Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 618

२०. कूणियस्स महावीरसमवसरणगमण-धम्मसवणपसंगो
चंपानयरी ३०६ तेणं कालेणं तेणं समएणं चंपा नाम नयरी होत्था रिद्धत्यिमियसमिद्धा पमुइयजणजाणवया आइष्णजणमणूसा हलसयसहस्ससंकिट्टविकिट्र
लट्ठपण्णत्तसेउसीमा कुक्कुडसंडेयगामपउरा उच्छुजवसालिकलिया गो-महिस-गवेलग-प्पभूया आयारवंतचेइयजुवइविविहसण्णिविट्ठबहुला उक्कोडियगायगठिभेयग-भड-तक्कर-खंडरक्खरहिया खेमा णिस्वदवा सुभिक्खा वीसत्थसुहावासा अणेगकोडिकुटुंबियाइण्णणिध्वयसुहा णड-णट्टग-जल्ल-मल्ल-मुट्टिय-वेलंबग-कहग-पवग-लासग-आइक्खग-मंख-लंख-तूणइल्ल-तुंबवीणिय-अगतालायराणुचरिया आरामज्जाणअगड-तलाग-दीहिय-वप्पिणगुणोक्वेया नंदणवणसन्निभप्पगासा उन्विद्धविउलगंभीरखायफलिहा चक्क-गय-मुसु ढि-ओरोह-सयग्घि-जमलकवाड-घणदुष्पवेता धगुकुडिलवंकपागारपरिक्खित्ता कविसीसगवट्टरइयसंठियविरायमाणा अट्टालय-चरिय-दार-गोपुर-तोरण-समण्णयसुविभत्त-रायमग्गा छेयायरियरइयदढफलिहइंदकीला विवणिवणिछित्तसिप्पियाइण्णणिव्वुयसुहा सिंघाडग-तिग-चउक्क-चच्चर-पणियावणविविहवत्युपरिमंडिया सुरम्मा मरवइपविइण्णमहिवइपहा अणेगवरतुरग-मत्तकुंजर-रहपहकर-सीय-संदमाणी-आइण्ण-जाण-जग्गा विमउल-णवणलिणिसोभियजला पंडरवरभवणसण्णिमहिया उत्ताणणयणपेच्छणिज्जा पासादीया दरिसणिज्जा अभिरूवा पडिरूवा।
पुण्णभद्दे चेइए ३०७ तोसे णं चंपाए णयरीए बहिया उत्तरपुरस्थिमे दिसीभाए पुष्णभद्दे नाम चेइए होत्था, चिराईए पुवपुरिसपण्णत्ते पोराणे सहिए
वित्तिए (पाठान्तरे-'कित्तिए') णाए सच्छत्ते सज्झए सघंटे सपडागे पडागाइपडागमंडिए सलोमहत्थे कयवेयड्डिए लाजल्लोइयमहिए गोसीससरसरत्तचंदणदद्दरदिण्णपंचंगुलितले उवचियचंदणकलसे चंदणघडसुकयतोरणपडिदुवारदेसभाए आसत्तोसत्तविउलवट्टवाघारियमल्लदामकलावे पंचवण्णसरससुरभिमुक्कपुष्फपुजोक्यारकलिए कालागुरुपवरकुंदरुक्कतुरुक्कधूवमघमघंतगंधुद्धयाभिरामे सुगंधवरगंधगंधिए गंधवट्टिभूए णड-गट्टग-जल्ल-मल्ल-मुट्ठिय-वेलंबग-पवग-कहग-लासग-आइक्खग-लंख-मंख-तूणइल्ल-तुंबवीणिय-भुयग-मागहपरिगए बहुजणजाणवयस्त विस्सुयकित्तिए बहुजणस्स आहुस्स आहुणिज्जे पाहुणिज्जे अच्चणिज्जे वंदणिज्जे नमसणिज्जे पूणिज्जे सक्कारणिज्जे सम्माणणिज्जे कल्लाणं मंगल देवयं चेइयं विणएणं पज्जुवासणिज्जे दिव्वे सच्चे सच्चोवाए सणिहियपाडिहेरे जागसहस्सभागपडिच्छए बहुजगो अच्चेइ आगम्म पुण्णभद्दचेइयं पुण्णभद्दचेइयं ।
वणसंडो ३०८ से णं पुण्णभद्दे चेइए एक्वाणं महया वणसंडेणं सव्वओ समता परिक्खित्ते, से णं वणसंडे किण्हे किण्होभासे नीले नीलोभासे हरिए
हरिओभासे सीए सीओभासे गिद्धे गिद्धोभासे तिब्वे तिब्बोभासे किण्हे किण्हच्छाए नीले नीलच्छाए हरिए हरियच्छाए सीए सीयन्छाए णिद्धे णिद्धच्छाए तिव्वे तिव्वच्छाए घणकडिअकडिच्छाए रम्मे महामेहणिकुरंबभूए। ते णं पायवा मूलमंतो कंदमंतो खंधमतो तयामंतो सालमंतो पवालमंतो पत्तमंतो पुप्फर्मतो फलमंतो बीयमंतो अणुपुव्वसुजायरुइलवट्टभावपरिणया एक्कखंधा अगसाला अगसाहप्पसाहविडिमा अणेगनरवामसुप्पसारियअग्गेज्झघणविउलबद्धखंधा [वाचनान्तरे अधिकानि पदानि-पाईणपडीणाययसाला उदीणदाहिणविच्छिण्णा ओणयनयपणयविप्पहाइयओलंबपलंबलंबसाहप्पसाहविडिमा अवाईणपत्ता अणुइण्णपत्ता ] अच्छिद्दपत्ता अवाईणपत्ता अवाईयपत्ता नियजरढपंडुपत्ता णवहरियभिसंतपत्तभारंधयारगंभीरदरिसणिज्जा उवणिग्गयणवतरुणपत्तपल्लवकोमलउज्जलचलंतकिसलयसुकुमालपवालसोहियवरंकुरग्गसिहरा णिच्चं कुसुमिया णिच्चं माइया णिच्चं लवइया णिचं थवइया णिच्चं गुलइया णिच्वं गोच्छिया णिच्चं जमलिया णिच्चं जुवलिया णिच्चं विणमिया णिच्चं पणमिया णिच्चं कुसुमियमाइयलवइयथवइयगुलइयगोच्छियजमलियजुवलियविणमियपणमियसुविभत्तपिंडमंजरिवडिसयधरा सुय-बरहिण--मयणसाल-कोइल कोभगक-भिगारग-कोंडलग--जीवंजीवग-णंदीमुह-कविल-पिंगलक्खग-कारंड-चक्कवाय--कलहंस--सारस- अणेगसउणगणमिहुणविरइयसहुण्णइयहरसरणाइए सुरम्मे संपिडियदरियभमरमहुयरिपहकरपरिलितमत्तछप्पयकुसुमासक्लोलमहुरगुमगुमंतगुंजतदेसभाए अभितर पुफ्फहले बाहिरपत्तोच्छण्णे पत्तेहि य पुष्फेहि य ओछन्नपडिवलिच्छते साउफले निरोयए अकंटए णाणाविहगुच्छ-गुम्म-मंडवग-रम्मसो.