Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 616

सोमिलमाहणे समणोवासए
३६१
सोमिलस्स जत्ताइपण्हाणं भगवओ समाहाणं ३०३ जता ते भंते ? जबणिज्ज (ते भंते ?) ? अव्वाबाहं (ते भंते ? ) ? फासुयविहारं (ते भंते ?)
सोमिला! जत्ता वि मे, जवणिज पि मे, अव्वाबाहं पि मे, फासुयविहारं पि मे। कि ते भंते ! जत्ता? सोमिला! जं मे तव-नियम-संजय-सज्झाय-माणावस्सगमादीएसु जोगेसु जयणा, सेत्तं जत्ता। किं ते भंते! जवणिज्जं? सोमिला! जवणिज्जे दुबिहे पण्णते, तं जहा-इंदियजवणिज्जे य, नोइंदिय-जवणिज्जे य। से किं तं इंदियजवणिज्जे ? इंदियजवणिज्जे--जं मे सोइंदिय-क्खिदिय-धाणिदिय-जिभिदिय-फासिदियाई निरुवहयाई वसे वटुंति, सेत्तं इंदियजवणिज्जे। से कि तं नोइंदियजवणिज्जे? नोइंदियजवणिज्जे-जं में कोह-माण-माया-लोभा वोच्छिण्णा नो उदीरेंति, सेत्तं नोइंदियजवणिज्जे । सेत्तं जवणिज्जे । कि ते भंते ! अव्वाबाहं ? सोमिला! जं मे वातिय-पित्तिय-संभिय-सन्निवाइया विविहा रोगायंका सरीरगया दोसा उवसंता नो उदीरेंति सेत्तं अव्वाबाहं । कि ते भंते ! फासुयविहारं? सोमिला ! जण्णं आरामेसु उज्जाणेसु देवकुलेसु सभासु पवासु इत्थी-पसु-पंडगविवज्जियासु वसहीसु फासु-एसणिज्जं पीढ-फलगसज्जा-संथारगं उपसंपज्जित्ताणं विहरामि, सेत्तं फासुयविहारं। सरिसवा ते भंते ! कि भक्खेया ? अभक्खया ? सोमिला ! सरिसवा में भक्खया वि अभक्खया वि । से केण?णं भंते ! एवं वुच्चइ-सरिसवा में भक्खेया वि अभक्खया वि? से नणं भे सोमिला! बंभण्णएसु नएसु दुविहा सरिसवा पण्णत्ता तं जहा--मित्तसरिसवा य, धन्नसरिसवा य। तस्थ णं जे ते मित्तसरिसवा ते तिविहा पण्णत्ता तं जहा--सहजायया, सहवढियया, सहपंसुकीलियया, ते णं समणाणं निग्गंथाणं अभक्खेया। तत्थ णं जे ते धन्नसरिसवा ते दुविहा पण्णत्ता, तं जहा--सत्थपरिणया य, असत्थपरिणया य। तत्थ णं जे ते असत्थपरिणया ते णं समणाणं निग्गंथाणं अभक्खेया। तत्थ णं जे ते सत्थपरिणया ते दुविहा पण्णत्ता, तं जहा--एसणिज्जा य, अणेसणिज्जा य । तत्य णं जे ते अणेसणिज्जा ते समणाणं निग्गंथाणं अभक्खेया। तत्थ णं जे ते एसणिज्जा ते दुविहा पण्णत्ता, तं जहा-जाइया य, अजाइया य । तत्थ पं जे ते अजाइया ते णं समणाणं निग्गंथाणं अभक्खया। तत्थ णं जे ते जाइया ते दुविहा पण्णत्ता, तं जहा--लद्धा य, अलद्धा य तत्थ णं जे ते अलद्वा ते णं समणाणं निग्गंथागं अभक्खेया। तत्थ णं जे ते लद्धा ते णं समणाणं निग्गंथाणं भक्खया। से तेणठेणं सोमिला ! एवं वुच्चइ--सरिसवा मे भक्खया वि अभक्खेया वि। मासा ते भंते ! कि भक्खया? अभक्खया? सोमिला ! मासा मे भक्खया वि, अभक्खया वि। से फेणठेणं भंते ! एवं बुच्चइ--मासा मे भक्खेया वि अभक्खेया वि? से नूणं भे सोमिला ! बंभण्णएसु नएसु दुविहा मासा पण्णत्ता, तं जहा--दव्वमासा य, कालमासा य । तत्थ णं जे ते कालमासा ते णं सावणादीया आसाढपज्जवसाणा दुवालस पण्णत्ता, तं जहा--सावणे, भद्दवए, आसोए, कत्तिए, मग्गसिरे, पोसे, माहे, फग्गुणे, चेत्ते, वइसाहे, जटामूले, आसाढे। ते णं समणाणं निग्गंथाणं अभक्खया। तत्थ गं जे ते दधमासा ते दुविहा पण्णता, तं जहा--अस्थमासा य, धण्णमासा य ।
ध०क० ४६