Page Text
________________
२३६
धम्मकहाणुओगे तईओ खंधो
पिउसेणकण्हाए मुत्तावलितवो सिद्धी य २७९ एवं-पिउसे गकण्हा वि, नवरं-मुत्तावाल तवोका उपसंपज्जिता णं विहरइ, सेसं-जाव-सिद्धा-जाव-सव्वदुक्खप्पहीणा।
अंत० व० ८, अ०९। महासेणकण्हाए आयंबिलवड्ढमाणतवो सिद्धी य २८० एवं--महासेणकण्हा वि, नवरं----आयंबिलवड्डमाणं तयोफम्म उक्संपज्जित्ताणं विहरइ।
तए णं सा महासेणकण्हा अजजा आयंबिलवड्ढमाणं तवोकम्मं चोइहि वासेहि तिहि घ मासेहि वीसहि य अहोरहिं अहासुतंजाव-आराहेत्ता जेणेव अज्जचंदणा अजमा तेणेव उवागया, उवागच्छित्ता वंदइ नमसइ, बंदिता नमंसित्ता बहुहिं चउत्थ-छट्टट्ठमदसम-दुवालसेहि मासदमासखमहि विविहेहिं तवोकदेहि अप्पाणं भावेमाणी विहरइ। तए णं सा महासेणकण्हा अजा तेणं ओरालेणं-जाव-सवेणं तेएणं तवतेय-सिरीए अईव-अईव उवसोहेमाणी चिट्ठइ। तए णं तोसे महासेणकण्हाए अजाए अग्णया कयाइ पुव्वरत्तावरत्तकाले चिता जहा खंदयस्स-जाव-अज्जचंदणं अज्ज आपुच्छइ। तए णं सा महासेणकण्हा अज्जा अज्जचंदणाए अज्जाए अब्भणुण्णाया समाणी संलेहणा-झूसणा-झूसिया भत्तपाण-पडियाइक्खिया कालं अणवकंखमाणी विहरई। तए णं सा महासेणकण्हा अज्जा अजचंदणाए अज्जाए अंतिए सामाइयमाइयाई एक्कारस अंगाई अहिज्जित्ता, बहुपडिपुण्णाई सत्तरस वासाई परियायं पालइत्ता, मासियाए संलेहणाए अप्पाणं झूसित्ता, ट्ठि भत्ताई अणसणाए छेदित्ता जस्सट्टाए कीरइ नग्गभावे-जाव-लमट्ठ आराहेइ, आराहेत्ता चरिमउस्सासनिस्सासेहि सिद्धा-जाव-सव्वदुक्खप्पहीणा ॥
संगहणी-गाहा २८१ अट्ट य वासा आई, एक्कोत्तरयाए-जाव-सत्तरस। एसो खलु परियाओ, सेणियभज्जाण नायन्वो ॥१॥
अंत० व. ८, अ० १ ।
१०. महावीरतित्थे जयन्तीकहारणयं
कोसंबीए उदयणादोणं धम्मसवणं २८२ तेणं कालेणं तेणं समएणं कोसंबी नाम नगरी होत्या---वण्णओ। चंदोवतरणे चेइए--वण्णओ।
तत्थ णं कोसंवीए नगरीए सहस्ताणीयस्स रण्णो पोते, सबाणीपस्स रणो पुत्ते, चेडगस्स रपणो नत्तुए, मिगावतीए देवीए अत्तए, जयंतीए समणोवासिवाए भत्तिज्जए उदयणे नामं राया होत्था--वण्णओ। तत्थ णं कोसंबीए नवरीए सहस्साणीयस्स रण्णो सुण्हा, सयाणीयस्स रणो भज्जा, चेडगस्स रण्णो धूया, उदयणस्स रणो माया, जयंतीए समणोवासियाए भाउज्जा मिगावती नामं देवी होत्या वण्णओ--सुकुमालपाणिपाया-जाव-सुरूवा समणोवासिया अभिगयजीवाजीवा-जाव-अहापरिगहिएहिं तवोकमहि अप्पाणं भावमाणी विहरइ। तत्थ णं कोसंबीए नगरीए सहस्साणीयस्स रणो धूया, सथाणीयस्स रणो भगिणी, उदयणस्त रणो पिउच्छा, मिगावतीए देवीए नणंदा, वेसालियसावयाणं अरहताणं पुथ्वसेज्जातरी जयंती नाम समणोवासिया होत्था--सुकुमालपाणिपाया-जाव-सुरूवा अभिगयजीवाजीवा-जाव-अहापरिग्गहिएहिं तदोकम्मेहि अप्पाणं भावेमाणी विहरइ ॥
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |