Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 528

पासतित्थे पएसिकहाणगं
२७३
तए णं से चिते सारही पएसिणा रन्ना विसज्जिए समाणे हट्ट-जाव-हियए, पएसिस्स रन्नो अंतियाओ पडिनिक्खमइ, पडिनिक्खमित्ता जेणेव चाउग्घंटे आस-रहे तेणेव उवागच्छइ, चाउंग्घंटं आस-रहं दुरुहइ सेयवियं नार मज्झमज्झेणं जेणेव सए गिहे तेणेव उवागच्छइ तुरए निगिण्हइ रहं ठवेइ, रहाओ पच्चोरुहइ, हाए-जाव-उप्पि पासाय-वर-गए फुट्टमाणेहि मुइंगमत्थरहि बत्तीसइ-बद्धएहिं नाडएहि वर-तरुणी-संपउत्तेहि उवनच्चिज्जमाणे उवगाइज्जमाणे, उवलालिज्जमाणे, इ8 सद्द-फरिस-जाव-विहरइ।
उज्जाणपालनिवेइयवृत्तताणुसारेणं चित्तसारहिस्स केसिकुमारसमणवंदणट्ठा गमणं धम्मसवणं च ३९ तए णं केसी-कुमार-समणे अन्नया कयाइ पाडिहारियं पीढ-फलग-सेज्जा-संथारगं पच्चप्पिणइ, पच्चप्पिणित्ता सावत्थीओ नयरीओ,
कोढगाओ उज्जाणाओ पडिनिक्खमइ, पडिनिक्खमित्ता पहि अणगारसएहि-जाव-विहरमाणे, जेणेव केइयअद्धे जणवए, जेणेव सेयविया नयरी, जेणेव मियवणे उज्जाणे, तेणेव उवागच्छइ, उवागच्छित्ता अहा-पडिरूवं उग्गहं उग्गिण्हित्ता, संजमेणं, तवसा अप्पाणं
भावेमाणे विहरइ। ४० तए णं सेयवियाए नयरीए सिंघाडग-तिय-चउक्क-चच्चर-चउम्मह-महापहेसु महया जणसद्दे इ वा-जाव-परिसा निग्गच्छइ।
तए णं ते उज्जाणपालगा इमीसे कहाए लट्ठा समाणा, हट्ठतुट्ठ-जाव-हियया, जेणेव केसी कुमार-समणे, तेणेव उवागच्छंति, उवागच्छित्ता केसि कुमारसमणं बंदंति, नमसंति, वंदित्ता नमंसित्ता, अहा-पडिरूवं उग्गहं अणुजाणंति, पाडिहारिएणं-जाव-संथारएण उवनिमंतेन्ति, ना गोयं पुच्छंति, ओधारेंति, एगन्तं अवक्कमन्ति, अन्नमन्नं एवं वयासी-- "जस्स णं देवाणुप्पिया! चित्ते सारही दंसणं कंखइ-जाव-दंसणं अभिलसइ जस्स णं नाम-गोयस्स वि सवणयाए हट्ठ-तुटु-जाव-हियएभवइ, से णं एस केसी कुमार-समणे पुब्वाणपुटिव चरमाणे, गामाणुगाम दूइज्जमाणे, इहमागए, इह संपत्ते, इह समोसढे, इहेव सेयवियाए नयरीए बहिया मियवणे उज्जाणे अहा-पडिरूवं-जाव-विहरइ। तं गच्छामो णं देवाणुप्पिया! चित्तस्स सारहिस्स एयमझें पियं निवएमो, पियं से भवउ"। अन्नमन्नस्स अन्तिए एयमळं पडिसुणति । जेणेव सेयविया नयरी, जेणेव चित्तस्स सारहिस्स गिहे, जेणेव चित्ते सारही तेणेव उवागच्छंति, उवागच्छित्ता चित्तं सारहिं करयल-जाव-बद्धावति, एवं वयासी-- "जस्स णं देवाणुप्पिया! दसणं कंखंति-जाव-अभिलसंति, जस्स णं नाम-गोयस्स वि सवणयाए हटु-जाव-भवह, से णं अयं केसी कुमार-समणे पुवाणुपुब्बि चरमाणे गामाणुगाम दूइज्जमाणे इहेव मिअवणे उज्जाणे समोसढे-जाव-विहरइ॥" तए णं से चित्ते सारही तेसि उज्जाण-पालगाणं अंतिए एयमठे सोच्चा निसम्म हट्ठ-तुट्ठ-जाव-आसणाओ अब्भुठेइ , पायपीढाओ पच्चोरुहइ, पच्चोरुहित्ता पाउयाओ ओमयइ, ओमुइत्ता एग-साडियं उत्तरासङ्गं करेइ । अंजलि-मउलियग्गहत्थे केसिकुमारसमणाभिमुहे सत्तट्ट पयाई अणुगच्छइ, अणुगच्छित्ता करयल-परिग्गहियं सिरसावत्तं मत्थए अंजलि कटु एवं वयासी-“नमोत्थु णं अरहंताणं -जाव-संपत्ताणं। नमोत्थु णं केसिस्स कुमार-समणस्स मम धम्मायरियस्स धम्मोवएसगस्स। वंदामि णं भगवंतं तत्थ-गयं इहगए। पासउ मं भगवं तत्थगए इहगयं" ति कट्ट बंदइ, नमसइ। ते उज्जाण-पालए विउलेणं वत्थ-गंध-मल्लालंकारेणं सक्कारेइ, संमाणेइ, सक्कारेत्ता सम्माणेत्ता विउलं जीवियारिहं पोइ-दाणं दलयइ, दलइत्ता पडिविसज्जेइ, पडिविसज्जिता कोडुंबिय-पुरिसे सद्दावेद, सद्दावित्ता एवं वयासो-- "खिप्पामेव भो देवाणुप्पिया! चाउग्घंट आस-रहं जुत्तामेव उवट्ठवेह-जाव-पच्चप्पिणह"। तए णं ते कोडुंबियपुरिसा-जाव-खिप्पामेव सच्छत्तं, सज्झयं-जाव-उवट्ठवित्ता तमाणत्तियं पच्चप्पिणंति । तए णं से चित्ते सारही कोडुबिय-पुरिसाणं अंतिए एयमढं सोच्चा, निसम्म, हट्ठ-तुटु-जाव-हियए, व्हाए कयबलिकम्मेण सरीरे, जेणेव चाउग्घंटे-जाव-दुरुहित्ता, सकोरंटमल्लदामेणं छत्तेणं धरिज्जमाणेणं महया भडचडगरेणं तं चेव-चाव-पज्जुवासइ धम्म-कहा-जावतए णं से चित्ते सारही केसिस्स कुमार-समणस्स अंतिए धम्म सोच्चा निसम्म हट्ठतुट्ठ उट्ठाए तहेव एवं वयासी-- "एवं खलु भंते ! अम्हं पएसी राया अधम्मिए-जाव-सयस्स वि णं जणवयस्स नो सम्म कर-भर-वित्ति पवत्तेइ । तं जइ णं देवाणप्पिया! पएसिस्स रन्नो धम्ममाइक्खेज्जा बहुगुणतरं खलु होज्जा पएसिस्स रन्नो, तेसिं च बहूणं दुपय-चउप्पय-मिय-पसु-पक्खिसिरोसिवाणं, तेसि च बहणं समण-माहण-भिक्खुयाणं । तं जइ णं देवाणुप्पिया ! ० पएसिस्स बहुगुणतरं होज्जा, सयस्स वि य णं जणवयस्स"।
ध० क०३५