Page Text
________________
३. महावीरतित्ये तुंगियाणगरीनिवासिणो समणोवासगा
समणोवासगवण्णओ
६२ तेणं कालेणं तेणं समएणं तुंगिया नामं नयरी होत्या- वण्णओ ।
तीसे णं तुंगियाए नयरीए बहिया उत्तरपुरत्थिमे दिसीभागे पुप्फवतिए नामं चेइए होत्था-वण्णओ ।
तत्थ णं तुंगियाए नयरीए बहवे समणोवासया परिवसंति-अड्ढा दित्ता वित्यिण्णविपुलभवण-सयणासण- जागवाहणादण्णा बहुधणबहुजायरूव- रयया आयोग-पयोगसंपत्ता विच्छडियविपुलभत्तपाणा बहुदासी दास-गो-महिस-गवेल यप्पभूया बहुजणस्स अपरिभूया अभिगयजीवाजीवा उवलद्वपुण्ण-पावा आसव-संवर-निज्जर-किरिवाहिकरणबंध - मोक्खकुसला अस हेज्ज देवासुर-नाग सुवण्ण-जक्ख-रक्खसfree fayरिस गरुल-गंधव्व-महोरगादिएहिं देवगणेह निगयाओ पावयणाओ अणतिक्कमणिज्जा, निग्गंथे पावयणे निस्संकिया निक्कंखिया निव्वितिमिच्छा लट्ठा गहियट्ठा पुच्छियट्ठा अभिगयट्ठा विणिच्छियट्ठा अट्ठिमिजपेम्माणुरागरत्ता 'अयमाउसो ! निग्गंथे पावणे अट्ठे अयं परमट्ठे सेसे अणट्ठे', ऊसियफलिहा अवंगुयदुवारा चियत्तंतेउर-घरप्पवेसा चाउद्दसमुद्दिट्ठपुण्णमासिणीसु पडिपुण्णं पोसहं सम्मं अणुपालेमाणा, समणे निग्गंथे फासू-एसणिज्जेणं असण- पाण- खाइम- साइमेणं वत्थ पडिग्गह-कंबल - पायपुंछणेणं पीढ-फल-सज्जा-संथारएणं ओसह-भे सज्जेणं पडिलाभमाणा बहूहि सीलव्वय-गुण- वेरमण- पचनक्खाण-पोसहोववासेहि अहापरिग्गहिएहि तवोकम्मेहि अप्पाणं भावेमाणा विहति ।
तु गियाए पासावञ्चिज्जथेरागमणं
६३
तेनं कालेणं तेणं समएणं पासावच्चिज्जा येरा भगवंतो जातिसंपन्ना कुलसंपन्ना बलसंपन्ना स्वसंपन्ना विजयसंपन्ना नाणसंपन्ना दंसणसंपन्ना चरित्तसंपन्ना लज्जासंपन्ना लाघवसंपन्ना ओयंसी तेयंसी वच्चंसी जसंसी जियकोहा जियमाणा जियमाया जियलोभा जियनिद्दा जिइंदिया जियपरीसहा जीवियास-मरण-भयविप्यमुक्का तवप्पहाणा गुणप्पहाणा करणप्पहाणा चरणप्पहाणा निग्गहप्पहाणा निच्छयप्पहाणा मद्दवप्पहाणा अज्जवप्पहाणा लाघवप्पहाणा खंतिप्पहाणा मुत्तिप्पहाणा विज्जापहाणा संतप्पहाणा वेयप्पहाणा बंभप्पहाणा नयाणा नियमपहाणा सच्चप्पहाणा सोयप्पहाणा चारुपण्णा सोही अणियाणा अप्पुस्सुया अबहिल्लेसा सुसामण्णरया अच्छिद्दप सिवागरणा कुत्तियावणभूया बहुस्सुया बहुपरिवारा पंचह अणगारसएहि सद्ध संपरिवुडा अहाणुपुव्वि चरमाणा गामाणुगामं दृइज्जमागा सुहंसुहेणं विहरमाणा जेणेव तुंगिया नगरी जेजेव पुष्फवइए चेइए तेणेव उवागच्छंति, उवागच्छित्ता अहापडिरूवं ओग्गहं ओगिव्हित्ताणं संजमेणं तवसा अप्पाणं भावेमाणा विहति ।
थेराणं समणोवासगेहं पज्जुवासणा
६४ तए णं तुंगियाए नयरीए सिंघाडग-तिग- चउक्क-चच्चर-चउम्मुह-महापह- पहेसु जाव एगदिसाभिमुहा निज्जायंति ।
तए णं ते समणोवासया इमीसे कहाए लट्ठा समाणा हट्ठतुट्ठचित्तगाणंदिया नंदिया पीइमणा परमसोमणस्सिया हरिसवसविप्पमाणहिया अण्णमण्णं सद्दावेति, सहावेत्ता एवं वयासी -- “ एवं खलु देवाणुप्पिया ! पासावच्चिज्जा थेरा भगवंतो जातिसंपन्ना -जाव - अहापडिरूवं ओग्गहं ओगिव्हित्ताणं संजमेणं तवसा अप्पाणं भावेमाणां विहरति ।
तं महाफलं खलु देवगुप्पिया ! तहारूवाणं थेराणं भगवंताणं नामगोयस्स वि सवणयाए, किमंग पुण अभिगमण-वंदण-नमंसण-पडिपुच्छणपज्जुवासणयाए ? एगस्स वि आरियस्स धम्मियस्स सुवयणस्स सवणयाए, किमंग पुण विजलस्य अट्ठस्स गहणयाए ? तं गच्छामो णं देवाप्पिया ! थेरे भगवंते वंदामो नमसामो सक्कारेमो सम्माणेमो कल्लाणं मंगलं देवयं चेइयं पज्जुवासामो । एयं णे पेच्चभवे इहभवे य हियाए सुहाए खमाए निस्सेयसाए आणुगामियत्ताए भविस्सति" इति कट्टु अण्णमण्णस्स अंतिए एयमट्ठ पडिसुर्णेति, पडिसुणेत्ता जेणेव सयाई-सयाई गिहाई तेणेव उवागच्छंति, उवागच्छित्ता व्हाया कयबलिकम्मा कयकोउय-मंगल- पायच्छित्ता सुद्धप्पावेसाई मंगललाई वत्थाई पवर-परिहिया अप्पमहग्घाभरणालंकियसरीरा सहि सह गिहितो पडिनिक्खमंति, पडिनिक्खमित्ता एगयओ
भक० ३७
Jain Education International
For Private
Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |