Page Text
________________
महावीरतित्थे आणंदगाहावइकहाणगं
२९७
(७) तयाणंतरं च णं वत्थविहिपरिमाणं करेइ--नन्नत्थ एगणं खोमजुयलेणं, अवसेसं सव्वं वत्थविहि पच्चक्खाइ । (८) तयाणंतरं च णं विलेवणविहिपरिमाणं करेइ-नन्नत्य अगरु-कुंकुम-चंदणमादिएहि, अवसेसं सव्वं विलेवणविहिं पच्चक्खाइ। (९) तयाणंतरं च णं पुष्फविहिपरिमाणं करेइनन्नत्य एगेणं सुद्धपउमेणं मालइकुसुमदामेण वा, अवसेसं सव्वं पुष्फविहि
पच्चक्खाइ। (१०) तयाणंतरं च णं आभरणविहिपरिमाणं करेइ--नन्नत्य मट्ठकण्णेज्जएहिं नाममुद्दाए य, अवसेसं सव्वं आभरणविहिं पच्चक्खाइ। (११) तयाणंतरं च गं धूवणविहिपरिमाणं करेइ-नन्नत्य अगरु-तुरुक्क-धूवमादिएहि, अवसेस सव्वं धूवणविहिं पच्चक्खाइ। (१२) तयाणंतरं च णं भोयणविहिपरिमाणं करेमाणे
(क) पेज्ज-विहिपरिमाणं करेइ-नन्नत्थ एगाए कटुपेज्जाए, अवसेसं सव्वं पेज्जविहिं पच्चक्खाइ। (ख) तयाणंतरं च णं भक्खविहिपरिमाणं करेइ--नन्नत्थ एगेहि धयपुण्णेहि खंडखज्जएहि वा, अवसेसं सव्वं भक्खविहिं
पच्चक्खाइ। (ग) तयाणंतरं च णं ओदणविहिपरिमाणं करेइ-नन्नत्य कलमसालिओदणेणं, अवसेसं सव्वं ओदणविहिं पच्चक्खाइ। (घ) तयाणंतरं च णं सूवविहिपरिमाणं करेइ--नन्नत्य कलायसूत्रेण वा मुग्गसूवेण वा माससूवेण वा, अवसेसं सव्वं
सूवविहिं पच्चक्खाइ। (ङ) तयाणंतरं च गं घयविहिपरिमाणं करेइ--नन्नत्य सारदिएणं गोधय-मंडेणं, अवसेसं सव्वं धयविहिं पच्चक्खाइ। (च) तयाणंतरं च णं सागविहिपरिमाणं करेइ-नन्नत्य वत्थुसाएण वा तुंबसाएण वा सुत्थियसाएण वा मंडुक्कियसाएण वा,
अवसेसं सव्वं सागविहिं पच्चक्खाइ। (छ) तयाणंतरं च णं माहुरयविहिपरिमाणं करेइ-नन्नत्य एगेणं पालंकामाहुरएणं, अवसेसं सव्वं माहुरयविहिं पच्चक्खाइ। (ज) तयाणंतरं च णं तेमणविहिपरिमाणं करेइ--जन्नत्थ सेहंबदालियंह अवसेसं सव्वं तेमणविहिं पच्चक्खाइ । (झ) तयाणंतरं च णं पाणियविहिपरिमाणं करेइनन्नत्य एगेणं अंतलिक्खोदएणं, अवसेसं सव्वं पाणियविहिं पच्चक्खाइ। (ज) तयाणंतरं च णं मुहवासविहिपरिमाणं करेइ--नन्नत्य पंचसोगंधिएणं तंबोलेणं, अवसेसं सव्वं मुहवासविहिं पच्चक्खाइ ।
तयाणंतरं च णं चउम्विहं अणट्ठादंडं पच्चक्खाइ, तं जहा-१. अवज्झाणाचरितं २. पमायाचरितं ३. हिंसप्पयाणं ४. पाव-कम्मोवदेसे।
८.
सम्मत्ताईणं अइयारा आणंदा ! इ समणे भगवं महावीरे आणंदं सभणोवासगं एवं क्यासी"एवं खलु आणंदा! समणोवासएणं अभिगयजीवाजीवेणं उवलद्धपुण्णपावणं आसव-संवर-निज्जर-किरिया-अहिगरण-बंधमोक्खकुसलेणं असहेज्जेणं, देवासुर-णाग-सुवण्ण-जक्ख-रक्खस-किण्णर-किंपुरिस-गरुल-गंधव्व-महोरगाइएहिं देवगणेहिं निग्गंथाओ पाक्यणाओ अणइक्कमणिज्जेणं सम्मत्तस्स पंच अतियारा पेयाला जाणियन्वा, न समायरियव्वा तं जहा-१. संका २. कंखा ३. वितिगिच्छा ४. परपासंडपसंसा ५. परपासंडसंथवो।। तयाणंतरं च णं थूलयस्स पाणाइवायवेरमणस्स समणोवासएणं पंच अतियारा पेयाला जाणियब्वा, न समायरियव्वा, तं जहा-१. बंधे २. वहे ३. छविच्छेदे ४. अतिभारे ५. भत्तपाणवोच्छेदे। तयाणंतरं च ण थूलयस्स मुसावायवेरमणस्स समणोवासएणं पंच अतियारा जाणियन्वा न समायरियव्वा, तं जहा--१. सहसाभक्खाणे २. रहस्सब्भक्खाणे ३. सदारमंतभए ४. मोसोवएसे ५. कूडलेहकरणे । तयाणंतरं च णं थूलयस्स अदिण्णादाणवेरमणस्स समणोवासएणं पंच अतियारा जाणियव्वा, न समायरियावा, तं जहा-१. तेणाहड़े
२. तक्करप्पओगे ३. विरुद्धरज्जातिक्कमे ४. कूडतुल-कूडमाणे ५. तप्पडिरूवगववहारे। ... तयाणतरं च णं सदारसंतोसीए समणोवासएणं पंच अतियारा जाणियव्वा, न समायरियव्वा, तं जहा--१. इत्तरियपरिग्गहियागमणे
२. अपरिग्गहियागमणे ३. अणंगकिड्डा ४. परवीवाहकरणे ५. कामभोगे तिव्वाभिलासे।
घ० क०३८
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |