Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 639

३८४
धम्मकहाणुओगे पंचमो खंधो
तए णं से जमाली खत्तियकुमारे अम्मापियरो एवं व्यासी--तहा वि णं तं अम्मताओ ! जणं तुम्भे ममं एवं वदह---इमं च गं ते जाया ! सरीरगं तं चैव-जाव-पव्वइहिसि, एवं खलु अम्मताओ ! माणुस्सगं सरीरं दुक्खाययणं, विविहवाहिसयसंनिकेतं, अट्ठियकट्टियं, छिराण्हारुजाल-ओणद्धसंपिणद्धं, मट्टियभंडं व दुब्बलं, असुइसंकिलिटुं, अणिटुक्यि-सव्व कालसंठप्पयं, जरा कुणिमजज्जरघरं व सडण-पडण-विद्धंसणधम्म, पुटिव वा पच्छा वा अवस्सविप्पजहियध्वं भविस्सइ । से केस ण जाणइ अम्मताओ ! के पुवि गमणयाए, के पच्छा गमणयाए ? तं इच्छामि गं अम्मताओ ! तुब्भेहि अन्भणुण्णाए समाणे समणस्स भगवओ महावीरस्स अंतियं मंडे भवित्ता अगाराओ अणगारियं पव्य इत्तए ।
१० तए गं तं जमालि खत्तियकुमारं अम्मापियरो एवं वयासी--इमाओ य ते जाया ! विपुलकुलबालियाओ कलाकुसल-सव्य काललालिय-सुहोचियाओ, मद्दवगुणजुत्त-निउणविणओवयारपंडिय-दियक्खणाओ, मंजुलमियमहुरभणिय-विहसिय-विप्पेक्खिय-गति-विलास
शाओ मजलामियमहरभणयमवहाँसय विपक्षिय-मातभवलासचिट्ठियविसारदाओ, अविकलकुल-सीलसालिणीओ, विसुद्धकुलवंससंताणतंतुवद्धण-पगब्भवयभाविणीओ, मणाणुकूलहियइच्छियाओ, अट्ठ तुज्झ गुणवल्लहाओ उत्तमाओ, निच्चं भावाणुरत्तसव्वंगसुंदरीओ। तं भुंजाहि ताव जाया ! एताहिं सद्धि विउले माणुस्सए कामभोगे, तओ पच्छा भुत्तभोगी विसय-विगयवोच्छिष्ण-कोउहल्ले अम्हेहिं कालगएहिं समाहिं परिणयवए वढियकुलवंसतंतुकज्जम्मि निरवयक्खे समणस्स भगवओ महावीरस्स अंतियं मुंडे भक्त्तिा अगाराओ अणगारियं पव्व इहिसि ।
तए णं से जमाली खत्तियकुमारे अम्मापियरो एवं क्यासी--तहा वि णं तं अम्मताओ ! जण्णं तुब्भे मम एयं बदह--इमाओ ते जाया ! विपुलकुलबालियाओ-जाव-पव्वइहिसि, एवं खलु अम्मताओ ! माणुस्सगा कामभोगा उच्चार-पासवण-खेल-सिंघाणगवंत-पित्त-यूय-सुक्क-सोणिय-समुन्भवा, अमणुण्णदुरुय-मुत्त-पूइय-पुरीसपुण्णा, मयगंधुस्सास-असुभनिस्सासउब्वेयणगा, बीभच्छा, अप्पकालिया, लहुसगा, कलमलाहिवासदुक्खा बहुजणसाहारणा, परिकिलेसकिच्छदुक्खसज्झा, अबुहजणणिसेविया, सदा साहुगरहणिज्जा, अणंतसंसारवद्धणा, कडुगफलविवागा चुडल्लि व्व अमुच्चमाणा, दुक्खाणुबंधिणो, सिद्धिगमणविग्घा । से केस णं जाणइ अम्मताओ! के पुवि गमणयाए ? के पच्छा गमण याए ? तं इच्छामि णं अम्मलाओ ! तुर्भेहिं अब्भणुण्णाए समाणे समणस्स भगवओ महावीरस्स अंतियं मुडे भवित्ता अगाराओ अणगारियं पच्वइत्तए ।
हए णं तं जमालि खत्तियकुमारं अम्मापियरो एवं क्यासी--इमे य ते जाया ! अज्जय-पज्जय-पिउपज्जयागए सुबहू हिरण्णे य, सुवणे य, कंसे य, दूसे य, विउलधण-कणग-रयण-मणि-मोत्तिय-संख-सिल-प्पवाल-रत्तरयण-संतसार-सावएज्ज, अलाहित-जाव-आसतमाओ कुलवंसाओ पकामं दाउं, पकाम भोत्तु पकामं परिभाएउं, तं अणुहोहि ताव जाया ! विउले माणुस्सए इड्ढि-सक्कारसमुदए, तओ पच्छा अणहयकल्लाणे, वढियकुलवंस तंतुकज्जम्मि निरवयक्खे समणस्स भगवओ महावीरस्स अंतिय मुंडे भवित्ता अगाराओ अणगारियं पव्वइहिसि ।
हए णं से जमाली खत्तियकुमारे अम्मापियरो एवं क्यासी-तहा वि णं तं अम्मताओ ! जण्णं तुम्भे ममं एवं वदह--इमं च ते जाया ! अज्जय-पज्जय-पिउपज्जया गए-जाव-पध्वइहिसि, एवं खलु अम्मताओ ! हिरण्णे य, सुवष्णे य-जाव-सावएज्जे अग्गिसाहिए, चोरसाहिए, रायसाहिए, मच्च साहिए, दाइयसाहिए, अग्गिसामणे, चोरसाणे, रायसामण्णे, मच्चसामण्णे, दाइयसामण्णे, अधुवे, अणितिए, असासए, पुब्वि वा पच्छा वा अवस्सविष्पजहियवे भविस्सइ, से केस णं जाणइ अम्मताओ ! के पुव्वि गमणयाए, के पच्छा गमणयाए ? तं इच्छामि गं अम्मताओ ! तुहि अन्भणुष्णाए समाणे समणस्स भगवओ महावीरस्स अंनियं म भक्त्तिा अगाराओ अणगारियं पध्वइत्तए ।
१२ तए णं तं जमालि खत्तियकुमारं अम्मताओ जाहे नो संचाएंति विसयाणुलोमाहि बहूहि आघवणाहि य पण्णवणाहि य सण्णवणाहि
य विण्णवणाहि य, आधवेत्तए वा पण्णवेत्तए वा सण्णवेत्तए वा विण्णवेत्तए वा, ताहे विसय पडिकूलाहि संजमभयुब्वेषणकरोहिं पण्णवणाहिं पण्णवेमाणा एवं क्यासी--
एवं खलु जाया ! निग्गंथे पावयणे सच्चे अणुत्तरे केवले पडिपुण्णे नेयाउए संसुद्धे सल्लगत्तणे सिद्धिमग्गे मुत्तिमग्गे निज्जाणमग्गे निव्वाणमग्गे अम्तिहे अविसंधि सम्बदुक्खप्पहीणमग्गे, एत्यं ठिया जीवा सिझंति बुझंति मुच्चंति परिनिवायंति सव्वदुक्खाणं अंतं करेंति ।
अहीव एगंतबिट्ठीए, खुरो इव एगंतधाराए, लोहमया जवा चावेयव्वा, वालुयाकवले इव निस्साए, गंगा वा महानदी पडिसोय. गमणयाए, महासमुद्दो वा भुयाहि दुत्तरो, तिक्खं कमियव्वं, गरुयं लंबेयस्वं, असिधारगं वयं चरियव्वं ।