Page Text
________________
३९६
धम्मकहाणुओग पंचमो खंधो
तए णं रायगिहे नगरे सिंघाडग -जाव-पहेसु बहुजणो अण्णमण्णस्स एवमाइक्खइ-जाव-पण्णवेइ एवं परवेइ--धन्ने णं देवाणुप्पिया ! विजये गाहावई, कयत्थे णं वेवाणु प्पिया ! विजये गाहावई कयपुण्णे णं देवाणुप्पिया ! विजये गाहावई कयलक्खणे णं देवाणुप्पिया! विजये गाहावई, कया णं लोया देवाणुप्पिया! विजयस्स गाहावइस्स, सुलद्धे गं देवाणुप्पिया ! माणुस्सए जम्मजीवियफले विजयस्स गाहावइस्स, जस्स गिहंसि तहारूवे साधू साधुरूवे पडिलाभिए समाणे इमाई, पंच दिव्वाइं पाउन्भूयाई, तं जहा-- वसुधारा वुढा-जाव-अहो 'दाणे अहो दाणे' ति घुठे, तं धन्ने कयत्थे कयपुग्णे कयलक्खणे, कया णं लोया, सुलद्धे माणुस्सए जम्मजीवियफले विजयस्स गाहावइस्स, विजयस्स गाहावइस्स।
गोसालकयाए सिस्सत्तपत्थणाए भगवओ उदासीणया तए णं से गोसाले मंखलिपुत्ते बहुजणस्स अंतिए एयमढे सोच्चा निसम्म समुप्पन्नसंसए समुप्पन्नकोउहल्ले जेणेव विजयस्स गाहावइस्स गिहे तेणेव उवागच्छइ, उवागच्छित्ता पासइ विजयस्स गाहावइस्स गिहंसि वसुहारं वुठं, दसद्धवणं कुसुमं निवडियं, ममं च ण विजयस्स गाहावइस्स गिहाओ पडिनिक्खममाणं पासइ, पासित्ता हटुतुळे जेणेव ममं अंतिए तेणेव उवागच्छइ, उवागच्छित्ता ममं तिक्खुत्तो आयाहिण-पयाहिणं करेइ, करेत्ता ममं वंदइ नमसइ, वंदित्ता नमंसित्ता ममं एवं वयासी--तुब्भे गं भंते! मम धम्मायरिया, अहण्णं तुम्भं धम्मंतेवासी। तए णं अहं गोयमा! गोसालस्स मंखलिपुत्तस्स एयमढें नो आढामि, नो परिजाणामि, तुसिणीए संचिट्ठामि ।
५८
भगवओ दोच्चमासखमणपारणे पंचदिव्वाई तए णं अहं गोयमा! रायगिहाओ नगराओ पडिनिक्खमामि, पडिनिक्खमित्ता नालंदं बाहिरियं मज्झमझंण निग्गच्छामि, निग्गच्छित्ता जेणेव तंतुवायसाला, तेणेव उवागच्छामि, उवागच्छित्ता दोच्चं मासखमणं उवसंपज्जित्ताणं विहरामि । तए णं अहं गोयमा! दोच्च-मासखमणपारणगंसि तंतुवायसालाओ पडिनिक्खमामि, पडिनिक्खमित्ता नालंदं बाहिरियं मझमझणं निग्गच्छामि, निग्गच्छित्ता जेणेव रायगिहे नगरे-जाव--अडमाणे आणंदस्स गाहावइस्स गिहं अणुप्पविठे। तए णं से आणंदे गाहावई ममं एज्जमाणं पासइ, एवं जहेव विजयस्स (सु. ५६)-जाव-वंदित्ता नमंसित्ता ममं विउलाए खज्जगविहीए पडिलाभेस्सामित्ति तुडे, पडिलाभेमाणे वि तुठे, पडिलाभित्ते वि तुठे। तए णं तस्स आणंदस्स गाहावइस्स तेणं दव्वसुद्धणं-जाव-(सु.५६) परूबेइ-धन्ने णं देवाणुप्पिया! आणंदे गाहावई, कयत्थे णं देवाणप्पिया! आणंदे गाहावई, कयपुण्णे णं देवाणुप्पिया! आणंदे गाहावई, कयलक्खणे णं देवाणुप्पिया! आणंदे गाहावई, कया णं लोया देवाणुप्पिया! आणंदस्स गाहावइस्स, सुलद्धे णं देवाणुप्पिया! माणुस्सए जम्मजीवियफले आणंदस्स गाहावइस्स, जस्स णं गिहंसि तहारूवे साधू साधुरूवे पडिलाभिए समाणे इमाइं पंच दिव्वाइं पाउन्भूयाई, तं जहा वसुधारा वुट्ठा-जाव-अहो दाणे, अहो दाणे त्ति घुळे, तं धन्ने कयत्थे कयपुण्ण कयलक्खणे, कया णं लोया, सुलद्धे माणुस्सए जम्मजीवियफले आणंदस्स गाहावइस्स, अणंदस्स गाहावइस्स।
पुणो वि गोसालकयाए सिस्सत्तपत्थगाए भगवओ उदासीणया ५९ तए णं से गोसाले मंखलिपुत्ते-जाव-(सु. ५७) जेणेव आणंदस्स गाहावइस्स गिहे तेणेव उवागच्छइ, उवागच्छित्ता पासइ आणंदस्स
गाहावइस्स गिहंसि वसुहारं वुझें दसद्धवणं कुसुमं निवडियं, ममं च णं आणंदस्स गाहावइस्स-जाव-(सु. ५७) तुसिणीए संचिट्ठामि ।
भगवओ तच्चमासखमणपारणे पंचदिव्वाई ६० तए णं अहं गोयमा ! रायगिहाओ नगराओ पडिनिक्खमामि,-जाव-(सु.५८) उवागख्छित्ता तच्चं मासखमणं उवसंपज्जित्ताणं विहरामि । . तए णं अहं गोयमा! तच्च-मासखमणपारणगंसि तंतुवायसालाओ पडिनिक्खमामि, पडिनिक्खमित्ता-जाव-(सु.५६) भिक्खायरियाए
अडमाणे सुणंदस्स गाहावइस्स गिहं अणुपविठे। तए णं से सुणंदे गाहावई ममं एज्जमाणं पासइ, एवं जहेव विजयस्स (सु. ५६)-जाव-वंदित्ता नमंसित्ता ममं विउलेणं सव्वकामगुणिएणं भोयणेणं पडिलाभेस्सामित्ति तुझें, पडिलाभेमाणे वि तुझें, पडिलाभिते वि तुझें। तए णं तस्स सुणंदस्स गाहावइस्स तेणं दव्वसुद्धेणं-जाव-(सु. ५६) परूवेइ--धन्ने णं देवाणुप्पिया ! सुणंदे गाहावई, कयत्थे णं देवाणुप्पिया! सुणंदे गाहावई, कयपुण्णे णं देवाणुप्पिया! सुणंदे गाहावई, कयलक्खणे णं देवाणुप्पिया ! सुणंदे गाहावई, कया णं लोया देवाणुप्पिया! सुणंदस्स गाहावइस्स, सुलद्धे णं देवाणुप्पिया! माणुस्सए जम्मजीवियफले सुणंदस्स गाहावइस्स, जस्स णं
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |