________________
स्वोपज्ञलघुवृत्तिः
[ १७७]
कोटर मिश्रक-सिक-पुर-सारिकस्य वणे | ३|२|७६ |
एषां कृतणत्वे वने उत्तरपदे संज्ञायां दीर्घः स्यात् । कोटरावणम्, मिश्रकावणम्, सिध्रकावणम्, पुरगावणम्, सारिकावणम् ।। ७६ ।।
अञ्जनादीनां गिरौ । ३ । २ | ७७ | एषां गिरावुत्तरपदे नाम्नि दीर्घः स्यात् । अञ्जनागिरिः, कुक्कुटागिरिः ॥ ७७ ॥
अनजिरादिबहुस्वर - शरादीनां मतौ | ३ | २|७८| अजिरादिवर्जबहुस्वराणां शरादीनां च मतौ प्रत्यये नाम्नि दीर्घः स्यात् । उदुम्बरावती, शरावती, वंशावती । अनजिरादीति किम् ? अजिरवती, हिरण्यवती ॥ ७८ ॥
ऋषौ विश्वस्य मित्रे | ३ | २ | ७९ ।
ऋषावर्षे मित्रे उत्तरपदे विश्वस्य नाम्नि दीर्घः स्यात् । विश्वामित्रः ॥ ७९ ॥
नरे । ३ । २ । ८० |
नरे उत्तरपदे नाम्नि विश्वस्य दीर्घः स्यात् । विश्वानरः कश्चित् ॥ ८० ॥
वसु-राटोः | ३ | २ | ८१ । अनयोरुत्तरपदयोर्विश्वस्य दीर्घः स्यात् । विश्वावसुः,
विश्वराट् ॥ ८१ ॥
वलव्यपित्रादेः । ३ । २ । ८२ ।
वलच्प्रत्यये पित्रादिवर्णानां दीर्घः स्यात् । आसुतीवलः । अपित्रादेरिति किम् ? पितृवलः, मातृवलः ॥८२॥
२३
