________________
स्वोपज्ञलघुवृत्तिः
[१३]
- आवौ स्याताम् । गव्यति, गव्यते, नाव्यति, नाव्यते, लव्यम्, लाव्यम्, अक्य इति किम् ? उपोयते । औयत
॥ २५ ॥
ऋतो रस्तद्धिते । १ । २ । २६ ।
ऋकारस्य यादौ तद्धिते परे रः स्यात् । पित्र्यम् । तद्धित इति किम् ? कार्यम् ॥ २६ ॥
दोतः पदान्तेऽस्य लुक् | १ । २।२७।
एदोद्भयां पदान्तस्याभ्यां परस्याकारस्य लुक् स्यात् । तेऽत्र, पटोऽत्र । पदान्त इति किम् ? नयनम् ॥ २७ ॥
गोर्नाम्न्यवोऽक्षे | १ | २ | २८|
गोरोतः पदान्तस्थस्य अक्षे परे संज्ञायां अव इति स्यात् । गवाक्षः । नाम्नीति किम् ? गोऽक्षाणि ॥ २८ ॥
स्वरे वा नक्षे | १ | २ | २९|
गोरोतः पदान्तस्थस्य स्वरे परे अव इति वा स्यात् । स चेत् स्वरोऽक्षस्थो न स्यात् । गवाग्रम्, गोऽग्रम् । गवेशः, गवीशः । अनक्ष इति किम् ? गोक्षम् । ओत इति किम् ? चित्रग्वर्थः ।। २९ ।।
इन्द्रे । १ । २ । ३० ।
गोरोतः पदान्तस्थस्य इन्द्रस्थे स्वरे परे अव इति स्यात् । गवेन्द्रः ॥ ३० ॥
वात्यसन्धिः | १ | २ | ३१ ।
गोरोतः पदान्तस्थस्याकारे परेऽसन्धिभावो वा
