Page Text
________________
सद्दालपुले - कुंभकारकहाणगं
"समणे भगवं महावीरे महाधम्मकही ।"
"से केणटुणं देवाणुप्पिया ! एवं वच्चइ- समणे भगवं महावीरे महाधम्मकही ?"
" एवं खलु देवाणुपिया ! समणे भगवं महावीरे महइमहालयंसि संसारंसि बहवे जीवे नस्समाणे विणस्समाणे खज्जमाणे छिज्जमाणे भिज्जमाणे लुप्पमाणे विलुप्पमाणे उम्मग्गपडिवण्णे सप्पहविप्पणट्ठे मिच्छत्तबलाभिभूए अट्टविहकम्म-तमपडल-पडोच्छण्णे बहूहि अहि य ऊहि य पसिणेहि य कारणेहि य वागरणेहि य निप्पटु-पसिणवागरणेहि य चाउरंताओ संसारकंताराओ साहत्थि नित्यारे । से तेण णं देवाणु पिया ! एवं बुच्चइ- समणे भगवं महावीरे महाधम्मकहीं" ।
"आगए णं देवाप्पिया ! इहं महानिज्जामए ?"
"के णं देवाणुप्पिया ! महानिज्जामए ?"
" समणे भगवं महावीरे महानिज्जामए " ।
"से केणट्ठेणं देवाणुप्पिया ! एवं वुच्चइ- समणे भगवं महावीरे महानिज्जामए ?”
३३७
" एवं खलु देवाणुप्पिया ! समणे भगवं महावीरे संसारमहासमुद्दे बहवे जीवे नस्समाणे विणस्समाणे खज्जमाणे छिज्जमाणे भिज्जमाणे लुप्पमाणे विलुप्पमाणे बुहुमाणे निबुडुमाणे उप्पियमाणे धम्ममईए नावाए निव्वाणतीराभिमुहे साहित्थि संपावेइ । से तेण ेण देवाणुपिया ! एवं बुच्चइ -- समणे भगवं महावीरे महानिज्जामए” ।
महावीरेण सह विवादकरणे गोसालस्स असामत्थं पडिगमणं च
- २२० तए गं से सद्दालपुत्ते समणोवासए गोसालं मंखलिपुत्तं एवं वयासी — "तुन्भे णं देवाणुप्पिया ! इयच्छ्या इयदच्छा इयपट्टा इयनिउणा इयनयवादी इयउवएसलद्धा इयविण्णाणपत्ता । पभू णं तुम्मे मम धम्मायरिएणं धम्मोवएसएणं समणेणं भगवया महावीरेणं सद्धि विवादं करेत्तए ?"
"नो इट्ठे समट्टे" ।
"से केणट्टणं देवाप्पिया ! एवं बुच्चइ - "नो खलु पभू तुम्मे मम धम्मायरिएणं धम्मोवएसएणं समणेणं भगवया महावीरेणं सद्धि विवादं करेत्तए ? "
"सद्दालपुत्ता ! से जहानामए केइ पुरिसे तरुणे जुगवं बलवं अध्यायंके थिरग्गहत्थे पडिपुण्णपाणि पाए पिट्ठत रोरुसंघाय परिणए घणनिचियवट्टवलियखंधे लंघण वग्गण-जयण-वायाम-समत्थे चम्मेदृ-दुघण-मुट्ठिय-समाहय-निचियगत्ते उरस्सबलसमन्नागए तालजमलजुयलबाहू छेए दक्खे पत्तट्ठे निउणसिप्पोवगए एगं महं अयं वा एलयं वा सूयरं वा कुक्कुडं वा तित्तरं था वट्टयं वा लावयं वा कोयं वा कविजलं वा वायसं वा सेणयं वा, हत्यंसि वा पायंसि वा खुरंसि वा पुच्छंसि वा पिच्छंसि वा सिंगंसि वा विसाणंसि वा रोमंसि वा जहि-जह गिरह, तह-तह निञ्चलं निष्कंद करेइ, एवामेव समणे भगवं महावीरे ममं बहूहि अट्ठेहि य हेकहि य परिहि य कारणेहि य वागरणेहि य जहि जहि गिण्हs, ताह-ताह निप्पटू-पसिणवागरणं करेइ । से तेणटुणं सद्दालपुत्ता ! एवं बुच्चइनो खलु पभू अहं तव धम्मायरिएणं धम्मोवएसएणं समणे णं भगवया महावीरेणं सद्धि विवादं करेत्तए " ।
तए णं से सद्दालपुत्ते ! समणोवासए गोसालं मंखलिपुत्तं एवं वयासी -- "जम्हा णं देवाणुप्पिया ! तुम्भे मम धम्मायरिस्स धम्मो - वएसगस्स समणस्स भगवओ महावीरस्स संतेहि तच्चेहि तहिएहि सन्मएहि भावेहि गुणकित्तणं करेह, तम्हा णं अहं तुम्मे पाडिहारिएणं पीढ-फलग - सेज्जा- संथारएणं उवनिमंतेमि, नो चेव णं 'धम्मो ति वा तवो त्ति वा । तं गच्छह णं तुब्भे मम कुंभारावणेसु पाडिहारियं पीढ-फलग सेज्जा- संथारयं ओगिव्हित्ता णं विहरह" ।
तए णं से गोसाले मंखलिपुत्ते सद्दालपुत्तस्स समणोवासयस्स एयमट्ठ पडिसुणेइ, पडिसुणेत्ता कुंभारावणेसु पाडिहारियं पोढ-फलगसेज्जा - संथारयं ओगिण्हित्ताणं विहरद्द ।
तए णं से गोसाले मंखलिपुते सद्दालपुत्तं समणोवासयं जाहे नो संचाएइ बहूहि आघवणाहि य पण्णवणाहि य सण्णवणाहि य विवाह य निथाओ पावयणाओ चालित्तए वा खोभित्तए वा विपरिणामेतए वा, ताहे संते तंते परितंते पोलासपुराओ नयराओ पडिणिक्खम, पडिणिक्खमित्ता बहिया जणवयविहारं विहरइ ।
० क० ४३
Jain Education International
For Private Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |