Page Text
________________
२७४
धम्मकहाणुओगे चउत्थो खंधो
धम्मस्स अलाभ-लाभविसयाइं चत्तारि ठाणाई ४२ तए णं केसी कुमारसमणे चित्तं साहिं एवं बयासी--
"एवं खलु चहि ठाणेहिं चित्ता ! जीवे केवलिपन्नत्तं धम्मं नो लभेज्जा सवणयाए । तं जहा-आराम-गयं वा उज्जाण-गयं वा समणं वा माहणं वा नो अभिगच्छइ, नो वंदइ, नो नमसइ, नो सक्कारेइ, नो संमाणेइ, नो कल्लाणं, मङ्गलं, देवयं, चेइयं पज्जुवासेइ, नो अट्ठाई, हेऊई पसिणाई, कारणाई, वागरणाई पुच्छइ। एएणं ठाणेणं चित्ता! जोवे केवलि-पन्नत्तं धम्मं नो लभइ सवणयाए ॥१॥ उवस्सय-गयं समणं वा तं चेव-जाव-एएण वि ठाणेणं चित्ता! जीवे केवलि-पन्नत्तं धम्मं नो लभइ सवणयाए ॥२॥ गोयरग्ग-गयं समणं वा माहणं वा-जाव-नो पज्जुवासइ, नो विउलेणं असण-पाण-खाइम-साइमेणं पडिलाभेइ, नो अट्ठाई-जाव-पुच्छइ, एएणं ठाणेणं चित्ता! जीवे केवलि-पन्नत्तं धम्मं नो लभइ सवणयाए॥३॥ जत्थ वि य णं समणेण वा माहणेण वा सद्धि अभिसमागच्छइ, तत्थ वि य णं हत्येण वा बत्थेण वा छत्तेण वा अप्पाणं आवरिता चिट्ठइ, नो अट्ठाई-जाव-पुच्छइ, एएण वि ठाणेणं चित्ता! जीवे केवलि-पन्नतं धम्मं नो लभइ सवणयाए ॥४॥ एएहि च णं चित्ता! चउहि ठाणेहि जीवे केवलि-पन्नत्तं धम्म नो लभइ सवणयाए॥ चहिं ठाणेहिं चित्ता! जीवे केवली-पन्नत्तं धम्म लभइ सवणयाए। तं जहा-आराम-गयं वा उज्जाण-गयं वा समणं वा माहणं वा वंदइ, नमसइ,-जाव-पज्जुवासइ, अट्ठाई-जाव-पुच्छइ, एएण-जाव-लभइ सवणयाए । एवं उवस्सय-गयं गोयरग्ग-गयं समणं वा-जाव-पज्जुवासइ विउलेणं-जाव-पडिलाभेइ अट्ठाइं-जाव-पुच्छइ, एएण वि-जाव-लभइ सवणयाए। जत्थ वि य णं समणेण वा माहणेण वा सद्धि अभि-समागच्छइ तत्थ वि य णं नो हत्येण वा-जाव-आवरेत्ता णं चिट्टइ, एएण वि ठाणेणं चित्ता! जीव केवलिपन्नत्तं धम्म लभइ सवणयाए। तुझं च णं चित्ता! पएसी राया आराम-गयं वा तं चेव सव्वं भाणियव्वं आइल्लएणं गमएणं-जाव-अप्पाणं आवरेत्ता चिट्टइ। तं कहं णं चित्ता! पएसिस्स रन्नो धम्ममाइक्खिस्सामो?" तए णं से चित्ते सारही केसि कुमारसमणं एवं वयासी-- "एवं खलु भंते ! अन्नया कयाइ कंबोएहि चत्तारि आसा उवणयं उवणीया। ते मए पएसिस्स रन्नो अन्नया चेव उवणेया। तं एएणं खलु भंते! कारणेणं अहं परसिं रायं देवाणुप्पियाणं अंतिए हव्वमाणेस्साभि। तं मा णं देवाणुप्पिया ! तुब्भे पएसिस्स रन्नो धम्ममाइक्खमाणा गिलाएज्जाह। अगिलाए णं भंते ! तुम्भे पएसिस्स रन्नो धम्ममाइक्खेज्जाह, छंदेणं भंते ! तुब्भे पएसिस्स रण्णो धम्ममाइक्खेज्जाह"। तए णं से केसी कुमार-समणे चित्तं सारहिं एवं वयासी-- "अवि याइ चित्ता! जाणिस्सामो”॥ तए णं से चित्ते सारही केसि कुमार-समणं बंदइ, नमसइ, बंदित्ता नमसित्ता जेणेव चाउ-घंटे आस-रहे, तेणेव उवागच्छप, उवागच्छित्ता चाउ-घंटं आस-रहं दुरुहइ, दुरुहिता जामेव दिसि पाउन्भूए, तामेव दिसि पडिगए।
आसपरिक्खटुं निग्गयस्स चित्तसारहिसहियस्स पएसिरनो केसिकुमारसमणसमीवागमणं ४३ तए णं से चित्ते सारही कल्लं पाउप्पभायाए रयणीए, फुल्लुप्पल-कमल कोमलुम्मिलियम्मि अहापण्डुरे पभाए कय-नियमावस्सए
सहस्सरस्सिमि दिणयरे तेयसा जलन्ते, साओ गिहाओ निग्गच्छइ, निग्गच्छित्ता जेणेव पएसिस्स रन्नो गिहे, जेणेव पएसी राया, तेणेव उवागच्छइ, उवागच्छित्ता पएसि रायं करयल-जाव-कटु जएणं, विजएणं वद्धावेइ, वद्धावेत्ता एवं वयासी"एवं खलु देवाणुप्पियाणं कम्बोएहि चत्तारि आसा उवणयं उवणीया। ते य मए देवाणुप्पियाणं अन्नया चेव विणइया। तं एह णं सामी! ते आसे चिठं पासह।" तए णं से पएसी राया चित्तं सारहिं एवं बयासी"गच्छाहि णं तुम चित्ता! तेहिं चेव चाहिं आसेहिं आस-रहं जुत्तामेव उवट्ठवेहि-जाव-पच्चप्पिणाहि" । तए णं से चित्ते सारही पएसिणा रण्णा एवं वुत्ते समाणे हटतुट्ठ-जाव-हियए उवट्ठवेइ उवट्ठवेत्ता एयमाणत्तियं पच्चप्पिणइ। तए णं से पएसी राया चित्तस्स सारहिस्स अंतिए एयम? सोच्चा, निसम्म हट्ठतुट्ठ-जाव-अप्प-महग्याभरणालंकिय-सरीरे साओ
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |