Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 506

पासतित्थे पएसिकहाणगं
२५१
मणुण्णा, मणहरा घाण-मण-निव्वुइ-करा, सव्वओ समंता गंधा अभिनिस्सवंति, भवेयारूवे सिया ? णो इणठे समठे । ते णं मणी एत्तो इट्ठतराए चेव गंधेणं पन्नत्ता । तेसि णं मणीणं इमेयारूवे फासे पण्णत्ते, से जहा-नामए आइणेइ वा रूए इ वा बूरे इ वा णवणीए इ वा हंस-गब्भ-तूलिया इ वा सिरीस-कुसुम-निचए इ वा बाल-कुमुय-पत्त-रासी इ वा, भवेयारूवे सिया? जो इणठे समठे । ते णं मणी एत्तो इट्टतराए
चेव-जाव-फासेणं पन्नत्ता। तए णं से आभिओगिए देवे तस्स दिव्वस्स जाण-विमाणस्स बहु-मज्म-देस-भागे एत्थ णं महं पिच्छाघर-मंडवं विउब्वइ-अणेगखंभ-सय-संनिविठं अब्भुग्गय-सुकय-वर-वेइया-तोरण-वर-रइय-सालभंजियागं, सुसिलिट्ठ-विसिट्ठ-ल?-संठिय-पसत्थ-वेरुलिय-विमल-खंभ, णाणामणि-कणग-रयण-खचिय-उज्जल-बहु-सम-सुविभत्त-भूमिभाग, ईहामिय-उसभ-तुरग-नर-मगर-विहग-वालग-किन्नर-रुरु-सरभ-चमरकुंजर-वणलय-पउमलय-भत्ति-चित्तं, खंभुग्गयवरवइरवेइयापरिगयाभिराम, विज्जाहर-जमल-जुयल-जत-जुत्तं पिव अच्चीसहस्स मालणीयं रूवगसहस्स-कलियं भिसमाणं भिब्भिसमाणं चक्खुल्लोयणलेसं सुहफास सस्सिरीयरूवं कंचण-मणि-रयण-थुभियागं, णाणाविहपंचवण्ण-घंटा-पडाग-परि-मंडियग्ग-सिहरं, चवलं, मरीइ-कवयं विणिम्मुयंतं, लाउल्लोइयमहियं, गोसीस-सरस-रत्तचंदण-दद्दर-दिन्नपंचंगुलि-तलं, उवचिय-चंदण-कलसं, चंदण-घड-सुकय-तोरण-पडिदुवार-देस-भाग, आसत्तोसत्त-विउल-वट्ट-वग्धारिय-मल्ल-दाम-कलावं, पंचवण्ण-सरस-सुरभि-मुक्क-पुप्फ-पुंजो वयार-कलियं, कालागुरु-पवर-कुंदरुक्क-तुरुक्क-धूव-मघमघंत-गंधुद्धयाभिरामं, सुगंध-वर-गंधियं, गंधवट्टि-भूयं, अच्छर-गण-संघ-संविकिण्णं, दिव्वं, तुडिय-सद्द-संपणाइयं, अच्छं-जाव-पडिरूवं । तस्स णं पिच्छाघर-मंडवस्स अंतो बहु-सम-र-मणिज्ज-भूमिभाग विउव्वइ-जाव-मणीणं फासो । तस्स णं पेच्छाघर-मंडवस्स उल्लोयं विउव्वइ पउमलय-भत्ति-चित्त-जाव-पडिरूवं । तस्स णं बहु-सम-रमणिजस्स भूमिभागस्स बहु-मज्म-देस-भाए एत्थ णं एग महं बइरामयं अक्खाडगं विउव्ववइ । तस्स णं अक्खाडयस्स बहु-मझ-देस-भागे एत्थ णं महेगं मणिपेढियं विउव्वइ--अट्ट जोयणाइं आयाम-विक्खंभेणं, चत्तारि जोयणाई बाहल्लेणं, सव्व-मणिमयं, अच्छं, सहं-जाव-पडिरूवं । तोसे णं मणिपेढियाए उरि एत्थ णं महेगं सिंहासणं विउब्वइ, तस्स णं सोहासणस्स इमेयारूवे वण्णावासे पण्णत्ते-तवणिज्जमया चक्कला, रययामया सीहा, सोवण्णिया पाया, णाणा-मणिमयाइं पायसीसगाई, जंबूणयमयाइं गत्ताई, बहरामया संधी, णाणा-मणिमए वेच्चे । से णं सीहासणे ईहामिय-उसभ-तुरग-नर-मगर-विहग-वालग-किन्नर-रुरु-सरभ-चमर-कुंजर-वणलय-पउमलय-भति-चित्तं [सं ]सार-सारोवचियमणि-रयण-पायवोढे, अहेरग-मिउ-मसूरग-णव-तयकुसंत-लिम्ब-केसर-पच्चत्थुयाभिरामे, आईणग-रूय-बूर-णवणीय-तूल-फास-मउए, सुविरइय-रयत्ताणे, उवचिय-खोम-दुगुल्ल-पट्ट-पडिच्छायणे, रत्तंसुय-संबुए, सुरम्मे, पासाईए-जाव-पडिरूवे। तस्स ण सिंहासणस्स उरि एत्थ णं महेगं विजय-दूसं विउब्बइ-संखक-कुंद-दगरय-अमय- महिय-फेण-पुंज -संनिगासं, सव्व-रयणामयं, अच्छं, सहं, पासादीयं, दरिसणिज्ज, अभिरूवं पडिरूवं । तस्ण णं सोहासणस्स उरि विजय-दूसस्स य बहु-मज्झ-देस-भागे एत्थ णं महं एगं बयरामयं अंकुसं विउव्वइ । तस्सि च णं वयरामयंसि अंकुसंसि कुंभिक्कं मुत्ता-दामं विउव्वइ । से णं कुंभिक्के मुत्ता-दामे अन्नहि चहि अद्ध-कुंभिक्केहि मुत्ता-दामेहि तदद्धच्चत्त-पमाहिं सव्वओ समंता संपरिखित्ते । ते णं दामा तवणिज्जलंबूसगा, सुवण्ण-पयरग-मंडियग्गा, णाणा-मणि-रयण विविहहारद्वहार-उवसोभिय-समुदया ईसि अण्णमणमसंपत्ता, वारहिं पुटवावर-दाहिणुतरागएहि मंदायं-मंदायं एइज्जमाणाणि, एइज्जमाणाणि, पलंबमाणाणि पलंबमाणाणि, वंदमाणाणि वंदमाणाणि, उरालेणं, मणुन्नेणं, मणहरेणं, कण्ण-मण-णिव्वुइ-करेणं सद्देणं ते पएसे सव्वओ समंता आपूरेमाणा आपूरेमाणा सिरीए अईव अईव उवसोभेमाणा चिट्ठति । तए णं से आभिओगिए देवे तस्स सिंहासणस्स अवरुत्तरेणं उत्तरेणं उत्तर-पुरच्छिमेणं एत्थ णं सूरियाभस्स-देवस्स चउण्हं सामाणिय-साहस्सोणं चत्तारि भद्दासण-साहस्सीओ विउन्वइ । तस्स णं सीहासणस्स पुरच्छिमेणं एत्थ णं सूरियाभस्स देवस्स चउण्हं अग्ग-महिसीणं सपरिवाराणं चत्तारि भद्दासण-साहस्सीओ विउव्वइ । तस्स णं सोहासणस्स दाहिण-पुरच्छिमेणं एत्थ णं सूरियाभस्स देवस्स अभितरपरिसाए अट्ठण्हं देव-साहसीणं अट्ठ भद्दासणसाहस्सीओ विउव्वइ। एवं दाहिणणं मज्झिम-परिसाए दसण्हं देव-साहस्सीणं दस भद्दासण-साहस्सीओ विउव्वइ । दाहिण-पच्चत्थिमेणं बाहिर-परिसाए बारसण्हं देव-साहस्सीणं वारस भद्दासण-साहस्सीओ विउव्वइ ।