________________
तथा अयं जिनौघ: सज्जनान् सन्तोषयतीत्यर्थः ।
शिवतिलकसम: शिवस्य शंकरस्य । 'शिवोऽस्थिधन्वा पुरुषास्थिमाली ।
इति अभि. चिन्ता श्लो.१९७ ॥ मस्तके तिलकस्य तिलकेन वा समः सदृश: 'तुल्याङ्कस्तृतीयाषष्ठ्यौ' २।२।११६।। इत्यनेन तृतीयाषष्ठ्यौ आभूषणस्वरूपः, अथ च शिवस्य मोक्षस्य । 'शिवं तु मोक्षे क्षेमे सुखे जले' । इति अनेकार्थ: ५५०।।
तिलकसम: अलंकाररुपः यथा शुक्लद्वितीयाया: चन्द्रमा: शंकरस्य मूर्ध्नि शोभते तथा जिनौघ: सिद्धशिलायां शोभते इत्यर्थः । कौशिकानन्दमूर्ति: आनन्दस्य हर्षस्य मूर्तिः आकार: आनन्दमूर्तिः । कौशिकाय घूकाय । कौशिक: शक्ररघूकयोः' इति -अनेकार्थ:३०॥ - उलूकायेति यावत् आनन्दमूर्ति: कौशिकानन्दमूर्तिः कौशिकाय इन्द्राय आनन्दमूर्तिः कौशिकानन्दमूर्तिः, उलूकः दिवा न पश्यति चन्द्रस्योदये एव पश्यति अत: चन्द्रस्य उलूकं प्रति आनन्दस्य कारणत्वम् । जिनौघं दृष्ट्वा इन्द्रः तुष्यति अत: जिनौघस्य इन्द्रं प्रति आनन्दस्य हेतुत्वमिति ।
७७ पञ्चमी स्तुति
