Page Text
________________
५. महावीरतित्थे आणंदगाहावइकहाणगं ।
संगहणी गाहा
आणंदे कामदेवे य, गाहावति चुलगीपिता। सुरादेवे चुल्लसयए, गाहावइकुंडकोलिए ॥ सद्दालपुत्ते महासतए, नंदिणीपिया लेइयापिता ॥१॥
वाणियगामे आणंदो गाहावई ८४ तेणं कालेगं तेणं समएणं वाणियगामे नाम नयरे होत्था-वण्णओ।
तस्स वागियगामस्स नयरस्स बहिया उत्तरपुरथिमे दिसीभाए, एत्थ णं दूइपलासए नामं चेइए होत्था । तत्थ णं वाणियगामे नयरे जियसतू राया होत्था--वण्णओ। तत्थ णं वाणियगामे नयरे आणंदे नाम गाहावई परिवसइ--अड्ढे-जाव-अपरिभूए। तस्स णं आणंदस्स गाहावइस्स चत्तारि हिरण्णकोडीओ निहाणपउत्ताओ, चत्तारि हिरण्णकोडीओ वढिपउत्ताओ, चत्तारि हिरण्णकोडीओ पवित्थरपउत्ताओ, चत्तारि वया दसगोसाहस्सिएणं वएणं होत्था। से णं आगंदे गाहावई बहूणं राईसर तलवर-माडंबिय-कोडुबिय-इन्भ-सेट्ठि-सेणावइ-सत्थवाहाणं बहूसु कज्जेसु य कारणेसु य कुडंबेसु य मंतेसु य गुज्झेसु य रहस्सेसु य निच्छएसु य ववहारेसु य आपुच्छणिज्जे पडिपुच्छणिज्जे, सयस्स वि य णं कुडुबस्स मेढी पमाणं आहारे आलंबणं चक्खू, मेढीभूए पमाणभूए आहारभूए आलंबणभूए चक्खुभूए सव्वकज्जवड्ढावए यावि होत्था ॥ तस्स णं आणंदस्स गाहावइस्स सिवणंदा नाम भारिया होत्था-अहीण-जाव-सुरूवा, आणंदस्स गाहावइस्स इट्ठा, आणंदेणं गाहावइणा सद्धि अणुरता अविरत्ता, इठे सद्द-फरिस-रस-रूव-गंधे पंचविहे माणुस्सए कामभोए पच्चणुभवमाणी विहरइ॥ तस्स णं वाणियगामस्स नयरस्स बहिया उत्तरपुरित्यमे दिसौभाए, एत्थ णं कोल्लाए नाम सण्णिवेसे होत्था--रिद्धत्थिमिए-जावपासादिए-जाव-पडिरूवे। तत्थ णं कोल्लाए सण्णिवेसे आणंदस्स गाहावइस्स बहवे मित्त-नाइ-नियग-सयण-संबंधि-परिजणे परिवसइ-अड्ढे-जाव-बहुजणस्स अपरिभूए।
महावीर-समवसरणं तेणं कालेगं तेणं समएणं समणे भगवं महावीरे-जाव-जेणेव वाणियगामे नयरे जेणेव दूइपलासए चेइए तेणेव उवागच्छइ, उवागच्छित्ता अहापडिरूवं ओग्गहं ओगिण्हित्ता संजमेणं तवसा अप्पाणं भावमाणे विहरइ। परिसा निग्गया। कूणिए राया जहा, तहा जियसत्तू निग्गच्छइ-जाव-पज्जुवासह ॥
- आणंदस्स समवसरणे गमणं धम्मसवणं च ८६ तए णं से आणंदे गाहावई इमोसे कहाए लढे समाणे-"एवं खलु समणे भगवं महावीरे पुन्वाणुपुचि चरमाणे गामागुगाम
दूइज्जमाणे इहमागए इह संपत्ते इह समोसढे इहेव वाणियगामस्स नयरस्स बहिया दूइपलासए चेइए अहापडिरूव ओग्गहं ओगिण्हित्ता संजमेणं तवसा अप्पाणं भावेमाणे विहरइ। तं महप्फलं-जाव-तं गच्छामि णं देवाणुपिप्या! समणं भगवं महावीरं वंदामि-जावपज्जुवासामि"--एवं संपेहेइ, संपेहित्ता व्हाए-जाव-सुद्धप्पावेसाई मंगल्लाई वत्थाई पवरपरिहिए अप्पमहग्घा-भरणालंकियसरीरे
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |