Page Text
________________
३६०
धम्मकहाणुओगे चउत्थो खंधो
देवताए ज्ववन्ने । तत्थ णं अत्थेगतियाणं देवाणं चत्तारि पलिओवमाई ठिती पण्णत्ता । तत्थ णं वरुणस्स वि देवस्स चत्तारि पलिओवमाई ठिती पण्णत्ता"। "से गं भंते ! वरुणे देवे ताओ देवलोगाओ आउक्खएणं भषक्खएणं ठिइक्खएणं अणंतरं चयं चइत्ता कहिं गच्छिहिति? कहि उववज्जिहिति ?" "गोयमा ! महाविदेहे वासे सिज्झिहिति बुज्झिहिति मुच्चिहिति परिणिवाहिति सव्यदुक्खाणं अंतं करेहिति ।
३००
वरुणमित्तस्सवि सुकुलुप्पत्तिआइ वरुणस्स गं भंते ! नागनत्तयस्स पियबालवयंसए कालमासे कालं किच्चा कहिं गए? कहि उववन्ने ? गोयमा! सुकुले पच्चायाते । से णं भंते ! तओहितो अणंतरं उब्वट्टित्ता कहिं गच्छिहिति ? कहि उववज्जिहिति ? गोयमा ! महाविदेहे वासे सिज्झिहिति-जाव-अंतं काहिति। सेवं भंते! सेवं भंते! ति।
भग० श०७, उ०९।
१८. सोमिलमाहणे समणोवासए
वाणियगामे सोमिलमाहणे भ. महावीरस्स समोसरणं च तेणं कालेणं तेणं समएणं वाणियगामे नाम नगरे होस्था-वण्णओ। दूतिपलासए चेइए-वण्णओ। तत्थ णं वाणियगामे नगरे सोमिले नामं माहणे परिवसति अड्ढे-जाव-बहुजणस्स अपरिभूए, रिव्वेद-जाव-सुपरिनिट्ठिए, पंचण्हं खंडियसयाणं, सयस्स य कुडंबस्स आहेबच्चं पोरेवच्चं सामित्तं भट्टित्तं आणा-ईसर-सेणावच्चं कारेमाणे पालेमाणे विहरइ। तए णं समणे भगवं महावीरे-जाव-समोसढे-जाव-परिसा पज्जुवासति ।
सोमिलमाहणस्स समवसरणे गमणं ३०२ तए णं तस्स सोमिलस्स माहणस्स इमीसे कहाए लट्ठस्स समाणस्स अयमेयारूबे अज्झत्थिए चितिए पत्थिए मणोगए संकप्पे समुप्प
ज्जित्था--"एवं खल समणे नायपुत्ते पुज्वाणुपुब्धि परमाणे गामाणुगामं दूइज्जमाणे सुहंसुहेणं विहरमाणे इहमागए इहसंपत्ते इहसमोसढे इहेव वाणियगामे नगरे दूतिपलासए चेइए अहापडिरूवं ओग्गहं ओगिण्हित्ता संजमेणं तवसा अप्पाणं भावेमाणे विहरइ। तं गच्छामि णं समणस्स नायपुत्तस्स अंतियं पाउन्भवामि, इमाइं च णं एयारवाई अट्ठाई हेऊई पसिणाई कारणाई वागरणाई पुच्छिस्सामि, तं जइ मे से इमाई एयारवाई अट्ठाई-जाव-वागरणाई वागरेहिति ततो णं वंदीहामि नमसीहामि-जाव-पज्जुवासीहामि, अह मे से इमाइं अट्ठाई जाव वागरणाई नो वागरेहिति तो गं एएहि चेव अट्ठहि य-जाव-वागरणेहि य निप्पटुपसिणवागरणं करेस्सामि" ति कटु एवं संपेहेइ, संपेहेत्ता बहाए-जाव-अप्पमहग्याभरणालंकियसरीरे साओ गिहाओ पडिनिक्खमति, पडिनिक्खमित्ता पायविहारचारेणं एगणं खंडियसएणं सद्धि संपरिवुड़े वाणियगामं नगरं मझमझेणं निग्गच्छइ निग्गच्छित्ता जेणेव दूतिपलासए चेइए, जेणेव समणे भगवं महावीरे तेणेव उवागच्छइ, उवागच्छित्ता समणस्स भगवओ महावीरस्स अदूरसामंते ठिच्चा समणं भगवं महावीरं एवं वयासी--
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |