Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 541

धम्मकहाणुओगे चउत्थो खंधो
"नो खलु भंते! अहं पुब्धि रमणिज्जे भवित्ता, पच्छा अरमणिज्जे भविस्सामि, जहा से वण-संडे इ वा-जाव-खल-वाडे इ वा। अहं णं सेयविया-नयरी-पामोक्खाई सत्त गाम-सहस्साई चत्तारि भागे करिस्सामि । एगं भागं बलवाहणस्स दलइस्सामि, एगं भागं कोट्ठागारे छुभिस्सामि, एवं भागं अंते-उरस्स दलइस्सामि, एगेणं भागेणं महइ-महालयं कूडागार-सालं करिस्सामि । तत्थ णं बहूहिं पुरिसेहि दिन्न-भइ-भत्त-वेयहि विउलं असणं-जाव-साइम-उबक्खडावेत्ता, बहूणं, समण-माहण-भिक्खुयाणं पन्थिय-पहियाणं परिभाएमाणे परिभाएमाणे बहूहि सोलन्वय-गुणन्वय-वेरमण-पच्चक्खाण-पोसहोववासस्स-जाव-विहरिस्सामि"। त्ति कटु जामेव दिसि, पाउब्भूए तामेव दिसि पडिगए॥ तए णं से पएसी राया कल्लं-जाव-तेयसा जलते सेयविया-पामोक्खाई सत्त गाम-सहस्साई चत्तारि भाए करेइ । एगं भागं बलवाहणस्स दलइ-जाव-कूडागार-सालं करेइ, तत्थ णं बहूहि पुरसेहि-जाब-उवक्खडावेत्ता बहूणं समण-जाव-परिभाएमाणे विहरइ । सूरियताकयविसप्पओगो, पएसिस्स समाहिमरणं, सरियाभदेवत्तेण उववाओ य तए णं से पएसी राया समणोवासए जाए अभिगय-जीवाजीवे-जाव-विहरइ । जप्पभिई च णं पएसी राया समणोवासए जाए तप्पभिई च णं रज्जं च रटुं च बलं च वाहणं च कोसं च कोट्ठागारं च पुरं च अंतेउरं च जणवयं च अणाढायमाणे यावि विहरइ । तए णं तीसे सूरियकताए देवीए इमेयारूवे अज्झथिए-जाव-समुप्पज्जित्था"जप्पभिदं च णं पएसी राया समणोवासए जाए, तप्पभिई च णं रज्जं च रटुं च -जाव-अंतेउरं च ममं च जणवयं च अणाढायमाणे विहरइ। तं सेयं खलु मे पसि रायं केण वि सत्थ-पओगेण वा अग्गि-पओगेण वा मन्त-प्पओगेण वा विस-प्पओगेण वा उद्दवेत्ता, सूरियकंत कुमारं रज्जे ठवित्ता, सयमेव रज्ज-सिरि कारेमाणीए, पालेमाणीए विहरित्तए"त्ति कटु एवं संपेहेइ, संपेहेत्ता सूरियकंतं कुमारं सद्दावेइ, सद्दावेत्ता एवं वयासी"जप्पभिई च णं पएसी राया समणोवासए जाए, तप्पभिई च णं रज्जं च -जाब-अंतेउरं च ममं च जणवयं च माणुस्सए य कामभोगे अणाढायमाणे विहरइ । तं सेयं खलु तव पुत्ता ! परसि रायं केणइ सत्थ-प्पओगेण वा-जाव-उद्दवित्ता सयमेव रज्ज-सिरि कारेमाणे, पालेमाणे विहरित्तए" । तए णं सूरियकंते कुमारे सूरियकताए देवीए एवं वुत्ते समाणे सूरियकताए देवीए एयम8 नो आढाइ, नो परियाणाइ, तुसिणीए संचिट्ठइ। तए णं तोसे सूरियकताए देवीए इमेयारूवे अज्झत्थिए-जाव- समुप्पज्जित्था"मा णं सूरियकंते कुमारे पएसिस्स रन्नो इमं ममं रहस्स-भेयं करिस्सई" त्ति कटु पएसिस्स रन्नो छिद्दाणि य मम्माणि य रहस्साणि य विवराणि य अंतरराणि य पडिजागरमाणी पडिजागरमाणी विहरइ । तए णं सूरियकता देवी अन्नया कयाइ पएसिस्स रन्नो अंतरं जाणइ, जाणित्ता असणं-जाव-साइमं सव्व-वत्थ-गंध-मल्लालंकारं विसप्पओगं पउज्जइ। पएसिस्स रन्नो हायस्स, सुहासण-वर-गयस्स तं विस-संजुत्तं असणं-जाव-साइमं वत्थं -जाव-अलंकारं निसिरेइ, घायइ। तए णं तस्स पएसिस्स रन्नो तं विस-संजुत्तं असणं-जाव-साइमं आहारेमाणस्स सरीरगम्मि वेयणा पाउन्भूया उज्जला, विउला पगाढा, कक्कसा. कडुया, फरुसा, गिठ्ठरा, चंडा, तिव्वा, दुक्खा, दुग्गा, दुरहियासा, पित्त-जर-परिगय-सरीरे दाहवक्कन्तिए
यावि विहरइ॥ ६० तए णं से पएसी राया सूरियकताए देवीए अत्ताणं संपलद्धं जाणित्ता, सूरियकताए देवीए मगसा वि अण्पदुस्समाणे जेणेव पोसह
साला, तेणेव उवागच्छइ, उवागच्छित्ता पोसह-सालं पमज्जइ, पमज्जिता उच्चारपा-सवण-भूमि पडिलेहेइ, पडिलेहित्ता दन्भ-संथारगं संयरेइ, संयरेत्ता दन्भ-संथारगं दुरुहइ, दुरुहित्ता पुरत्थाभिमुहे संपलिय-निसणे, करयल-परिग्गहियं सिरसावतं अञ्जलि मत्थए कट्ट एवं क्यासी-- 'नमोत्थु णं अरहंताणं-जाव-संपत्ताणं। नमोत्थु णं केसिस्स कुमार-समणस्स मम धम्मोवएसगस्स, धम्मायरियस्स। वंदामि णं भगवंतं तत्थ-गयं इहगए। पासउ मं भगवं तत्थ-गए इह-गयं" ति कटु वंदइ, नमसइ। "पुदिव पि णं मए केसिस्स कुमार-समणस्स अंतिए थूल-पाणाइवाए पच्चक्खाए-जाव-परिग्गहे । तं इयाणि पिणं तस्सेव भगवओ अंतिए सव्वं पाणाइवायं पच्चक्खामि-जाव-परिग्गहं, सव्वं कोहं-जाव-मिच्छा-दंसण-सल्लं, अकरणिज्जं जोगं पच्चक्खामि, चउविहं पि आहारं जावज्जीवाए पच्चक्खामि, जं पि य मे सरीरं इ8-जाव-फुसंतु ति एवं पि य णं चरिमेहि ऊसास-निस्सासेहि वोसिरामि"