________________
स्वोपज्ञलघुवृत्तिः [२९९] धूगौदितः । ४।४।३८ । धूग औदितश्च परस्य स्ताशित आदिरिद् वा स्यात् । धोता, धविता । रद्धा, रधिता ॥ ३८॥
निष्कुषः । ४ । ४ । ३९ । निष्पूर्वात् कुषः परस्य स्ताद्यशित आदिरिट् वा स्यात् । निष्कोष्टा, निष्कोषिता ॥ ३९ ॥
क्तयोः ।४।४।४०। निष्कुषः परयोः क्तयोरादिरिट नित्यं स्यात् । निष्कुषितः, निष्कुषितवान् ॥ ४० ॥
ज-व्रश्चः क्त्वः । ४ । ४ । ४१ । आभ्यां परस्य क्त्व आदिरिट् स्यात् । जरीत्वा, व्रश्चित्वा ॥४१॥
___ उदितो वा । ४ । ४ । ४२ ।
ऊदितः परस्य क्त्व आदिरिट् वा स्यात्। दान्त्वा, दमित्वा ॥ ४२ ॥
क्षुध-चसस्तेषाम् । ४ । ४ । ४३ । आभ्यां परेषां क्तक्तवतुक्त्वामादिरिट् स्यात् । क्षुधिता, क्षुधितवान्, क्षुधित्वा, उषितः, उषितवान् , उषित्वा ॥ ४३॥
लुभ्यञ्चविमोहाऽर्चे । ४ । ४ । ४४ ।। आभ्यां यथासंख्यं विमोहनपूजार्थाभ्यां परेषां क्तक्तवतुक्त्वामादिरिट् स्यात् । विलुभितः, विलुभितवान् , लुभित्वा, अश्चितः, आश्चितवान् , अश्चित्वा। विमोहार्च इति किम् ? लुब्धो जाल्मः, उदक्तं जलम् ॥ ४४ ॥
