Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 690

.महासिलाकंटयसंगाम कहाणयं
४३५
६२
नरयभवाणंतरं कालस्स सिद्धिगमणनिरूवणं "तं एवं खलु गोयमा, ! काले कुमारे एरिसएहि आरम्भेहि-जाव-एरिसएणं असुभकडकम्मपन्भारेणं कालमासे कालं किच्चा चउत्थीए पंकप्पभाए पुढवीए हेमाभे नरए नेरइयत्ताए उववन्ने"। "काले णं भन्ते ! कुमारे चउत्थीए पुढवीए...अणंतर उव्वट्टित्ता कहिं गच्छिहिइ ? कहि उववज्जिहिइ ?"। "गोयमा, महाविदेहे वासे जाइं कुलाइं भवन्ति अड्ढाइं, जहा दढपइन्नो-जाव-सिज्झिहिइ बुज्झिहिइ -जाव-अन्तं काहिइ"।
कालाणुसारेणं सुकालाईणं णवण्हं वत्तव्वयानिद्देसो ६३ तेणं कालेणं तेणं समएणं चंपा नाम नयरी होत्था । पुण्णभद्दे चेइए । कणिए राया। पउमावई देवी।
तत्थ णं चंपाए नयरीए सेणियस्स रन्नो भज्जा कुणियस्स रन्नो चुल्लमाउया सुकाली नामं देवी होत्था, सुकुमाला । तीसे णं सुकालीए देवीए पुत्ते सुकाले नाम कुमारे होत्था सुकुमाले० । तए णं से सुकाले कुमारे अन्नया कयाइ तिहि वंतिसहस्सेहि. जहा कालो कुमारी, निरवसेसं तं चेव भाणियव्वं-जाव-महाविदेहे
वासे.....अंतं काहिइ। ६४ एवं सेसा वि अट्ठ अज्झयणा नेयव्वा पढमसरिसा, णवरं मायाओ सरिसनामाओ।
निर० अ० २-१० ।
४. महासिलाकंटयसंगामकहाणयं
भगवया परूविओ क्रूणियस्स जओ ६५ नायमेयं अरहया, सुयमेयं अरहया, विण्णायमेयं अरहया--महासिलाकंटए संगामे । महासिलाकंटए णं भंते ! संगामे वट्टमाणे के
जइत्था ? के पराजइत्था ? गोयमा ! वज्जी विदेहपुत्ते जइत्था, नव मल्लई, नव लेच्छई--कासी-कोसलगा अट्ठारस वि गणरायाणो पराजइत्था ।
सक्कसहियस्स कणियस्स संगामे आगमणं ६६ तए णं से कोणिए राया महासिलाकंटगं संगाम उवट्ठियं जाणित्ता कोडुबियपुरिसे सद्दावेइ, सहावेत्ता एवं वयासी--खिप्पामेव भो
देवाणुप्पिया! उदाइं हत्थिरायं पडिकप्पेह, हय-गय-रह-पवरजोहकलियं चाउरंगिणि सेणं सण्णाहेह, सण्णाहेत्ता मम एयमाणत्तियं खिप्पामेव पच्चप्पिणह। तए णं ते कोडुबियपुरिसा कोणिएणं रण्णा एवं वुत्ता समाणा हट्ठतुट्ठचित्तमाणंदिया-जाव-मत्थए अंजलि 'कटु एवं सामी ! तहत्ति आणाए विणएणं वयणं पडिसुणंति, पडिसुणिता खिप्पामेव छयायरियोवएस-मति-कप्पणा-विकप्पेहि सुनिउणेहि उज्जलणेवत्थ-हव्वपरिवच्छियं सुसज्ज-जाव-भीमं संगामियं अओझं उदाइं हत्थिरायं पडिकप्येति, हय-गय-रह-पवरजोहकलियं चाउरंगिणि सेणं सण्णाति, सण्णाहेत्ता जेणेव कूणिए राया तेणेब उवागच्छंति, उवागच्छिता करयलपरिग्गहियं दसनहं सिरसावत्तं मत्थए अंजलि कटु कूणियस्स रण्णो तमाणत्तियं पच्चप्पिणंति । तए णं से कृणिए राया जेणेव मज्जणघरं तेणेव उवागच्छति, उवागच्छित्ता मज्जणघरं अणुप्पविसइ, अणुप्पविसित्ता बहाए कयबलिकम्मे कयकोउय-भंगलपायच्छित्ते सब्बालंकारविभूसिए सण्णद्ध-बद्ध-वम्मियकवए उप्पीलियसरासणपट्टिए पिणद्धगेवेज्ज-विमलवरबचिधपट्टे गहियाउहप्पहरणे सकोरेंटमल्लदामेणं छत्तेणं धरिज्जमाणेणं चउचामरवालवीजियंगे मंगलजयसद्दकयालोए-जाव-जेणेव उदाई हत्थिराया तेणेव उवागच्छइ, उवागच्छित्ता उदाइं हत्थिरायं दुरुढे ।