Page Text
________________
महावीरतित्थे आणंदगाहावइकहाणगं
आणंदस्स उवासगपडिमा पडिवत्ती १०० तए णं से आणंदे समणोवासए पदम उवासगपडिम उवसंपज्जित्ताणं विहरह। पढम उवासगपडिमं अहासुत्तं अहाकप्पं अहामग्गं
अहातच्च सम्मं कारणं फासेइ पालेइ सोहेइ तीरेइ कित्तेइ आराहेइ। तए णं से आणंदे समणोवासए दोच्च उवासगपडिम, एवं तच्चं चउत्थं, पंचम, छठें, सत्तमं, अटुमं, नवमं, दसम, एक्कारसम उवासगपडिम अहासुत्तं अहाकप्पं अहामगं अहातच्चं सम्मं काएणं कासेइ पालेइ सोहेइ तीरेइ कित्तेइ आराहेइ। तए णं से आणंदे समणोवासए इमेणं एयारवेणं ओरालेणं विउलेणं पयत्तेणं पग्गहिएणं तवोकम्मेणं सुक्के लुक्खे निम्मंसे अट्ठिचम्मावणद्धे किडिकिडियाभए किसे धमणिसंतए जाए।
१०१
आणंदस्स अणसणं तए णं तस्स आणंदस्स समणोवासगस्स अण्णदा कदाइ पुव्वरत्तावरत्तकालसमयंसि धम्मजागरियं जागरमाणस्स अयं अज्झथिए चितिए पत्थिए मणोगए संकप्पे समुप्पज्जित्था--"एवं खलु अहं इमेणं एयारवेणं ओरालेणं विउलेणं पयत्तेणं पग्गहिएणं तवोकम्मेणं सुक्के लुक्खे निम्मंसे अटुिचम्मावणधे कडिकिडियाभूए किसे धम्मणिसंतए जाए । तं अस्थि ता मे उट्ठाणे कम्मे बले वौरिए पुरिसक्कार-परक्कमे सद्धा-धिइ-संवेगे, तं जावता मे अत्थि उट्ठाणे कम्मे बले बोरिए पुरिसक्कार-परक्कमे सद्धा-धिइ-संवेगे-जावय मे धम्मायरिए धम्मोवएसए समणे भगवं महावीरे जिणे सुहत्थी विहरइ, तावता मे सयं कल्लं पाउप्पभायाए रयणीए-जावउट्टियम्मि सूरे सहस्सरस्सिम्मि दिणयरे तेयसा-जलते अपच्छिममारणंतियसलेहणा-झूसणा-झूसियस्स भत्तपाण-पडियाइक्खियस्स, कालं अणवकंखमाणस्स विहरित्तए" --एवं संपेहेइ, संपेहेत्ता कल्लं पाउप्पभायाए रयणीए-जाव-उद्वियम्मि सूरे सहस्सरस्सिम्मि दिणयरे तेयसा जलंते अपच्छिममारणंतियसलेहणा-झूसणा-सिए भत्तपाण-पडियाइक्खिए कालं अणवकंखमाणे विहरइ।
पारसक्कार-परक्कमे सद्धा-धिइम भगवं महावीरे जिणे सुहत्या नियसलेहणा-झूसणा-झूसियस्स म
१०२
आणंदस्स ओहिनाणुप्पत्ती तए णं तस्स आणंदस्स समणोवासगस्स अण्णदा कदाइ सुभेणं अज्झक्साणेणं, सुभेणं परिणामेणं, लेसाहिं विसुज्झमाणीहि, तदावरणिज्जाणं कम्माणं खओवसमेणं ओहिणाणे समुप्पण्णे--पुरथिमेणं लवणसमुद्दे पंचजोयणसयाई खेतं जाणइ पासइ। दक्खिणेणं लवणसमुद्दे पंचजोयणसयाई खेत्तं जाणइ पासइ । पच्चत्थिमेणं लवणसमुद्दे पंचजोयणसयाई खेत्त जाणइ पासइ । उत्तरेणं-जाव-चुल्लहिमवंतं वासधरपव्वयं जाणइ पासइ । उड्ढं-जाव-सोहम्मं कप्पं जाणड पासइ । अहे-जाव-इमीसे रयणप्पभाइ पुढवीए लोलुयचुतं नरयं चउरासीतिवाससहस्सद्वितियं जाणइ पासइ।
गोयरचरियानिग्गयस्स गोयमस्स आणंदसमक्खं गमणं १०३ तेणं कालेणं तेणं समएणं समणे भगवं महावीरे समोसरिए।
परिसा निग्गया-जाव-पडिगया। तेणं कालेणं तेणं समएणं समणस्स भगवओ महावीरस्स जेठे अंतेवासी इंदभूई नाम अणगारे गोयमसगोत्तेणं सत्तुस्सेहे समचउरंससंठाणसंठिए वज्जरिसहनारायसंघयणे कणगपुलगनिघसपम्हगोरे उग्गतवे दित्ततवे तत्ततवे महातवे ओराले घोरे घोरगुणे घोरतवस्सी घोरबंभचेरवासी उच्छूढसरीरे संखित्त-विउलतेयलेस्से छळंछट्टेणं अणिक्खितेणं तवोकम्मेणं संजमेणं तवसा अप्पाणं भावेमाणे विहरइ। तए णं से भगवं गोयमे छटुक्खमणपारणगंसि पढमाए पोरिसीए सज्झायं करेइ, बिइयाए पोरिसीए झाणं झियाइ, तइयाए पोरिसीए अतुरियमचवलमसंभंते मुहपोत्तियं पडिलेहेइ, पडिलेहेत्ता भायणवत्थाई, पडिलेहेइ पडिलेहेत्ता भायणाई पमज्जइ, पमज्जित्ता भायणाई उग्गाहेइ, उग्गाहेत्ता जेणेव समणे भगवं महावीरे, तेणेव उवागच्छइ, उवागच्छित्ता समणं भगवं महावीरं वंदइ णमंसइ, वंदित्ता णमंसित्ता एवं बयासी--"इच्छामि णं भंते! तुर्भेहिं अब्भणुण्णाए [समाणे?] छट्ठक्खमणपारणगंसि वाणियगामे नयरे उच्चनीच-मझिमाई कुलाई घरसमुदाणस्स भिक्खायरियाए अडित्तए"। "अहासुहं देवाणुप्पिया ! मा पडिबंध करेह"। तए णं भगवं गोयमे समणेणं भगवया महावीरेणं अब्भणुण्णाए समाणे समणस्स भगवओ महावीरस्स अंतियाओ दुइपलासाओ चेइयाओ पडिणिक्खमइ, पडिणिक्खमित्ता अतुरियमचवलमसंभंते जुगंतरपलोयणाए दिट्ठीए पुरओ रियं सोहेमाणे-सोहेमाणे जेणेव वाणियगामे नयरे, तेणेव उवागच्छइ, उवागच्छित्ता वाणियगामे नयरे उच्च-नीय-मज्झिमाई कुलाई घरसमुदाणस्स भिक्खायरियं अड्ड।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |