Page Text
________________
પાનમુનજોમ
૪૫
આમ બંને સત્તાઓ સામસામી આગળ વધતાં વધતાં ૩૮ અક્ષાંશની હરોળ સુધી પહોંચી. ત્યાર પછી કૅરોમાં યોજાયેલી પરિષદમાં અને ૧૯૪૭માં યુનાઇટેડ નેશન્સની જનરલ એસેમ્બ્લીમાં ઠરાવ થયો કે ઉત્તર અને દક્ષિણ કોરિયામાં મુક્ત ચૂંટણીઓ યોજીને એને એક અખંડિત સ્વતંત્ર રાષ્ટ્ર બનાવવું. પરંતુ ૧૯૪૮માં સોવિયેટ યુનિયને ઉત્તર કોરિયામાં ચૂંટણી થવા દીધી નહિ. દક્ષિણ કોરિયામાં ચૂંટણીઓ થઈ અને તેમાં ‘રિપબ્લિક ઑફ કોરિયા'ના નામથી રાષ્ટ્રની રચના થઈ. સોવિયેટ યુનિયને ચૂંટણી ન કરી, પરંતુ ત્યાં ડેમોક્રેટિક પીપલ્સ રિપબ્લિક ઑફ કોરિયા'ના નામથી સરકારની રચના કરી. પરિણામે ઉત્તર અને દક્ષિણ કોરિયાને એક બનાવવાની યોજના અને આશા ધૂળમાં મળી. બે હજાર વર્ષથી એક જ પ્રજા તરીકે જીવી રહેલા કોરિયનોની માતૃભૂમિના બે ટુકડા થઈ ગયા.'
''
૧૯૫૦માં સોવિયેટ યુનિયને તાલીમ આપેલા ઉત્તર કોરિયાનાં લશ્કરી દળોએ દક્ષિણ કોરિયા ઉપર અચાનક આક્રમણ કર્યું. દક્ષિણ કોરિયા પાસે પૂરી તૈયારી ન હતી. અમેરિકન દળોને કોરિયા છોડ્યાને એક વર્ષ થઈ ગયું હતું. દક્ષિણ કોરિયાએ પોતાની આ લાચારીભરી સ્થિતિમાં દુનિયાનાં રાષ્ટ્રોને સહાય માટે અરજ કરી. અમેરિકા સહિત ઑસ્ટ્રેલિયા, કૅનેડા, બ્રિટન, ફ્રાન્સ, ફિલિપાઇન્સ વગેરે ૧૬ દેશોએ પોતાનાં સૈન્યોને તાબડતોબ કોરિયામાં મોકલી આપ્યાં.
ઉત્તર અને દક્ષિણ કોરિયા વચ્ચે ભયંકર યુદ્ધ થયું. ઉત્તર કોરિયા પીછેહઠ કરવા લાગ્યું. એથી ઉત્તર કોરિયાની સહાય માટે સામ્યવાદી ચીને પોતાનાં લશ્કરી દળો મોકલ્યાં. આ રીતે લગભગ એક વરસ સુધી ઉત્તર અને દક્ષિણ કોરિયા વચ્ચે યુદ્ધ ચાલ્યું.
૧૯૫૧ના જૂન મહિનામાં સોવિયેટ યુનિયને યુનાઇટેડ નેશન્સમાં યુદ્ધવિરામની દરખાસ્ત મૂકી. એ સ્વીકારાઈ એટલે યુદ્ધવિરામ માટે વાટાઘાટો શરૂ થઈ.
પરંતુ યુદ્ધવિરામની એ વાટાઘાટો કેટલો સમય ચાલી હશે ? બે વરસ અને સત્તર દિવસ. આટલા સમયમાં બંને પક્ષ વચ્ચે વિધિસરની પાંચસો જેટલી બેઠકો પાનમુનોમમાં યોજાઈ. દુનિયાના ઇતિહાસમાં યુદ્ધવિરામ માટે આ લાંબામાં લાંબી વાટાઘાટો છે. આ સમય દરમિયાન પાનમુનજોમ ગામ તો નાશ પણ પામી ચૂક્યું હતું. જ્યાં વાટાઘાટો યોજાતી હતી તે મકાન પણ ખંડિયેર થઈ ગયું હતું. પછીથી તો વાટાઘાટો પણ તંબૂમાં યોજવામાં આવતી. યુદ્ધવિરામની બધી શરતો નક્કી થઈ અને ૧૯૫૩માં જુલાઈની સત્યાવીસમી તારીખે પાનમુનજોમમાં સવારે દસ વાગે સહીસિક્કા કરવા માટે છેલ્લી બેઠક
Jain Education International
For Private & Personal Use Only
www.jainelibrary.org
| SR No. | 002036 |
| Book Title | Passportni Pankhe Part 1 |
| Original Sutra Author | N/A |
| Author | Ramanlal C Shah |
| Publisher | Mumbai Jain Yuvak Sangh |
| Publication Year | 1998 |
| Total Pages | 270 |
| Language | Gujarati |
| Classification | Book_Gujarati & Travelogue |
| File Size | 11 MB |