Page Text
________________
२. रहमुसलसंगामो
रहमुसले बज्जीणं 'जओ' त्ति निरूवणं १४ नायमेयं अरहया, सुयमेयं अरहया, विण्णायमेयं अरहया--रहमुसले संगामे। रहमुसले णं भंते ! संगामे वट्टमाणे के जइत्था ?
के पराजइत्था? गोयमा ! वज्जी, विदेहपुत्ते, चमरे असुरिने असुरकुमारराया जइत्था; नव मल्लई, नव लेच्छई पराजइत्था।
कूणियस्स जुद्धपत्थाणं १५ तए णं से कूणिए राया रहमुसलं संगाम उवट्ठियं जाणित्ता कोडुबियपुरिसे सद्दावेइ, सद्दावेत्ता एवं बयासी-"खिप्पामेव भो देवाणु
प्पिया! भूयाणंदं हत्थिरायं पडिकप्पेह, हय-गय-रह-पवरजोहकलियं चाउरंगिण सेणं सण्णाहेह, सण्णाहेत्ता मम एयमाणत्तिय खिप्पामेव पच्चप्पिणह।"
तए णं ते कोडुंबियपुरिसा कोणिएणं रण्णा एवं वुत्ता समाणा हुदतुचित्तमाणंदिया-जाव-मत्थए अंजलि कटु ‘एवं सामी ! तह' त्ति आणाए विणएणं वयणं पडिसुणंति, पडिसुणित्ता खिप्पामेव छेयायरियोबएस-मति-कप्पणा-विकप्पेहि सुनिउहि उज्जलणेवत्थहव्वपरिवच्छियं सुसज्ज-जाव-भीमं सिंगामियं अओझं भूयाणंदं हत्थिरायं पडिकप्पेंति, हय-गय-रह-पवरजोहकलियं चाउरंगिणि सेणं सण्णाति, सण्णाहेत्ता जेणेव कूणिए राया तेणेव उवागच्छंति, उवागच्छित्ता करयलपरिग्गहियं दसनहं सिरसावत्तं मत्थए अंजलि कट्ट कूणियस्स रणो तमाणत्तियं पच्चप्पिणंति ।
ए राया हारोत्थय-सुकय-रइयवच्छणापारखित्ते जेणेव रहमुसले संगामे वणवत्ताण चिटइ। मग्गओ
तए णं से कूणिए राया जेणेव मज्जणघरं तेणेव उवागच्छति, उवागच्छित्ता मज्जणघरं अणुप्पविसइ, अणुप्पविसित्ता हाए कयबलिकम्मे कयकोउय-मंगल-पायच्छित्ते सव्वालंकारविभूसिए सण्णद्ध-बद्ध-वम्मियकवए उप्पीलियसरासणपट्टिए पिणद्धगेवेज्ज-विमलवरबद्धचिधपट्टे गहियाउहप्पहरणे सकोरेंटमल्लदामेणं छत्तेणं धरिज्जमाणेणं चउचामरवालबीजियंगे, मंगलजयसद्दकयालोए-जाव-जेणेव भूयाणंदे हत्थिराया तेणेव उवागच्छइ, उवागच्छित्ता भूयाणंदं हत्थिरायं दुरूठे।
कूणियस्स इंदसाहेज्ज १६ तए णं से कूणिए राया हारोत्थय-सुकय-रइयवच्छे-जाव-सेयवरचामराहि उद्ध्वमाणीहि-उद्धवमाणीहि हय-गय-रह-पवरजोहकलियाए
चाउरंगिणीए सेणाए सद्धि संपरिवुडे महयाभडचडगरविंदपरिक्खित्ते जेणेव रहमुसले संगामे तेणेव उवागच्छइ, उवागच्छित्ता रहमुसलं संगामं ओयाए । पुरओ य से सक्के देविदे देवराया एगं महं अभेज्जकबयं वइरपडिख्वगं विउन्वित्ताणं चिट्ठइ। मग्गओ य से चमरे असुरिंदे असुरकुमारराया एगं महं आयस किढिणपडिरूपगं विउव्वित्ताणं चिट्ठइ । एवं खलु तओ इंदा संगामं संगामेंति, तं जहा-- देविदे य, मणुईदे य, असुरिंदे य। एगहत्थिणा वि णं पभू कणिए राया पराजिणित्तए।
कूणियजयो १७ तए णं से कूणिए राया रहमुसलं संगाम संगामेमाणे नव मल्लई, नव लेच्छई-कासी-कोसलगा अट्ठारस वि गणरायाणो हय
महिय-पबरवीर-धाइय-विवडियचिधद्धयपडागे किच्छपाणगए दिसोदिसि पडिसेहित्था।
रहमुसलसंगामसरूवं १८ से केण?णं भंते ! एवं वुच्चइ--रहमुसले संगामे, रहमुसले संगामे ?
गोयमा! रहमुसले णं संगामे वट्टमाणे एगे रहे अणासए, असारहिए, अणारोहए, समुसले महया जणक्खयं, जणवहं, जणप्पमई, जणसंबट्टकप्पं रुहिरकद्दमं करेमाणे सव्वओ समंता परिधावित्था। से तेणठेणं गोयमा! एवं वुच्चइ-रहमुसले संगामे० ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |