Page Text
________________
४३४
धम्मकहाणुओगे छट्ठो खंधो
मल्लइ-लेच्छइआइसहियस्स चेडयस्स जुज्झट्ठ नीयदेससीमाए अवस्थाणं' ५६ तए णं से चेडए राया इमीसे कहाए लठे समाणे नव मल्लई नव लेच्छई कासी-कोसलगा अट्ठारस वि गणरायाणो सद्दावेइ,
एवं वयासी--"एवं खलु देवाणुप्पिया ! वेहल्ले कुमारे कुणियस्स रन्नो असंविदिएणं सेयणगं अट्ठारसवंकं च हारं गहाय इहं हव्वमागए । तए णं कुणिएणं सेयणगस्स अट्ठारसवंकस्स य अट्ठाए तओ दूया पेसिया । ते य मए इमेणं कारणेणं पडिसेहिया। तए णं से कुणिए ममं एयमझें अपडिसुणमाणे चाउरंगिणीए सेणाए सद्धि संपरिडे जुद्धसज्जे इहं हव्वमागच्छ । तं कि णं देवाणु
प्पिया! सेयणगं अट्ठारसर्वकं कुणियस्स रन्नो पच्चप्पिणामो? वेहल्लं कुमारं पेसेमो? उदाहु जुज्झित्था ?" । ५७ तए णं नव मल्लई नव लेच्छई कासी-कोसलगा अट्ठारस वि गणरायाणो चेडगं रायं एवं वयासी--"न एयं, सामी ! जुत्तं वा पत्तं
वा रायसरिसं वा, जं णं सेयणगं अट्ठारसवंक कुणियस्स रन्नो पञ्चप्पिणिज्जइ, वेहल्ले य कुमारे सरणागए पेसिज्जइ । तं जइ कूणिए राया चाउरंगिणीए सेणाए सद्धि संपरिवुडे जुद्धसज्जे इहं हव्वमागच्छइ, तए णं अम्हे कुणिएणं रन्ना सद्धि जुज्झामो ।” तए णं से चेडए राया ते नव मल्लई नव लेच्छई कासी-कोसलगा अट्ठारस वि गणरायाणो एवं वयासी--"जइ णं देवाणुप्पिया ! तुम्भे कूणिएणं रम्ना सद्धि जुज्झह, तं गच्छह णं देवाणुप्पिया ! सएसु सएसु रज्जेसु व्हाया, जहा कालाईया-जाव-जएणं विजएणं वद्धाति ।
तए णं से चेडए राया कोडुबियपुरिसे सद्दावेइ, सद्दावेत्ता एवं वयासी--आभिसेक्कं, जहा कूणिए-जाव-दुरुढे । ५८ तए णं से चेडए राया तिहिं दंतिसहस्सेहि, जहा कुणिए-जाव-वेसालि नरि मझमझेणं निगच्छइ, निग्गच्छित्ता जेणेव ते नव
मल्लई नव लेच्छई कासी-कोसलगा अट्ठारस वि गणरायाणो, तेणेव उवागच्छई।
तए णं से चेडए राया सत्ताबनाए वंतिसहस्सेहि, सत्तावनाए आससहस्सेहि, सत्तावनाए रहस्सेहि, सत्तावनाए मणुस्सकोडोहिं सद्धि संपरिवडे सविड्ढीए-जाव-रवेणं सुभेहि वसहीहिं पायरासेहिं नाइविगिठेहि अंतरेहि वसमाणे वसमाणे विदेहं जणवयं मज्झमजणं जेणेव देसपंते, तेणेव उबागच्छइ, उवागच्छित्ता खंधावार-निवेसणं करेइ, करेत्ता कुणियं रायं पडिवालेमाणे जुद्धसज्जे चिटुइ।
कुणिय-चेडगाणं संगामो
५९ तए णं से कणिए राया सब्बिड्ढीए-जाव-रवेणं जेणेव देसपंते तेणेव उवागच्छइ, उवागच्छित्ता चेडयस्स रन्नो जोयणंतरियं खंधावार
निवेसं करेइ । तए णं ते दोन्नि वि रायाणो रणभूमि सज्जावेन्ति, सज्जावित्ता रणभूमि जयंति । तए णं से कणिए राया तेत्तीसाए दंतिसहस्सेहि-जाव-मणुस्सकोडीहिं गरुलवूहं रएइ, रइत्ता गरुलवूहेणं रहमुसलं संगामं उवायाए । तए णं से चेडगे राया सत्तावन्नाए दंतिसहस्सेहि-जाव-सत्तावन्नाए मणुस्सकोडीहिं सगडवूहं रएइ, रइत्ता सगडवूहेणं रहमुसलं संगामं उवायाए। तए णं से दोण्ह वि राईणं अणीया संनद्ध-जाव-गहियाउहपहरणा मंगतिएहि फलएहि निकट्टाहि असोहि अंसागहि तोणेहि सजीवेहि धहिं समुक्खित्तेहिं सरेहिं समुल्लालियाहिं डावाहि ओसारियाहिं ऊरुघंटाहिं छिप्पतूरेणं वज्जमाणेणं महया उक्किटसोहनायबोलकलकलरवेणं समुद्दरवभूयं पिव करेमाणा सव्विड्ढीए-जाव-रवेण हयगया हयगएहि, गयगया गयगएहि, रहगया रहगएहि, पायत्तिया पायत्तिएहि, अन्नमहिं सद्धि संपलग्गा यावि होत्था । तए णं ते दोण्ह वि रायाणं अणीया नियगसामीसासणाणुरत्ता महया जणक्खयं जणवहं जणप्पमई जणसंवट्टकप्पं नच्चंतकबंधवारभीम रुहिरकद्दमं करेमाणा अन्नमन्नणं सद्धि जुझंति ।
संगामे कालमरणं ६१ तए णं से काले कुमारे तिहि दंतिसहस्सेहि-जाव-मणूसकोडीहिं गरुलवूहेणं एक्कारसमेणं खंधेणं कृणिएणं रन्ना सद्धि रहमुसलं संगाम
संगामेमाणे हयमहिय०, जहा भगवया कालीए देवीए परिकहियं-जाव-जीवियाओ ववरोवेइ ।
For Private & Personal Use Only
Jain Education International
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |