Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 503

२४८
अभिओगियदेवकयं महावीरसमोसरणभूमिसंपमज्जणाइ
१८ तए णं ते आभिओगिया देवा समणेणं भगवया महावीरेणं एवं वृत्ता समाणा, हट्ठ- जाव- हियया, समणं भगवं महावीरं वंदंति, णमंसंति, वंदित्ता, णमंसित्ता उत्तर-पुरत्थिमं दिसी भागं अवक्कमंति, अवक्कमित्ता वेउब्विय-समुग्धाएणं समोहणंति, समोहणित्ता संखेज्जाई जोयणाई दंडं निसिरंति, तंजहा - रयणाणं- जाव- रिट्ठाणं अहा- बायरे पोग्गले परिसाडंति, परिसाडिता दोच्चं पि afar - समुग्धाएणं समोहणंति, समोहणित्ता, संवट्टय-वाए विउब्वंति से जहा - नामए भइय-दारए सिया तरुणे, बलवं, जुगवं जुवाणे अप्पायंके, थिर-संघयणे, थिरग्गहत्थे, दढ-पाणि-पाय-पिट्ठ तरोरु-संघाय परिणए, घण-निचिय-वलिय- वट्ट खंधे, चम्मेट्ठग-दुघण-मुट्ठियसमाहय गत्ते, उरस्स-बल- समन्नागए, तल-जमल- जुयल-फलिह-निभ- बाहू, लंघण-पवण-जवण-पमद्दण-समत्थे, छेए, दक्खे, पटु, कुसले, मेहावी, णिउण-सिप्पोवगए एगं महं सलागा - हत्थगं वा दंड-संपुच्छण वा वेणु- सलाइयं वा गहाय, रायंगणं वा रायंतेउरं वा देवकुलं वा सभं वा पर्व वा आरामं वा उज्जाणं वा अतुरियमचवलमसंभंते निरंतरं सुनिउणं सव्वओ समंता संपमज्जेज्जा, एवामेव तेऽवि सूरियाभस्स देवस्स आभिओगिया देवा संवट्टय-वाए विउव्वंति, विउव्वित्ता समणस्स भगवओ महावीरस्स सव्वओ समंता जोयण-परिमण्डलं जं किंचि तणं वा पत्तं वा तहेव सव्वं आहुणिय आहुणिय एगंते एडेंति एडित्ता खिप्पामेव उवसमंति-उवसमेत्ता दोच्चं पिवेउब्विय- समुग्धाएणं समोहणंति, समोहणित्ता अब्भ-बद्दलए विउव्वंति ।
धम्मकहाणुओगे चउत्यो बंधो
से जहा - णामए भइग- वारए सिया, तरुणे - जाव-सिप्पोवगए, एगं महं वग-वारगं वादग-कुभगं वा दगथालगं वा दग कलसगं वा गहाय, आरामं वा जाव-पवं वा अतुरिय- जाव-सव्वओ समंता आवरिसेज्जा, एवामेव तेऽवि सूरियाभस्स देवस्स आभिओगिया देवा अम्भवद्दलए विउव्वंति, विउव्वित्ता खिप्पामेव पतणतणायन्ति पतणतणायित्ता खिप्पामेव विज्जुयायंति, विज्जुयायित्ता समणस्स भगवओ महावीरस्स सव्वओ समंता जोयण-परिमंडलं णच्चोदगं, णाइमट्टियं तं पविरल-पप्फुसियं, रय-रेणुविणासणं, दिव्वं, सुरभि-गंधोदगं वासं वासंति, वासेत्ता णिहय-रयं णट्ठरयं, भट्ठरयं, उवसंत-रयं पसंत-रयं करेंति, करिता खिप्पामेव उवसामंति ।
उवसामेत्ता पुप्फच्चरिसणं धूवोद्ध वणं च तच्चं पि बेउब्विय समुग्धाएणं समोहणंति, समोहणित्ता पुप्फ- बद्दलए विउव्वंति ।
से जहा - णामए मालागार-बारए सिया तरुणे - जाव- सिप्पोबगए, एवं महं पुप्फ-छज्जियं वा पुष्क- पडलगं वा पुप्फ चंगेरियं वा गहाय रायंगणं वा जाव-सव्वओ समंता कयग्गह-गहिय-करयल-पढभट्ट-विप्यमुक्केणं दसद्ध-वनेणं कुसुमेणं मुक्क- पुप्फ- पुजोवयार कलियं करेज्जा, एवामेव ते सूरियाभस्स देवस्स आभिओगिया देवा पुप्फ-बद्दलए विउव्वंति, विउव्वित्ता खिप्पामेव पतणतणायन्ति- जाव - जोयण-परिमण्डलं जल-थलय भासुर - प्यभूयस्स बिट-ट्ठाइस्स दसद्ध वन्न - कुसुमस्स जाणुस्सेह-प्रमाण-मेति ओहि वासं वासंति वासित्ता कालागुरु-पवर-कुंदुरुक्कतुरुक्क-धूव-मघमघंत-गंधुद्धयाभिरामं, सुगंध-वर-गंधियं, गंधविट्ट-भूयं, दिव्वं, सुरवराभिगमण जोग्गं करंति कारयंति, करेत्ता य कारवेत्ता य खिप्पामेव उवसामंति ।
जेणेव समणे भगवं महावीरे, तेणेव उवागच्छंति, तेणेव उवागच्छित्ता समणं भगवं महावीरं तिक्खुत्तो-जाव-वंदित्ता नमसित्ता समणस्स भगवओ महावीरस्स अंतियाओ अम्बसालवणाओ चेइयाओ पडिनिक्खमंति, पडिनिक्खमित्ता ताए उक्किट्ठाए जाव-वीइवयमाणा वीडवथमाणा जेणेव सोहम्मे कप्पे, जेणेव सूरियाभे विमाणे, जेणेव सभा सुहम्मा, जेणेव सूरियाभे देवे, तेणेव उवागच्छंति । सूरियाभं देवं करयल - परिग्गहियं सिरसावत्तं मत्यए अंजलि कट्टु जएणं विजएणं बद्धावेति वद्धावित्ता तमाणतियं पञ्चप्पिणंति ।।
सूरियाभदेवावेसेणं तव्विमाणवासिदेव-देवीणं तस्संतियमागमणं
१९ तए णं से सूरियाने देवे तेसि आभिओगियाणं देवाणं अंतिए एयमट्ठ सोच्चा, निसम्म हट्ठतुट्ठ-जाव- हियए पायत्ताणियाहिवदं देवं सद्दावे सहावेत्ता एवं वयासी
"खिप्पामेव भो देवाणुप्पिया ! सूरियाभे विमाणे, सभाए सुहम्माए, मेघोघ- रसिय-गंभीर-महुर-सद्दं जोयण-परिमंडलं सुसर-घंटं तिक्खुतो उल्लालेमाणे उल्लालेमाणे महया महया सद्देणं उग्घोसेमाणे उग्घोसेमाणे एवं वयाहि-आणवेद णं भो सूरियाभे देवे, गच्छइ णं मो सूरिया देवे जंबुद्दीवे दीवे, भारहे वासे, आमलकप्पाए णयरीए, अंबसालवणे बतिए समणं भगवं महावीरं अभिवंदए । तुब्भेऽवि णं भो बेवाणुप्पिया ! सव्विड्ढीए-जाव णाइय-रवेणं, नियग-परिवाल-सद्धि संपरिवुडा, साइं-साइं-जाण-विमाणाई दुरूढा समाणा अकाल-परिहीणं चैव सूरियाभस्स देवस्स अंतियं पाउब्भवह।"
तए णं से पायत्ताणियाहिवई देवे सूरियाभेणं देवेणं एवं बुत्ते समाणे हट्टतुट्ट- जाव- हियए 'एवं देवा ! तह त्ति आणाए विणएणं वयणं पडिसुणेs, पडिणित्ता जेणेव सूरियाभे विमाणे, जेणेव सभा सुहम्मा, जेणेव मेघोघ- रसिय-गंभीर-महुर-सद्दा, जोयण-परिमंडला, सु-सरा घंटा, तेणेव उवागच्छद्द उवागच्छित्ता तं मेघोघ रसिय-गंभीर-महर-सद्दं, जोयण-परिमंडलं, सु-स्सरं घंटं तिखुत्तो उल्लालेइ ।
For Private Personal Use Only