Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 507

२५२
धम्मकहाणुओगे चउत्थो खंधी
पच्चत्थिमेणं सत्तण्हं अणियाहिबईणं सत्त भद्दासणे विउव्वइ । तस्स णं सोहासणस्स चउ-दिसि एत्थ णं सूरियाभस्स देवस्स सोलसण्हं आयरक्ख-देव-साहस्सीणं सोलस भद्दासण-साहस्सीओ विउव्वइ, तं जहापुरच्छिमेणं चत्तारि साहस्सीओ, दाहिणणं चत्तारि साहस्सीओ, पच्चत्थिमेणं चत्तारि साहस्सीओ, उत्तरेणं चत्तारि साहस्सीओ। तस्स दिव्वस्स जाण-विमाणस्स इमेयारूवे वण्णावासे पण्णत्ते-से जहा-नामए अइरुग्गयस्स वा हेमंतिय-बालिय-सूरियस्स वा खरिगालाण वा रत्ति पज्जलियाण वा जवा-कुसुम-वणस्स वा किंसुय-वणस्स वा पारियाय-वणस्स वा सव्वओ समंता संकुसुमियस्स, भवेयास्वे सिया ? णो इण? सम? ? तस्स णं दिव्वस्स जाणविमाणस्स एत्तो इट्टतराए चेव-जाव-वणेणं पण्णते, गंधो य फासो य जहा मणोणं। तए णं से आभिओगिए देवे दिव्वं जाण-विमाणं विउव्वइ, विउन्वित्ता जेणेव सूरियाभे देवे तेणेव उवागच्छइ उवागच्छित्ता सूरियाभं देवं करयल-परिग्गहिय-जाव-पच्चप्पिणइ ॥
सरियाभस्स महावीरसमीवमागमणं, दिव्वविमाणारहणाइवण्णओ य २१ तए णं से सूरिया देवे आभिओगस्स देवस्स अंतिए एयम सोच्चा निसम्म हट्ठ-जाव-हियए दिव्वं जिणिवाभिगमण-जोग्गं उत्तर
वेउव्विय-रूवं विउव्वइ, विउव्वित्ता चहि अग्ग-महिसोहि सपरिवाराहि, दोहि अणोएहि, तं जहागंधव्वाणीएण य गट्टाणीएण य सद्धि संपरिबुडे तं दिव्वं जाणविमाणं अणुपयाहिणीकरेमाणे पुरथिमिल्लेणं ति-सोवाण-पडिरूवएणं दुरूहइ, दुरूहित्ता जेणेव सीहासणे, तेणेव उवागच्छइ, उवागच्छित्ता सीहासण-वर-गए पुरत्याभिमुहे सण्णिसणे । तए णं तस्स सूरियाभस्स देवस्स चत्तारि सामाणिय-साहस्सीओ तं दिव्वं जाण-विमाणं अणुपयाहिणीकरेमाणा उत्तरिल्लेणं ति-सोवाणपडिरूवएणं दुरूहंति, दुरूहित्ता पत्तेयं-पत्तेयं पुन्व-णत्थेहि भद्दासहि णिसीयंति, अवसेसा देवा य देवीओ य तं दिव्वं जाण-विमाणं-जावदाहिणिल्लेणं ति-सोवाण-पडिरूवएणं दुरूहंति, दुरूहित्ता पत्तेयं-पत्तेयं पुव्व-णत्थेहि भद्दासणेहि निसीयंति । तए णं तस्स सूरियाभस्स देवस्स तं दिव्वं जाण-विमाणं दुरूढस्स समाणस्स अट्ठट्ठ मङ्गलगा पुरओ अहाणुपुवीए संपत्थिया, तं जहासोत्थिय-सिरिवच्छ-जाव--दप्पणा । तयणंतरं च णं पुण्ण-कलस-भिंगारा दिव्या य छत्त-पडागा, सचामरा दंसण-रइया, आलोय-दरिसणिज्जा, वाउद्धय-विजय-वेजयंती-पडागा ऊसिया, गगण-तलमणुलिहन्ती पुरओ अहाणुपुव्वीए संपत्थिया । तयणंतरं च णं वेरुलिय-भिसंत-विमल-दण्डं, पलम्ब-कोरंट-मल्ल-दामोवसोभियं, चंद-मंडल-निभं, समुस्सियं, विमलमायवत्तं पवर-सोहासणं च मणि-रयण-भत्ति-चित्तं, सपायपीढं, सपाउया-जोय-समाउत्तं, बहु-किकरामर-परिग्गहियं पुरओ अहाणुपुव्वीए संपत्थियं । तयणंतरं च णं वइरामय-वट्ट-लट्ठ-संठिय-सुसिलिट्ठ-परिघट्ठ-मट्ठ-सुपइट्ठिए, विसिट्ठ, अणेग-वर-पंचवण्ण-कुडभीसहस्सुस्सिए, परिमंडियाभिरामे, वाउद्धय-विजय-वेजयंती-पडाग-च्छत्ताइच्छत्त-कलिए, तुंगे, गगणतलमणुलिहंत-सिहरे, जोयण-सहस्समूसिए, महइ-महालए महिंद-ज्झए पुरओ अहाणुपुब्बीए संपत्थिए। तयणंतरं च णं सुरूव-णेवत्थ-परिकच्छिया, सुसज्जा, सव्वालंकार-भूसिया, महया भड-चडगर-पहगरेणं पंच अणीयाहिवइणो पुरओ अहाणपुव्वीए संपत्थिया। तयणंतरं च णं बहवे अभिओगिया देवा देवीओ य सहि-सएहि स्वेहि, सएहि-सएहि विसेसेहि, सहि सएहि विदेहि, सहि सहि
ज्जाएहि, सएहि सएहिं णेवत्थेहिं पुरओ अहाणुपुटवीए संपत्थिया। तयणंतरं च णं सूरियाभ-विमाण-वासिणो बहवे वेमाणिया देवा य देवीओ य सब्विड्ढीए-जाव-रवेणं सूरियाभं देवं पुरओ पासओ य मग्गओ य समणुगच्छंति ॥ तए णं से सूरियाभे देवे तेणं पंचाणीय-परिखित्तणं, वइरामय-वट्ट-ल?-संठिएणं-जाव-जोयण-सहस्समूसिएणं, महइ-महालएणं महिंदज्झएणं पुरओ कड्ढिज्जमाणेणं, चहिं सामाणिय-सहस्सेहि-जाव-सोलसहिं आयरक्ख-देवसाहस्सोहि, अन्नेहि य बहूहि सूरियाभ-विमाण-वासीहि वेमाणिएहि, देवेहि देवीहि य सद्धि संपरिवुडे, सव्विड्ढीए-जाव-रवेणं, सोहम्मस्स कप्पस्स मज्झमज्झेणं, तं दिव्वं देविड्ढि, दिव्वं देवजुई, दिव्वं देवाणुभाव उवलालेमाणे-उवलालेमाणे, उवदंसेमाणे-उवदंसेमाणे, पडिजागरेमाणे-पडिजागरेमाणे, जेणेव सोहम्मस्स कप्पस्स उत्तरिल्ले णिज्जाणमग्गे, तेणेव उवागच्छद, जोयण-सय-साहस्सिएहि विग्गहेहिं ओवयमाणे, वीईवयमाणे ताए उक्किट्ठाए-जाव-तिरियं असंखिज्जाणं दीव-समुहाणं मझमझेणं बीइवयमाणे-वीइवयमाणे, जेणेव नंदीसरवरे दीवे, जेणेव दाहिण-पुरथिमिल्ले रतिकर-पव्वए, तेणेव उवागच्छइ, उवागच्छिता तं दिव्वं देविड्ढेि-जाव-दिव्वं देवाणुभावं पडिसाहरेमाणे पडिसाहरेमाणे, पडिसंखेवेमाणे पडिसंखेवेमाणे, जेणेब