Page Text
________________
३००
धम्मकहाणुओगे चउत्थो खंधो
भगवओ जणवयविहारो ९४ तए णं समणे भगवं महावीरे अण्णदा कदाइ वाणियगामाओ नयराओ दूइपलासाओ चेइयाओ पडिणिक्खमइ, पडिणिक्खमित्ता बहिया
जणवयविहारं विहरइ।
आणंदस्स समणोवासग-चरिया ९५ तए णं से आणंदे समणोवासए जाए--अभिगयजीवाजीवे-जाव-समणे निग्गंथे फासुएसणिज्जेणं असण-पाण-खाइम-साइमेणं वत्थ
पडिग्गह-कंबल-पायपुंछणेणं ओसह-भेसज्जेणं पाडिहारिएण य पीढ-फलग-सेज्जा-संथारएणं पडिलाभेमाणे विहरइ।
सिवणंदाए समणोवासिय-चरिया ९६ तए णं सा सिवणंदा भारिया समगोवासिया जाया-जाव-समणे निग्गंथे फासु-एसणिज्जेणं असण-पाण-खाइम-साइमेणं वत्थ-पडिग्गह. कंबल-पायपुंछणेणं ओसह-भेसज्जेणं पाडिहारिएण य पोढ-फलग-सेज्जा-संथारएणं पडिलाभमाणी विहरइ ।
रत्तए" एवार सण्णिवेसे नायकुलमिलाइमं उवक्खडावत्ता सेयं खल मम कल्ल संबंधि-परिजणह, संपेहेत्ता कल्ल जाहसालं पडिलेहिता, महापरणो-जाव-जेदुपुत्त का उद्वियम्मि सूरे सामणस्त भगवओ मह
आणंदस्स धम्मजागरिया गिहिवावारचागो य तए णं तस्स आणंदस्स समणोवासगस्स उच्चावहिं सोल-व्वय-गुण-बैरमण-पच्चक्खाण-पोसहोववासेहि अप्पाणं भावमाणस्स चोद्दस संवच्छराई वीइक्कंताई। पण्णरसमस्स संवच्छरस्स अंतरा वट्टमाणस्स अण्णदा कदाइ पुव्वरत्तावरत्तकालसमयंसि धम्मजागरियं जागरमाणस्स इमेयारवे अज्झथिए-जाव-समुप्पज्जित्था--"एवं खलु अहं वाणियगामे नयरे बहूणं राईसर-जाव-सयस्स वि य गं कुडुंबस्स-जाव-आहारभूए आलंबणभूए चक्खुभूए सव्वकज्जवड्ढावए. तं एतेणं वक्खेवणं अहं नो संचाएमि समणस्स भगवओ महावीरस्स अंतियं धम्मपत्ति उवसंपज्जित्ताणं विहरित्तए । तं सेयं खलु ममं कल्लं-जाव-उट्ठियम्मि सूरे सहस्सरस्सिम्मि दिणयरे तेयसा जलते विपुलं असण-पाण-खाइम-साइमं उवक्खडावेत्ता, जहापूरणो-जाव-जेट्टपुतं कुडुबे ठवेत्ता, तं मित्त-जाव-जेट्ठपुतं च आपुच्छित्ता, कोल्लाए सण्णिवेसे नायकुलंसि पोसहसालं पडिलेहिता, समणस्स भगवओ महावीरस्स अंतियं धम्मपत्ति उपसंपज्जित्ताणं विहरित्तए" एवं संपेहेइ, संपेहेत्ता कल्लं-जाव-जलते विपुलं असण-पाण-खाइम-साइमं उवक्खडावेइ, उवक्खडावेत्ता मित्त-नाइ-नियगसयण-संबंधि-परिजणं आमतेइ, आमंतेत्ता ततो पच्छा व्हाए-जाव-अप्पमहग्याभरणालंकियसरीरे भोयणवेलाए भोयणमंडवंसि सुहासणवरगए, तेणं मित्त-नाइ-नियग-सयण-संबंधि-परिजणं सद्धि तं विपुलं असण-पाण-खाइम-साइमं आसादेमाणे विसादेमाणे परिभाएमाणे परिभुंजेमाणे विहरइ। जिमियभुत्तुत्तरागए णं आयंते चोक्ख परमसुइन्भूए, तं मित्त-नाइ-नियग-सयण-संबंधि-परिजणं विपुलेणं असणपाण-खाइम-साइमेणं वत्थ-गंधमल्लालंकारेण य सक्कारेइ सम्माणेइ, तस्सेव मित्त-नाइ-नियग-सयण-संबंधि-परिजणस्स पुरओ जेटुपुत्तं सद्दावेइ, सद्दावेत्ता एवं वयासी-- "एवं खलु पुत्ता! अहं वाणियगामे नयरे बहूणं-जाव-आपुच्छणिज्जे पडिपुच्छणिज्जे, सयस्स वि य णं कुडुंबस्स मेढी-जाव-सव्वकज्जवड्ढावए, तं एतेणं वक्खवेणं अहं नो संचाएमि समणस्स भगवओ महावीरस्स अंतियं धम्म-पण्णत्ति उवसंपज्जित्ता गं विहरित्तए । तं सेयं खलु मम इदाणि तुमं सयस्स कुडुंबरस मेढि पमाणं आहारं आलंबणं चक्खुंठावेत्ता, तं मित्त-नाइ-नियग-सयण-संबंधि-परिजणं तुमं च आपुच्छित्ता कोल्लाए सण्णिवेसे नायकुलंसि पोसहसालं पडिलेहित्ता समणस्स भगवओ महावीरस्स अंतियं धम्मपत्ति उवसंपज्जित्ताणं विहरित्तए"।
तए णं से जेट्टपुत्ते आणंदस्स समणोवासगस्स 'तह' त्ति एयमलै विणएणं पडिसुणेति । ९८ तए णं से आणंदे समणोबासए तस्सेव मित्त-नाइ-नियग-सयण-संबंधि-परिजणस्स पुरओ जेट्टपुत्तं कुटुंबे ठावेति, ठावेत्ता एवं वयासी
--"मा णं देवाणुप्पिया! तुब्भे अज्जप्पभिई केइ ममं बहूसु कज्जेसु य कारणेसु य मंतेसु य कुडुंबेसु य गुज्झेसु य रहस्सेसु य निच्छएसु य ववहारेसु य आपुच्छउ वा पडिपुच्छउ वा, ममं अट्ठाए असणं वा पाणं वा खाइमं वा साइमं वा उवक्खडेउ वा
उवक्करेउ वा"। ९९ तए णं से आणंदे समणोवासए जेट्टपुत्तं मित्त-नाइ-नियग-सयण-संबंधि-परिजणं च आपुच्छइ, आपुच्छित्ता सयाओ गिहाओ पडि
णिक्खमइ, पडिणिक्खमित्ता वाणियगामं नयरं मझमझणं निग्गच्छइ, निग्गच्छित्ता जेणेव कोल्लाए सण्णिवेसे, जेणेव नायकुले, जेणेव पोसहसाला, तेणेव उवागच्छइ, उवागच्छित्ता पोसहसालं पमज्जइ, पमज्जित्ता उच्चार-पासवणभूमि पडिलेहेइ, पडिलेहेत्ता दम्भसंथारयं संथरेइ, संथरेत्ता दम्भसंथारयं दुरुहइ, दुरुहित्ता पोसहसालाए पोसहिए बंभयारी उम्मुक्कमणिसुवणे ववगयमालावण्णगविलेवणे निक्खित्तसत्यमुसले एगे अबीए दम्भसंथारोवगए समणस्स भगवओ महावीरस्स अंतियं धम्मपण्णत्ति उवसंपज्जित्ताणं विहरह।
Jain Education International
For Private & Personal Use Only
www.jainelibrary.org.
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |