. क.) सत्केवलज्ञानम् एव रमा सत्केवलज्ञानरमा, ताम्-सत्केवलज्ञानरमाम् । (अव. पू. क.) श्रीजिनभारत्यै प्रार्थनम् कैवल्यवामाहृदयैकहार!
क्षमासरस्वद्रजनीशतुल्य! सर्वज्ञ ! सर्वातिशयप्रधान ! ...
तनोतु ते वाग जिनराज ! सौख्यम् ॥३॥ अन्वय
कैवल्यवामाहृदयैकहार ! क्षमासरस्वद्रजनीशतुल्य! सर्वज्ञ! सर्वातिशयप्रधान ! जिनराज ! ते वाग् सौख्यं तनोतु ।।
कैवल्येति- कैवल्यवामाहृदयैकहार !' कैवल्यम् केवलं तन्नामकं चराचरवस्तुगतानन्तानन्तपर्यायावबोधकं पञ्चमं ज्ञानम् , तदेव कैवल्यम् भेषजादित्वात् टयण । तदेव वामा स्त्रीस्तस्याः हृदयस्य वक्षसः एकः श्रेष्ठः अपूर्वो वा हारः कण्ठाभरणविशेषः इव तदामन्त्रणम् । “वामा तु योषिति" इत्यनेकार्थः (२।३।२९)। 'क्षमासरस्वद्रजनीशतुल्य !' क्षमा शान्तिः कोपाभावो वा सैव सरस्वान्-सरांसि जलप्रसरणानि विद्यन्ते यस्य यत्र वा समुद्रः तस्योल्लासने रजनीशस्य-रजन्याः राज्याः ईशः स्वामी चन्द्रमाः इत्यर्थस्तस्य तुल्यः सदृक् तत्संबोधनम् ! चन्द्रस्य सागरसुतत्वेन प्रसिद्धत्वात् , आनन्दवर्धकः । “ सरस्वन्ती नदार्णवो" इत्यमरः (३३६५७) । 'सर्वज्ञ !' सर्व संपूर्णजगत्स्वभावं जानाति
