Page Text
________________
पासतित्थे पएसिकहाणगं
२८३
तेणं कालेणं, तेणं समएणं पएसिस्स रन्नो अदूर-सामंते बाउ-काए संवत्ते, तण-वणस्सइ-काए एयइ, वेयइ, चलइ, फंदइ, घट्टइ, उदीरइ, तं तं भावं परिणमइ। तए णं केसी कुमारसमणे पसि रायं एवं वयासी-- "पाससि णं तुम पएसी राया! एवं तण-वणस्सई एयंत-जाव-तं तं भावं परिणमंते ?" "हंता पासामि"। "जाणासि णं तुमं पएसी! एयं तण-वणस्सइ-कायं कि देवो चालेइ, असुरो वा चालेइ, नागो वा किन्नरो वा चालेइ, किंपुरिसो वा चालेइ, महोरगो वा चालेइ, गंधव्वो वा चालेइ ?" "हंता जाणामि, नो देवो चालेइ-जाव-नो गंधव्वो वा चालेइ, वाउ-काए चालेइ"। "पाससि गं तुम पएसी! एयस्स वाउ-कायस्स सरूविस्स, सकामस्स सरागस्स, समोहस्स, सवेयस्स सलेसस्स, ससरीरस्स एवं" ? "नो इणठे समलैं"। "जइ णं तुमं पएसी राया ! एयस्स वाउकायस्स सरूविस्स-जाव-ससरीरस्स रूवं न पाससि, तं कहं णं पएसी! तव करयलंसि वा आमलगं जीवं उवदंसिस्सामि?" एवं खलु पएसी! दस-ठाणाई छउमत्थे मणुस्से सव्व-भावेणं न जाणइ, न पासइ, तं जहा-धम्मत्थिकायं १, अधम्मत्थिकायं २, आगासत्थिकायं ३, जीवं असरीरबद्धं ४, परमाणुपोग्गलं ५, सई ६, गन्धं ७, वायं ८, अयं जिणे भविस्सइ नो वा भविस्सइ ९, अयं सव्व-दुक्खाणं अंतं करिस्सइ वा नो वा करिस्सइ १०।। एयाणि चेव उप्पन्न-नाण-दसण-धरे अरहा जिणे केवली सव्व-भावेणं जाणइ, पासइ। तं जहा-धम्मत्थिकायं-जाव-नो वा करिस्सइ। तं सद्दहाहि णं तुमं पएसी! जहा अन्नो जीवो०, तं चेव" ॥
केसिकुमारसमणनिद्दिव जीवपएसाणं सरीरपमाणावगाहित्तं ५५ तए णं से पएसी राया केसि कुमार-समणं एवं वयासी--
"से नूणं भंते ! हत्थिस्स कुंथुस्स य समे चेव जीवे ?" "हंता पएसी! हत्थिस्स य कुंथुस्स य समे चेव जीवे" । “से नूणं भंते! हत्थीओ कुंथू अप्प-कम्मतराए चेव अप्प-किरियतराए चेव अप्पासवतराए चेव, एवं आहार-निहार-उस्सासनीसासइड्ढीए अप्पतराए चेव, एवं च कुंथुओ हत्थी महा-कम्मतराए चेव महाकिरिय० तराए चेव ?" "हंता पएसी! हत्थीओ कुंथू अप्प-कम्मतराए चेव०, कुंथुओ वा हत्थी महा-कम्मतराए चेव० तं चेव" । "कम्हा णं भंते ! हत्थिस्स य कुंथुस्स य समे चेव जीवे?" "पएसी से जहा-नामए कूडागार-साला सिया-जाव-गम्भीरा। अह णं केइ पुरिसे जोई वा दीवं वा गहाय तं कूडागार-सालं अंतो अंतो अणुपविसइ। तीसे कूडागार-सालाए सव्वओ समंता घण-निचिय-निरंतर-निच्छिड्डाई दुवार-वयणाई पिहेइ, पिहेत्ता तीसे कूडागार-सालाए बहु-मज्झ-देस-भाए तं पईवं पलीवेज्जा। तए णं से पईवे तं कडागार-सालं अंतो अंतो ओभासइ, उज्जोवेइ, तवइ, पभासेइ, नो चेव णं बाहिं। अह णं से पुरिसे तं पईवं इड्डरएणं पिहेज्जा, तए णं से पईवे तं इड्डरयं अंतो अंतो ओभासेइ -जाव-पभासइ, नो चेव णं इड्डरगस्स बाहि, नो चेव णं कूडागार-सालाए बाहिं । एवं किलिजेणं, गंडमाणियाए, पत्थिय-पिडएणं, आढएणं, अद्धाढएणं, पत्थएणं, अद्ध-पत्थएणं, कुलवणं, अद्ध-कुलवेणं, चाउ-भाइयाए, अट्ठ-भाइयाए, सोलसियाए अंतो बत्तीसियाए. चउसट्ठियाए, दीव-चंपएणं। तए णं से पईवे दीव-चंपगस्स अंतो अंतो ओभासइ-जाव-पभासइ, नो चेव णं दीव-चंपगस्स बाहिं, नो चेव णं चउसट्ठियाए बाहि, नो चेव णं कूडागार-सालं, नो चेव णं कूडागार-सालाए बाहिं। एवामेव पएसी! जीवे वि जं जारिसयं पुव्व-कम्म-निबद्धं बोंदि निव्वत्तेइ, तं असंखेहिं जीव-पएसेहिं सचित्तं करेइ खुड्डियं वा महालियं वा। तं सद्दहाहि णं तुमं पएसी ! जहा अन्नो जीवो०, तं चेव" ॥
केसिकुमारसमणवत्तवे अयहारयदिळंतेण पच्छाणुतावनिसहपरूवणं ५६ तए णं पएसी राया केसि कुमार-समणं एवं वयासी--
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |