________________
[२५२] हैमशब्दानुशासनस्य
त्यज-यज-प्रवचः । ४ । १ । ११८ । एषां घ्यणि कगौ न स्याताम् । त्याज्यम् , याज्यम् , प्रवाच्यः ॥ ११८ ॥
वचोऽशब्दनाम्नि । ४ । १ । ११९ । अशब्दसंज्ञायां वचेय॑णि को न स्यात् । वाच्यम् । अशब्दनाम्नीति किम् ? वाक्यम् ॥ ११९॥ .
भुज-न्युजं पाणि-रोगे। ४ । १ । १२० ।
भुजेन्युन्जेश्च घअन्तस्य पाणौ रोगे चार्थे यथासंख्यं भुजन्युजौ निपात्येते।भुजः पाणिः,न्युजोरोगः॥१२०॥
वीरुध्-न्यग्रोधौ । ४११ । १२१ । विपूर्वस्य रुहेः विपि,न्यपूर्वस्य चाचि वीरुन्न्यग्रोधौ एतौ धान्तौ निपात्येते । वीरुत्, न्यग्रोधः ॥ १२१ ॥
इत्याचार्यश्रीहेमचन्द्रविरचितायां सिद्धहेमचन्द्राभिधानस्वोपज्ञशब्दानुशासनलघुवृत्तौ चतुर्थस्याध्यायस्य
प्रथमः पादः समाप्तः॥४।१॥
