Page Text
________________
रहमुमलसंगामो
४२५
संगामे मणुयाणं मरणसंखा गई य १९ रहमुसले णं भंते ! संगामे वट्टमाणे कति जणसयसाहस्सीओ वहियाओ? गोयमा! छण्णउति जणसयसाहस्सीओ वहियाओ।
ते णं भंते ! मणुया निस्सीला निग्गुणा निम्मेरा निप्पच्चक्खाणपोसहोववासा रुट्टा परिकुविया समरवहिया अणुवसंता कालमासे कालं किच्चा कहिं गया? कहि उववन्ना? गोयमा ! तत्थ णं दससाहस्सीओ एगाए मच्छियाए कुच्छिसि उववन्नाओ। एगे देवलोगेसु उववन्ने। एगे सुकुले पच्चायाए। अवसेसा उस्सण्णं नरग-तिरिक्खजोणिएसु उववन्ना।
कूणियस्स इंदसाहेज्जे हेऊ २० कम्हा णं भंते ! सक्के देविदे देवराया, चमरे य असुरिंदे असुरकुमारराया कूणियस्स रण्णो साहेण्जं दलइत्था ?
गोयमा! सक्के देविदे देवराया पुव्वसंगतिए, चमरे असुरिंदे असुरकुमारराया परियायसंगतिए। एवं खलु गोयमा! सक्के देविदे देवराया, चमरे य असुरिंदे असुरकुमारराया कूणियस्स रण्णो साहेज्ज दलइत्था।
भगवई श० ७ उ०९।
३. रहमुसलसंगामे कालाइमरणकहा
कालाईणं दसण्हं नामुद्देसो २१ काले सुकाले महाकाले कण्हे सुकण्हे तहा महाकण्हे वीरकण्हे य बोद्धग्वे ।
रामकण्हे तहेव य पिउसेणकण्हे नवमे, दसमे महासेणकण्हे उ" ॥ | चंपाए सेणियपुत्ते काले २२ तेणं कालेणं तेणं समएणं इहेव जम्बु होवे दीवे भारहे वासे चम्पा नाम नयरी होत्था, रिद्ध०। पुण्णभद्दे चेहए।
तत्थ गं चम्पाए नयरीए सेणियस्स रन्नो पुत्त चेल्लणाए देवीए अत्तए कूणिए नामं राया होत्था, महया। तस्स णं कूणियस्स रनो पउमावई नामं देवी होत्था, सोमाल-जाव-विहरइ। तत्थ णं चम्पाए नयरीए सेणियस्स रन्नो भज्जा कूणियस्स रनो चुल्लमाउया काली नाम देवी होत्था, सोमाल जाव-सुरूवा। तीसे णं कालीए देवीए पुत्ते काले नामं कुमारे होत्था, सोमाल-जाव-सुरुवे । ।
कूणियसहियस्स कालस्स रहमुसलसंगामगमणं २३ तए णं से काले कुमारे अन्नया कयाइ तिहिं दंतिसहस्सेहि, तिहि रहसहस्सेहि, तिहि आससहस्सेहि, तिहि मणुयकोडीहि, गरुलवूहे
एक्कारसमेणं खंडेणं कणिएणं रन्ना सद्धि रहमुसलं संगाम ओयाए।
महावीरसमोसरणे कालीए पुच्छा २४ तए णं तीसे कालीए देवीए अन्नया कयाइ कुटुंबजागरियं जागरमाणीए अयमेयारूवे अज्मस्थिए-जाव-समुप्पज्जित्था--"एवं खलु मम
पुत्ते कालकुमारे तिहि वंतिसहस्सेहि-जाव-ओयाए। से, मन्ने, कि जइस्सइ ? नो जइस्सइ? जीविस्सइ? नो जीविस्सह? पराजिणिस्सइ ? नो पराजिणिस्सइ ? काले णं कुमारे अहं जीवमाणं पासिज्जा?" ओहयमण-जाव-झियाइ।
ध० क०५४
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |