Page Text
________________
सेणिय-चेल्लणावलोयणेण साह-साठणोकयनियाणकरणपसंगो
४२३
९ तए णं से सेणिए राया चेल्लणादेवीए सद्धि धम्मियं जाणपवरं दुरुहइ, दुरहित्ता सकोरेंट-मल्ल-दामेणं छत्तेणं धरिज्जमाणेणं, उबवाइग
मेणं णेयव्यं-जाव-पज्जुवासइ। एवं चेल्लणादेवी-जाव-महत्तरग-परिक्खित्ता, जेणेव समणे भगवं महावीरे तेणेव उवागच्छइ, उवागच्छित्ता समणं भगवं महावीरं वंदति-नमंसति, वंदित्ता नमंसित्ता सेणियं रायं पुरओ काउं ठितिया चेव-जाव-पज्जुवासति ।
भगवओ धम्मदेसणा सेणियाइपरिसापडिगमणं च १० तए णं समणे भगवं महावीरे सेणियस्स रण्णो भंभसारस्स, चेल्लणादेवीए, तीसे महइ-महालयाए परिसाए, इसि-परिसाए,
जइ-परिसाए, मुणि-परिसाए, मणुस्स-परिसाए, देवपरिसाए, अणेग-सयाए-जाव-धम्मो कहिओ । परिसा पडिगया । सेणियराया पडिगओ।
साहु-साहुणीणं नियाणकरणं
११ तत्थेगइयाणं निग्गंथाणं निग्गंथीणं य सेणियं रायं चेल्लणं च देवि पासित्ता णं इमे एयारूवे अज्झथिए-जाव-संकप्पे समुप्पज्जित्था
"अहो णं सेणिए राया महड्ढिए जाव--महासुक्खे जं णं ण्हाए, कयबलि-कम्मे, कय-कोउय-मंगल-पायच्छित्ते, सव्वालंकारविभूसिए, चेल्लणा देवीए सद्धि उरालाई माणुसगाई भोगभोगाई भुंजमाणे विहरति। न मे दिट्ठा देवा देवलोगंसि, सक्खं खलु अयं देवे। जइ इमस्स सुचरियस्स तव-नियम-बंभचेर-गुत्तिवासस्स कल्लाणे फल-वित्ति-विसेसे अस्थि, तया वयमवि आगमेस्साई इमाई ताई उरालाई एयारूवाई माणुसगाई भोगभोगाई भुंजमाणा बिहरामो।" से तं साहू । "अहो णं चेल्लणादेवी महिड्ढिया जाव-महासुक्खा जा णं व्हाया, कय-बलिकम्मा-जाव-कयकोउय-मंगलपायच्छित्ता-जावसव्वालंकार विभूसिया, सेणिएणं रण्णा सद्धि उरालाई-जाव-माणुसगाई भोगभोगाई भुंजमाणी विहरइ। न मे विट्ठाओ देवीओ देवलोगंसि, सक्खा खल इमा देवी । जइ इमस्स सुचरियस्स तव-नियम-बंभचेरवासस्स कल्लाणे फलवित्ति-विसेसे अस्थि, वयमवि आगमिस्साई इमाइं एयारवाई उरालाई-जाव-विहरामो।" से तं साहुणी ।
भगवओ निदाणकरणनिसेहरूवं उवएसं सोच्चा साहु-साहूणोणं पायच्छित्ताइकरणं १२ 'अज्जो' त्ति समणे भगवं महावीरे ते बहवे निग्गंथा निग्गंथीओ य आमंतेत्ता एवं वयासी--
"सेणियं रायं चेल्लणादेवि पासित्ता इमेयारवे अज्झथिए-जाव-समुपज्जित्या-अहो णं सेणिए राया महिड्ढिए-जाव-से तं साहू; अहो णं चेल्लणा देवी महिड्ढिया सुंदरा-जाव-साहूणी। से णूणं अज्जो! अत्थे समठे ?" "हंता, अत्थि।" "एवं खलु समणाउसो! मए धम्मे पन्नते, तं जहा--'जाव-एवं खलु समणाउसो! तस्स अणिदाणस्स इमेयारूवे कल्लाणफलविवागे
जं तेणेव भवग्गहणेणं सिज्झति-जाव-सव्वदुक्खाणं अंतं करेइ ।" १३ तए णं ते बहवे निग्गंथा य निग्गंथीओ य समणस्स भगवओ अंतिए एयमझें सोच्चा निसम्म समणं भगवं महावीरं बंदति नमसंति, वंदित्ता, नमंसित्ता तस्स ठाणस्स आलोएंति पडिक्कमंति-जाव-अहारिहं पायच्छित्तं तवोकम्मं पडिवज्जंति ॥
दसासुय १० । १ 'जाव' इच्चेएण निहिठं नियाणभेयाइनिरूवगं भगवंतवयणं दसासुयक्खंधाओ अवगंतव्वं, एत्थ आगमअणुओगगतचरणाणुओगे वि
निदाणभेयाइ जाणियव्वं ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |