________________
॥ तृतीयः पादः ॥ 'शेषे । ६ । ३ । १ ।
अपत्यादिभ्योऽन्यस्मिन् प्राग्जितीयेऽर्थे इतोऽनुक्रम्यमाणं वेदितव्यम् ॥ १ ॥
नद्यादेरेयण | ६ | ३ | २।
एभ्यः प्राग्जितीये शेषेऽर्थे एयणं स्यात् । नादेयः, वानेयः । शेष इत्येव ! समूहे नादिकम् ॥ २ ॥
१
राष्ट्राद् इयः । ६ । ३ । ३ । राष्ट्रशब्दात् शेषप्राग्जितीयेऽर्थे इयः स्यात् राष्ट्रियः ॥ ३ ॥
दूराद् एत्यः । ६ । ३ । ४ । दूरात् शेषेऽर्थे एत्यः स्यात् । दूरेत्यः ॥ ४ ॥ उत्तराद् आहञ् । ६ । ३ । ५ ।
उत्तरशब्दात् शेषेऽर्थे आहञ् स्यात् । औत्तराहः ॥५॥ पारावाराद् ईनः | ६ | ३ |६|
पारावारशब्दात् शेषेऽर्थे ईनः स्यात् । पारावारीणः
॥ ६ ॥
व्यस्त-व्यत्यस्तात् । ६।३।७।
पारावारात् शेषे ईनः स्यात् । पारीणः, अवारीणः, अवारपारीणः ॥ ७ ॥
१ उपयुक्तादन्यः शेषः । अपत्यादिभ्यः संस्कृतभक्ष्यान्तेभ्योऽन्योऽर्थः शेष उच्यते ।
