Page Text
________________
इसिभद्दपुत्ताइणो समणोवासना
३५३
भगवओ महावीरस्स समोसरणं २८२ तेणं कालेणं तेणं समएणं समणे भगवं महावीरे-जाव-समोसढे-जाव-परिसा पज्जुवासइ । तए णं ते समणोवासया इमीसे कहाए
लट्ठा समाणा, हट्ठतुट्ठा अण्णमण्णं सद्दावेति, सद्दावेत्ता एवं धयासी"एवं खलु देवाणुप्पिया समणे भगवं महावीरे-जाव-आलभियाए नगरीए अहापडिरूवं ओग्गहं ओगिण्हित्ता संजमेणं तवसा अप्पाणं भावमाणे विहरइ ।" तं महप्फलं खलु भो देवाणुप्पिया ! तहारूवाणं अरहंताणं भगवंताणं नामगोयस्स वि सवणयाए, किमंग पुण अभिगमण-वंदणनमंसण-पडिपुच्छण-पज्जुवासणाए ? एगस्स वि आरियस्स धम्मियस्स सुषयणस्स सवणयाए, किमंग पुण विउलस्स अट्ठस्स गणयाए? तं गच्छामो णं देवाणुप्पिया ! समणं भगवं महावीरं वंदामो नमंसामो सक्कारेमो सम्माणमो कल्लाणं मंगलं देवयं चेइयं पज्जुवासामो। एयं णे पेच्चभवे इहभवे य हियाए सुहाए खमाए निस्सेयसाए आणुगामियत्ताए भविस्सइ त्ति कटु अण्णमण्णस्स अंतिए एयम8 पडिसुणति, पडिसुणेत्ता, जेणेव सयाई-सयाई गिहाई तेणेव उवागच्छंति, उधागच्छित्ता बहाया कयबलिकम्मा कयकोउय-मंगल-पायच्छित्ता सुद्धप्पावेसाई मंगल्लाई वत्थाई पवरपरिहिया अप्पमहग्घाभरणालंकियसरीरा सएहिं सएहि गिहेंहितो पडिनिक्खमंति, पडिनिक्ख मित्ता एगयओ मेलायंति, मेलायित्ता पायविहारचारेणं आलभियाए नगरीए मज्झमज्झणं निग्गच्छंति, निग्गच्छित्ता जेणेव संखवणे चेइए, जेणेव समणे भगवं महावीरे, तेणेव उवागच्छंति, उवागच्छित्ता समणं भगवं महावीरं-जाव-तिविहाए पज्जुवासणाए एवं जहा तुंगि उद्देसए (भग. श. २, उ. ५)-जाव-पज्जुवासंति । तए णं समणे भगवं महावीरे तेसि समणोवासगाणं तीसे य महतिमहालियाए परिसाए धम्म परिकहेइ-जाव-आणाए आराहए भवइ ।
महावीरेण समाहाणं २८३ तए णं ते समणोवासया समणस्स भगवओ महावीरस्स अंतियं धम्म सोच्चा निसम्म हहतुट्ठा उढाए उट्ठति, उट्ठत्ता समणं भगवं
महावीरं वदंति नमसंति, वंदित्ता नमंसित्ता एवं वदासी-- "एवं खलु भंते ! इसिभद्दपुत्ते समणोवासए अम्हं एवमाइक्खइ-जाध-परूवेइ--देवलोएसु णे अन्जो ! देवाणं जहणणं दस वाससहस्साई ठिती पण्णत्ता, तेणं परं समयाहिया-जाव-तेण परं वोच्छिण्णा देवा य देवलोगा य । से कहमेयं भंते ! एवं ?" अज्जो ! ति समणे भगवं महावीरे ते समणोवासए एवं क्यासी-- "जणं अज्जो ! इसिभद्दपुत्ते समणोवासए तुम्भं एवमाइक्खइ-जाव-परवेइ--देवलोएसु णं देवाणं जहणणं दस वाससहस्साई ठिती पण्णता, तेण परं समयाहिया-जाव-तेण परं वोच्छिण्णा देवा य देवलोगा य-सच्चे गं एसमट्ठ । अहं पि णं अज्जो ! एवमाइक्खामि-जाव-परूवेमि-देवलोएसु णं अज्जो ! देवाणं जहणणं दस वाससहस्साइं ठिती पण्णता, तेण परं समयाहिया, दुसमयाहिया, तिससमयाहिया-जाव-दससमियाहिया, संखेज्जसमयाहिया, असंखेज्जसमयाहिया, उक्कोसेणं तेत्तीसं सागरोवमाई ठिती पण्णत्ता । तेण परं वोच्छिण्णा देवा य देवलोगा य-सच्चे णं एसमट्ठ । तए णं ते समणोवासगा समणस्स भगवओ महावीरस्स अंतियं एयम सोच्चा निसम्म समणं भगवं महावीरं वदंति नमसंति, वंदित्ता नमंसित्ता जेणेव इसिभद्दपुत्ते समणोवासए तेणेव उवागच्छंति, उवागच्छित्ता इसिभद्दपुत्तं समणोवासगं वंदंति मंसंति, वंदित्ता नमंसित्ता एयमट्ठसम्म विणएणं भुज्जो भुज्जो खामेति । तए णं ते समणोवासया पसिणाई पुच्छंति, पुच्छित्ता अट्ठाइं परियादियंति, परियादियित्ता समगं भगवं महावीरं वदति नमसंति, बंदित्ता नमंसित्ता जामेव दिसं पाउन्भूया तामेव दिसं पडिगया ।
इसिभरपुत्तविसए गोयमपण्हो महावीरस्स उत्तरं य . २८४ भंते ! त्ति भगवं गोयमे समणं भगवं महावीरं वंदइ नमसइ, वंदित्ता नमंसित्ता एवं क्यासी
___ “पभू णं भंते ! इसिभद्दपुत्ते समणोवासए देवाणुप्पियाणं अंतिये मुंडे भवित्ता अगाराओ अणगारियं पच्वइत्तए ?" ध० क. ४५
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |