Page Text
________________
३३४
धम्मकहाणुओगे चउत्थो खंधो
तए णं से सद्दालपुत्ते आजीविओवासए अण्णदा कदाइ वाताहतयं कोलालभंडं अंतो सालहितो बहिया नीणेइ, नीणेत्ता आयसि दलयइ । तए णं समणे भगवं महावीरे सद्दालपुत्तं आजीविओवासयं एवं क्यासी-"सद्दालपुत्ता ! एस णं कोलालभंडो कहं कतो ?" तए णं से सद्दालपुत्त आजीविओवासए समणं भगवं महावीरं एवं क्यासी--"एस णं भंते ! पुचि मट्टिया आसी, तओ पच्छा उदएणं तिम्मिज्जइ, तिम्मिज्जित्ता छारेण य करिसेण य एगयओ मीसिज्जइ, मीसिज्जित्ता चक्के आरुभिज्जति, तओ बहवे करगा य वारणा य पिहडगा य घडगा य अद्धघडगा य कलसगा य अलिजरगा य जंबूलगा य उट्टियाओ य कज्ज्जति" । तए णं समणे भगवं महावीरे सद्दालपुत्तं आजीविओवासयं एवं क्यासी--"सद्दालपुत्ता ! एस णं कोलालभंडे कि उद्राणेणं कम्मेण बलेणं वीरिएणं पुरिसक्कार-परक्कमेणं कज्जंति, उदाहु अणुट्टाणेणं अकम्मेणं अबलेणं अवीरिएणं अपरिसक्कारपरक्कमेणं कति ?" तए णं से सद्दालपुत्ते आजीविओवासए समणं भगवं महावीरं एवं वयासो--"भंते ! अणुटाणेणं अकम्मेणं अबलेणं अवीरिएणं अपुरिसक्कारपरक्कमेणं । मत्यि उटाणे इ वा कम्मे इ वा बले इ वा वीरिए इ वा पुरिसक्कार-परकम्मे इ वा, नियता सव्वभावा । तए णं समणे भगवं महावीरे सद्दालपुत्तं आजीविओवासयं एवं क्यासी--"सद्दालपुत्ता ! जइ णं तुम्भं केइ पुरिसे वाताहतं वा पक्केल्लयं वा कोलालभंडं अवहरेज्ज वा विक्खि रेज्ज वा भिदेज्ज वा अच्छिदेज्ज वा परिवेज्ज वा, अग्गिमित्ताए वा भारियाए सद्धि विउलाई भोगभोगाई भुजमाणे विहरेज्जा, तस्स णं तुमं पुरिसस्स कं दंडं वत्तेज्जासि ?" "भंते ! अहं णं तं पुरिसं आओसेज्ज वा हणेज्ज वा बंधेज्ज वा महेज्ज वा तज्जेज्ज वा तालेज्ज वा निच्छोडेज्ज वा निन्भच्छेज्ज वा, अकाले चेव जीवियाओ क्वरोवेज्जा" ॥ "सद्दालपुत्ता ! नो खलु तुन्भं के पुरिसे वाताहतं वा पक्केल्लयं वा कोलालभंडं अवहरइ वा विक्खिरइ वा भिदइ वा अच्छिदइ वा परिट्रवेइ वा; अग्गिमित्ताए मारियाए सद्धि विउलाई भोगभोगाई भुजमाणे विहर; नो वा तुमं तं पुरिसं आओसेसि वा हणेसि वा बंधेसि वा महेसि वा तज्जेसि वा तालेसि वा निच्छोडेसि वा निब्भच्छेसि वा अकाले चेव जीवियाओ ववरोवेसि, जइ नथि उठाणे इ वा कम्मे इवा बले इ वा वीरिए इ वा पुरिसक्कार-परक्कमे इ वा, नियता सव्वभावा । अह णं तुम्भं केइ पुरिसे वाताहतं वा पक्केल्लयं वा कोलालभंडं अवहरेइ वा विक्खिरेइ वा भिदेइ वा अच्छिदेइ वा परिट्टवेइ वा अग्गिमित्ताए वा भारियाए सद्धि विउलाई भोगभोगाई मुंजमाणे विहरइ, तुम वा तं पुरिसं आओसेसि वा हणेसि वा बंधेसि वा महेसि वा तज्जेसि वा तालेसि वा निच्छोडेसि वा निम्भच्छेसि वा, अकाले चेव जीवियाओ ववरोवेसि, तो जं वदसि नथि उठाणे इ वा कम्मे इ वा बले इ वा वीरिए इवा पुरिसक्कार-परक्कमे इवा, नियता सय्वभावा, तं ते मिच्छा"। एस्थ णं से सद्दालपुत्ते आजीविओवासए संबुद्धे ।
सद्दालपुत्तस्स गिहिधम्म-पडिवत्ती २१२ तए णं से सद्दालपुत्ते आजीविओवासए समणं भगवं महावीरं वंदइ णमंसइ, वंदित्ता णमंसित्ता एवं क्यासी-इच्छामि णं भंते !
तुभ अंतिए धम्म निसामेत्तए । तए णं समणे भगवं महावीरे सद्दालपुत्तस्स आजीविओवासगस्स तीसे य महइमहालियाए परिसाए-जाव-धम्म परिकहेइ । तए णं से सद्दालपुत्ते आजीविओवासए समणस्स भगवओ महावीरस्स अंतिए धम्म सोच्चा निसम्म हट्ठतुट्ठ-चित्तमाणदिए पोइमणे परमसोमणस्सिए हरिसवस-विसप्पमाणहियए उट्टाए, उ8 इ, उर्दुत्ता समणं भगवं महावीरं तिक्खुत्तो आयाहिण-पयाहिणं करेइ, करेत्ता वंदइ णमंसइ, वंदित्ता णमंसित्ता एवं वयासी--"सद्दहामि गं भंते ! निग्गंथं पावयणं, पत्तियामि गं भंते ! निग्गंथं पावयणं, रोएमि णं भंते ! निग्गंथं पावयणं, अब्भुमि णं भंते ! निग्गंथं पाचयणं । एवमेयं भंते ! तहमेयं भंते ! अवितहमेयं भंते ! असंदिद्धमेयं भंते ! इच्छियमेयं भंते ! पडिच्छियमेयं भंते ! इच्छिय-पडिच्छियमेयं भंते ! से जहेयं तुब्भे वदह । जहा णं देवाणुप्पियाणं अंतिए बहवे राईसर-तलवर-माडंबिय-कोडुबिय-इन्भ-सेटि-सेणावइ-सत्थवाहप्पभिइया मुंडा भवित्ता अगाराओ अणगारियं पव्वइया, नो खलु अहं तहा संचाएमि मुंडे भवित्ता आगाराओ अणगारिय पव्वइत्तए । अहं गं देवाणुप्पियाणं अंतिए पंचाणुम्वइयं सत्तसिक्खावइयं-बुवालसविहं सावगधम्म पडिवज्जिस्सामि" ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |