________________
૨૨૦
- પાસપોર્ટની પાંખે હોટેલમાં સામાન સાથે અમે દાખલ થયાં. કાઉન્ટર ઉપર જઈ રિસેપ્શનિસ્ટને કહ્યું. “એરપોર્ટ ઉપર અમે હોટેલ માટે તપાસ કરી તો તમારી હોટેલ માટે ભલામણ કરવામાં આવી, એટલે અમે બસમાં બેસી અહીં આવ્યાં.
છીએ.”
“આભાર તમારો.” રિસેપ્શનિસ્ટે કહ્યું. પછી પૂછ્યું, “તમે ક્યાંથી આવો છો ? ઇન્ડિયાથી આવતાં લાગો છો.”
“હા જી.”
“મને તમારા દેશ પ્રત્યે બહુ માન છે. આ બાજુ ઇન્ડિયાથી કોઈ કોઈ વખત પ્રવાસીઓ આવી ચડે છે. તમે કંઈ કામ માટે આવ્યાં છો કે ફરવા માટે ?”
“અમે ફરવા માટે આવ્યાં છીએ. કુસકો પાસે મચ્ચ-પિચ્છમાં ઈન્કા સંસ્કૃતિના અવશેષો જોવાની અમારી ખાસ ઇચ્છા છે.”
ભલે, બહુ આનંદની વાત છે !” “તમારી હોટેલના દર શું છે ?” ડબલ બેડના સાઠ અમેરિકન ડૉલર.”
“એ તો અમારે માટે ઘણા વધારે કહેવાય. વળી અમને ઍરપૉર્ટ ઉપર કહેવામાં આવ્યું હતું કે લિકામાં હોટેલોમાં ડિસ્કાઉન્ટ અપાય છે. જે માગે તેને આપે છે.”
“, બરાબર એમ નથી. આ અમારા નિશ્ચિત દર છે. પરંતુ એક સાથે વધારે પ્રવાસીઓનું રિઝર્વેશન હોય એટલે કે સુપ-બુકિંગ હોય તો અમે ડિસ્કાઉન્ટ જરૂર આપીએ છીએ. તે સિવાય આપતા નથી.”
“માફ કરજો, પણ ભારતથી બહુ મર્યાદિત પ્રમાણમાં વિદેશી ચલણ અમને મળતું હોય છે. એટલે અમારે કરકસર કરવા ડિસ્કાઉન્ટનું તમને પૂછવું પડ્યું છે. દુનિયાનાં ઘણાં શહેરોમાં અને ખાસ કરીને સિંગાપુર, હોંગકોંગ વગેરે મોટાં શહેરોમાં પ્રવાસી માગતાં ભૂલે એટલું બધું, ઘણી વાર તો પચાસ ટકા જેટલું ડિસ્કાઉન્ટ અપાય છે.”
“હા, તમારી વાત સાચી છે. ત્યાં હોટેલો વચ્ચે સ્પર્ધા ઘણી છે. લેટિન અમેરિકામાં પણ કેટલીક હોટેલોમાં ડિસ્કાઉન્ટ અપાય છે. અમે પણ ગ્રુપ-બુકિંગ માટે ત્રીસ ટકા આપીએ છીએ, પરંતુ કોઈ એક-બે પ્રવાસી હોય તો તેને આપતા નથી.”
Jain Education International
For Private & Personal Use Only
www.jainelibrary.org
