Page Text
________________
૧૬૨
પાસપોર્ટની પાંખે અને ત્યાં નાનકડી નદીમાં કેટલાક મગરો જોયા.
ત્યાર પછી અમારી બસ મોમ્બાસા-નાઇરોબીનો હાઈવે ઓળંગીને ત્સાવો પાર્કની બીજી બાજુ દાખલ થઈ. દાખલ થતાં જ એક સ્થળે એક હાથીને અમે ઊભેલો જોયો. માખીઓ ઉડાડવા તે પૂંછડી હલાવતો હતો અને ઝાડની ડાળીઓ સૂંઢ વડે તોડીતોડીને ખાતો હતો. આફ્રિકાના આ હાથીનો રંગ ભારત, મલાયા, બર્મા કે થાઈલેન્ડના હાથીઓ કરતાં સહેજ જુદો, ઘેરા ભગવા રંગ જેવો; ત્યાંની માટીનો રંગ હતો તેવો. એને લીધે ધ્યાનથી ન જોયું હોય તો હાથી તરત નરે ન ચડે, પશુપક્ષીઓને પોતાની જાત સંતાડવા માટે (કમોફલેજ કરવા માટે) કુદરતે કેવા કેવા રંગ અને આકૃતિ આપ્યાં છે તે ઘણાં પશુપક્ષીઓ અને જીવજંતુની બાબતમાં જોઈ શકાશે.
આગળ રસ્તામાં બીજાં કેટલાંક જિરાફ તથા હરણ પણ જોવા મળ્યાં. ત્યાર પછી અમે મઝિમ અિગ નામના એક નાનકડા ઝરણા પાસે પહોચ્યાં. ત્યાં અમારા માટે ભોજનની વ્યવસ્થા કરવામાં આવી હતી.
ભોજન પછી અમારી બસ ચાલી. અમે પાર્કમાં પ્રાણીદર્શન માટે ખાસ બનાવવામાં આવેલી એક હોટેલમાં ગયાં. હોટેલની પાછળની બાજુ મોટી બાલ્કની હતી. તેની નીચે ચોગાનમાં એક તળાવ બનાવ્યું હતું. સવારસાંજ જાતજાતનાં પશુપક્ષીઓ પાણી પીવા ત્યાં આવે છે. કેટલાંક પશુપક્ષીઓ આ પાણી પીવાનાં વ્યસની બની જાય છે, કારણ કે હોટેલવાળા એ પાણીમાં રોજ સાકર ભેળવે છે. એથી હોટેલના ગ્રાહકોને રોજ પશુપક્ષીઓ જોવા મળે. સાવ નજીકથી આ પશુપક્ષીઓને જોઈ શકાય છે અને તેમના ફોટા પણ લઈ શકાય છે.
બાલ્કનીમાં લોકોનો વધારે પડતો ઘોંઘાટ થાય તો પશુઓ નાસી જાય અને પક્ષીઓ ઊડી જાય. પરંતુ હોટેલવાળાએ તે માટે તરત નજરે પડે એવા એક પાટિયા ઉપર મોટા અક્ષરે સરસ સૂચના ઇંગ્લિશમાં લખી હતી : “પશુપક્ષીઓને આગ્રહભરી વિનંતી છે કે અમારા માનવંતા ગ્રાહકોની શાંતિમાં તેઓ ખલેલ ન પહોંચાડે, કારણ કે ઘોંઘાટ થશે તો તરત જ તેઓ આ સ્થાન છોડીને ચાલ્યાં જશે.”
સૂચના વાંચતાં જ સૌ કોઈ હસી પડ્યાં. સૂચના પશુપક્ષીઓ માટે નથી પણ હોટેલના ગ્રાહકો માટે જ છે એ તરત સમજાઈ જાય એવું હતું. એટલે પશુપક્ષીઓને જોવા માટે ત્યાં આવનાર સૌ ચીવટપૂર્વક શાંતિ રાખતાં.
અમે ત્યાં પહોંચ્યાં ત્યારે બપોરનાં ત્રણ વાગ્યા હતા, એટલે કેટલાંક હરણ, એક ગેંડો, એક જંગલી ભેંસ વગેરે થોડાંક પશુઓ અમને જોવા
Jain Education International
For Private & Personal Use Only
www.jainelibrary.org
| SR No. | 002036 |
| Book Title | Passportni Pankhe Part 1 |
| Original Sutra Author | N/A |
| Author | Ramanlal C Shah |
| Publisher | Mumbai Jain Yuvak Sangh |
| Publication Year | 1998 |
| Total Pages | 270 |
| Language | Gujarati |
| Classification | Book_Gujarati & Travelogue |
| File Size | 11 MB |