Page Text
________________
धम्मकहाणुओगे चउत्यो खंधो
सद्दालपुत्तरस समणोवासग चरिया । २१६ तए णं से सद्दालपुत्ते समणोवासए जाए--अभिगयजीवाजीवे-जाव-समणे निग्गंथे फासु-एसणिज्जणं असण-पाण-खाइम-साइमेणं वत्थ
पडिग्गह-कंबल-पायपुंछणेणं ओसह-भेसज्जेणं पाडिहारिएण य पीढ-फलग-सज्जा-संथारएणं परिलाभेमाणे विहरइ ।
अग्गिमित्ताए समणोवासिय-चरिया २१७ तए णं सा अग्गिमित्ता भारिया समोवासिया जाया--अभिगयजीवाजीवा-जाव-समणे निग्गंथे फासु-एसणिज्जेणं असण-पाण-खाइम
साइमेणं वत्थ-पडिग्गह-कंबल-पायपुंछणेणं ओसह-भेसज्जेणं पाडिहारिएण य पीढ-फलग-सज्जा-संथारएणं पडिलाभमाणी विहरइ ।
गोसालस्स आगमणं २१८ तए णं से गोसाले मंखलिपुत्ते इमीसे कहाए लट्ठ समाणे-“एवं खलु सद्दालपुत्ते आजीवियसमयं वमित्ता समणाणं निग्गंथाणं
दिट्टि पवण्णे, तं गच्छामि णं सद्दालपुत्तं आजीविओवासयं समणाणं निग्गंथाणं दिट्टि वामेता पुणरवि आजीवियदिट्टि गेण्हावित्तए" ति कटु--एवं संपेहेइ, संपेहेत्ता आजीवियसंघ-परिवुडे जेणेव पोलासपुरे नयरे, जेणेव आजीवियसभा, तेणेव उवागच्छइ, उवागच्छित्ता भंडगनिक्खेवं करेइ, करेत्ता कतिवहि आजीविएहि सद्धि जेणेव सद्दालपुत्ते समणोवासए, तेणेव उवागच्छइ । तए णं से सद्दालयुत्ते समणोवासए गोसालं मंखलिपुत्तं एज्जमाणं पासइ, पासित्ता नो आढाति नो परिजाणति, अणाढामाणे अपरिजाणमाणे तुसिणीए संचिट्ठइ । गोसालेण महावीरस्स गुणकित्तणं तए णं से गोसाले मंखलिपुत्ते सद्दालपुत्तणं समणोवासएणं अणाढिज्जमाणे अपरिजाणिज्जमाणे पीढ-फलग-सेज्जा-संथारट्टयाए समणस्स भगवओ महावीरस्स गुणकित्तणं करेइ--"आगएणं देवाणुप्पिया ! इहं महामाहणे ?" तए णं से सद्दालपुत्ते समणोवासए गोसालं मंखलिपुत्तं एवं क्यासी-“के देवाणु प्पिया ! महामाहणे ?" तए णं से गोसाले मंखलिपुत्ते सद्दालपुत्तं समणोवासयं एवं क्यासी--"समणे भगवं महावीरे महामाहणे ।” “से केणटुणं देवाणुप्पिया ! एवं वुच्चइ-समणे भगवं महावीरे महामाहणणे ?" एवं खलु सद्दालपुत्ता ! समणे भगवं महावीरे महामाहणे उप्पण्णणाणदंसणधरे तीयप्पडुपण्णाणागयजाणए अरहा जिणे केवली सव्वण्णू सव्वदरिसी तेलोक्क-चहिय-महिय-पूइए सदेवमणयासुरस्स लोगस्स अच्चणिज्जे पूयणिज्जे वंदणिज्जे नमसणिज्जे सक्कारणिज्जे सम्माणणिज्जे कल्लाणं मंगलं देवयं चेइयं पज्जुवासणिज्जे तच्च-कम्मसंषया-संपउत्ते । से तेण?णं देवाणुप्पिया ! एवं वुच्चइ--समणे भगवं महावीरे महामाहणे" । "आगए णं देवाणु प्पिया ! इहं महागोवे ?" “के गं देवाणुप्पिया ! महागोवे ?" "समणे भगवं महावीरे महागोवे" । से वेण?णं देवाणुप्पिया ! एवं वुच्चइ-समणे भगवं महावीरे महागोवे ? एवं खलु देवाणुप्पिया ! समणे भगवं महावीरे संसाराडवीए बहवे जीवे नस्समाणे विणस्समाणे खज्जमाणे छिज्जमाणे भिज्जमाणे लुप्पमाणे विलुप्पमाणे धम्ममएणं दंडेणं सारक्खमाणे संगोवेमाणे निव्वाणमहावाडं साहत्थि संपावेइ । से तेण?णं सद्दालपुत्ता ! एवं वुच्चइ--समणे भगवं महावीरे महागोवे" । "आगए णं देवाणु प्पिया ! इहं महासत्थवाहे ?" "के गं देवाणु प्पिया ! महासत्थवाहे ?" "सद्दालपुत्ता ! समणे भगवं महावीरे महासत्थवाहे" । से फेण?णं देवाणु प्पिया ! एवं दुच्चइ-समणे भगवं महावीरे महासत्थवाहे ? एवं खलु देवाणुप्पिया ! समणे भगवं महावीरे संसाराडवीए बहवे जीवे नस्समाणे विणस्समाणे खज्जमाणे छिज्जमाणे भिज्जमाणे लुप्पमाणे विलुप्पमाणे उम्मग्गपडिधण्णे धम्ममएणं पंथेणं सारक्खमाणे निवाणमहापट्टणे साहत्थि संपावेइ । से तेण?णं सद्दालपुत्ता ! एवं बुच्चइ--समणे भगवं महावीरे महासत्थवाहे"। "आगए णं देवाणुप्पिया ! इहं महाधम्मकही ?" "के गं देवाणु प्पिया ! महाधम्मकही ?"
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |