________________
३६
५ ओहिणा वा से असमुप्पण्ण-पुव्वे समुप्पज्जेज्जा, ओहिणा लोगं जाणित्तए ।
६ ओहिदंसणे वा से असमुप्पण्ण-पुव्वे समुप्पज्जेज्जा, ओहिणा लोयं पासित्तए ।
मणपज्जवनाणे वा से असमुप्पण्ण-पुढचे समुप्पज्जेज्जा, अंतो मणुस्सखित्तेसु अड्ढाइज्जेसु दीव-समुद्देसु सण्णोणं पंचिदियाणं पज्जत्तगाणं मणोगए भावे जाणित्तए ।
८ केवलणाणे वा से असमुप्पण्ण-पुव्वे समुप्पज्जेज्जा,
केवलकप्पं लोयालोयं जाणित्तए ।
& केवलदंसणे वा से असमुप्पण्ण- पुव्वे समुप्पज्जेज्जा,
केवलकप्पं लोयालोयं पासित्तए ।
१० केवल मरणे वा से असमुप्पण्ण-पुव्वे समुप्पज्जेज्जा, सव्वदुक्खपहाणाए । गाहाओ
ओयं चित्तं समादाय, झाणं समणुपस्सइ ।" धम्मे ठिओ अविमणो, निव्वाणमभिगच्छइ ॥ १ ॥
छेदताणि
ण इमं चित्तं समादाय, भुज्जो लोयंसि जायइ । अप्पणी उत्तमं ठाणं, सण्णि णाणेण जाणइ || २ || अहातच्चं तु सुमिणं, खिप्पं पासेइ संबुडे । सव्वं वा ओहं तरति, दुक्ख दोयं विमुच्चइ ॥३॥ पंताई भयमाणस्स, विवित्तं सयणासणं । अप्पाहारस्स दंतस्स, देवा दंसति ताइणो ॥ ४ ॥ सव्वकाम-विरत्तस्स, - खमतो भय-भेरवं । तओ से ओही भवइ, संजयस्स तवस्सिणो ॥ ५ ॥ वसा अवहड - लेस्सस्स, दंसणं परिसुज्झइ । उड़ढं अहे तिरियं च सव्वं समणुपस्सति ॥६॥ सुसमाहिय लेस्सस्स, अवितक्कस्स भिक्खुणो । सव्वतो विप्पमुक्कस्स, आया जाणाइ पज्जवे ॥७॥ जया से णाणावरणं, सव्वं होइ खयं गयं । तया लोगमलोगं च, जिणो जाणति केवली ॥८॥ जया से दंसणावरणं, सव्वं होइ खयं गयं । तया लोगमलोगं च, जिणो पासति केवली ॥ ६ ॥
१ आ० घा० प्रत्योः 'झाणं समुप्पज्जई' पाठः ।
