________________
श्रीज्ञानमञ्जरी तूलवल्लघवो मूढा, भ्रमन्त्यभ्रे भयानिलैः । नैकं रोमापि तैर्ज्ञान-गरिष्ठानां तु कम्पते ॥७॥
तूलवल्लघव इति-मूढाः-तत्त्वज्ञानविकलाः, तूलवल्लघवः-अर्कतूलवल्लघवः, अभ्रे-आकाशे, भयानिलैः-भयपवनैः प्रेरिता भ्रमन्ति । ज्ञानगरिष्ठानामेकं रोमापि तैः पवनैर्न कम्पते । इत्यनेन सप्तभयसन्निधाने मूढाः-परभावात्मत्वज्ञानमुग्धाः 'तद्वियोगभयेन कम्पमानाः इतस्ततो भ्रमन्ति । ये चासङ्ख्यातप्रदेशानन्तज्ञानमयस्यात्मनः स्वरूपावलोकिनो ज्ञानगरिष्ठाः अविनाशिचैतन्यभावरक्ताः तेषामध्यवसायरूपं रोमापि न कम्पते । किञ्च गत्वरैः गतैरिति अध्यात्माभ्यासैकत्वानन्दानन्दिताः सदा निर्भयाः स्वरूपे स्थिराः तिष्ठन्ति ॥७॥
चित्ते परिणतं यस्य, चारित्रमकुतोभयम् । अखण्डज्ञानराज्यस्य, तस्य साधोः कुतो भयम् ॥८॥
॥ इति निर्भयाष्टकम् ॥ १७ ॥ चित्ते इति-यस्य-निर्ग्रन्थस्य, अकुतोभयं-न विद्यते कुतः कस्माद् भयं यस्य तत् चारित्रं-स्वरूपस्थिरत्व-रम्यरमणत्वलक्षणं परिणतं चेतनावीर्यादिसर्वगुणेषु तन्मयीभूतम्, तस्य साधोः कुतःकस्माद् भयं ? न कस्मादपि । कथम्भूतस्य मुनेः ? अखण्डज्ञानराज्यस्य-अचूर्णितज्ञानराज्यस्य, इत्यनेन वचनधर्मक्षमामार्दवार्जवपरिणतस्य शुद्धज्ञानरम्यरमणस्य साधोः द्रव्यभावमुक्तियुक्तस्य परमाकिञ्चनस्य न भयम् । यथा श्रीकेशि-गौतमाध्ययने[77] एगप्पो अजिए सत्तू, कसाया इंदियाणि य ।
ते जिणित्तु जहानायम्, विहरामि अहं मुणी ॥३८॥
१. तद्वियोगेन B.1.2, M.S, V.2 । २.स्थिरत्वलक्षणं B.1.2., V.2., S.M.I ३. परिणामा० S.M., V.2. । ...
Jain Education International
For Private & Personal Use Only
www.jainelibrary.org
