Page Text
________________
सद्दालपुत्ते-कुंभकारकहाणगं
तए णं से सद्दालपुत्ते समणोवासए अग्गिमित्ताए भारियाए 'तह' ति एयम? विणएणं पडिसुणेइ, पडिसुणेत्ता तस्स ठाणस्स आलोएइ पडिक्कमइ निदइ गरिहइ विउट्टइ विसोहेइ अकरणयाए अभट्ठई अहारिहं पायच्छित्तं तवोकम्म पडिवज्जइ ।
सद्दालपुत्तस्स उवासगपडिमापडिवत्ती २२९ तए णं से सद्दालपुते समणोवासए पढम उवासगपडिम उवसंपज्जित्ताणं विहरह।
तए णं से सद्दालपुत्ते समणोवासए पढम उवासगपडिम अहासुत्तं अहाकप्पं अहामग्गं अहातच्चं सम्मं काएणं फासेइ पालेह सोहेइ तीरेइ कित्तेइ आराहेइ । तए णं से सद्दालपुत्ते समणोवासए दोच्चं उवासगपडिमं, एवं तच्चं, चउत्थं, पंचम, छटुं, सत्तम, अट्टम, नवम, वसमं, एक्कारसमं उवासगपडिमं अहासुत्तं अहाकप्पं अहामग्गं अहातच्च सम्म काएणं फासेइ पालेइ सोहेइ तीरेइ कित्तेइ अराहेइ । तए णं से सद्दालपुत्ते समणोवासए तेणं ओरालेणं विउलेणं पयत्तेणं पग्गहिएणं तवोकम्मेणं सुक्के लुक्खे निम्मंसे अट्टिचम्मावणवे किडिकिडियाभूए किसे धमणिसंतए जाए।
सद्दालपुत्तस्स अणसणं २३० तए णं तस्स सद्दालपुत्तस्स समणोवासयस्स अण्णदा कदाइ, पुव्वरत्तावरत्तकालसमयंसि धम्मजागरियं जागरमाणस्स अयं अजमथिए
चितिए पत्थिए मणोगए संकप्पे समुप्पज्जित्था--"एवं खलु अहं इमेणं एयारूवेणं ओरालेणं विउलेणं पयत्तेणं पग्गहिएणं तवोकम्मेणं सुक्के लुक्खे निम्मंसे अट्ठिचम्मावणद्धे किडिकिडियाभूए किसे धमणिसंतए जाए। तं अत्थि ता मे उट्ठाणे कम्मे बले वीरिए पुरिसक्कार-परक्कमे सद्धा-धिइ-संवेगे, तं जावता मे अत्थि उट्ठाणे कम्मे बले वीरिए पुरिसक्कार-परक्कमे सद्धा-धिइ-संवेगे, जाव य मे धम्मायरिए धम्मोवएसए समणे भगवं महावीरे जिणे सुहत्थी विहर इ, तावता मे सेयं कल्लं पाउप्पभायाए रयणीए-जाव-उट्ठियम्मि सूरे सहस्सरस्सिम्मि दिणयरे तेयसा जलते अपच्छिममारणंतियसलेहणा-झूसणा-मूसियस्स भत्तपाणपडियाइविखयस्स, कालं अणवकंखमाणस्स विहरित्तए"। एवं संपेहेइ, संपेहेत्ता कल्लं पाउप्पभायाए रयणीए-जाव-उट्ठियम्मि सूरे सहस्सरस्सिम्मि विणयरे तेयसा जलते अपच्छिममारणंतिय-संलेहणा-झूसणा-झूसिए भत्तपाण-पडियाइक्खिए कालं अणवकंखमाणे विहरई ।
सहालपुत्तस्स समाहिमरणं देवलोगप्पत्ती तयणंतरं सिद्धिगमणनिरूवणं च २३१ तए णं से सद्दालपुत्ते समणोवासए बहूहि सील-व्यय-गुण-वेरमण-पच्चक्खाण-पोसहोववासेहि अप्पाणं भावेत्ता-वीसं वासाई-समणोवासग
परियागं पाउणित्ता, एक्कारस य उवासगपडिमाओ सम्म काएणं फासित्ता, मासियाए संलेहणाए अत्ताणं झूसित्ता, टैि भत्ताई अणसणाए छेदेत्ता, आलोइय-पडिक्कते समाहिपत्ते कालमासे कालं किच्चा सोहम्मे कप्पे अरुणच्चए विमाणे देवत्ताए उबवण्णे । चत्तारि पलिओवमाई ठिई पण्णत्ता । महाविवेहे वासे सिज्झिहिइ बुझिहिइ मुच्चिहिइ सव्यदुक्खाणमंतं काहिद ।
उवासगदसाओ अ०७।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |