Page Text
________________
महावीरतित्थे कालीआइ समणीण कहाणगाणि
तए णं सा काली अज्जा अाजचंदणाए अम्भणुण्णाया समाणा संलेहणा-भूसणा-भूसिया-जाव-विहरइ। तए णं सा काली अजा अज्जचंदणाए अंतिए सामाइयमाइयाई एक्कारस अंगाई अहिज्जित्ता बहुपडिपुग्णाइं अट्ठ संवच्छराइं सामण्णपरियागं पाउणिता, मासियाए संलेहणाए अत्ताणं झूसित्ता, सट्टि भत्ताई अणसणाए छेदिता, जस्सट्ठाए कीरइ नग्गभावे-जावचरिमुस्सासेहि सिद्धा-जाव-सव्वदुक्खप्पहीणा ।
अंत० व०८, अ० १ । सुकालीए कणगावलितवो सिद्धी य २७१ तेणं कालेणं तेणं समएणं चंपा नाम नयरी। पुण्णभद्दे चेइए। कोणिए राया।
तत्थ णं सेणियस्स रणो भज्जा, कोणिधस्स रप्णो चुल्लमाउया. सुकाली नामं देवी होत्था। जहा काली तहा सुकाली वि निक्खंताजाव-बहूहि-जाव-तवोकम्मेहि अप्पाणं भावमाणी विहरइ। तए णं सा सुकाली अज्जा अण्णया कयाइ जेणेव अज्जचंदणा अज्जा तेणेव उवागया, उवागच्छित्ता एवं क्यासी-- "इच्छामि गं अजाओ! तुम्भेहिं अन्भणुण्णाया समाणी कणगावली-तवोकम्म उवसंपज्जित्ताणं विहरित्तए। नव वासा परिचाओ-जाव-सिद्धा-जावसव्ववुक्खप्पहीणा ॥
अंत० ब०८, अ०२। महाकालीए खडागसीहनिक्कोलियतवो सिद्धी य २७२ एवं-महाकाली पि, नवरं-खुड्डागं सीहनिक्कीलियं तबोकम्म उवसंपज्जित्ताणं विहरइ। सेसं तहेव-जाव-सिद्धा-जाव-सम्वदुक्खपहीणा।
अंत० व० ८, अ० ३ । कण्हाए महासीहनिक्कीलियतबो सिद्धी य २७३ एवं-कण्हा वि, नवरं-महासीहनिक्कीलियं तवोकम्म उवसंपजित्ताणं विहरइ । सेसं तहेव-जाव-सिद्धा-जाव-सव्वदुक्खप्पहीणा।
अंत० व०८, अ० ४ । सुकण्हाए भिक्खुपडिमा सिद्धी य २७४ एवं-सुकण्हा वि, नवरं--सत्तसत्तमियं भिक्खुपडिम उवसंपज्जित्ताणं विहरइ।' एवं खलु दसदसमियं भिक्खुपडिम एक्केणं राई
दियसएणं अद्धछठेहि य भिक्खासएहि अहासुतं-जाव-आराहेइ, आराहेत्ता बहूहिं चउत्थ-छट्टट्ठम-दसम-दुवाल सेहि मासढमासखमहि
विविहेहि तवोकम्मेहि अप्पाणं भावमाणी विहरइ ।। २७५ तए णं सा सुकण्हा अज्जा तेणं ओरालेणं तवोकम्मेणं-जाव-सिद्धा-जाव-सव्वदुक्खप्पहीण।।
अंत० व०८, अ० ५। महाकण्हाए खुड्डागसव्वओभद्दपडिमा सिद्धी य २७६ एवं-महाकण्हा वि, नवरं--खुड्डागं सव्वओभई पडिम उक्संपज्जित्ताणं विहरइ। सेसं तहेव-जाव-सिद्धा-जाव-सव्वदुक्खप्पहीणा।
अंत० व०८, अ०६। वीरकण्हाए महालयसव्वओभद्दपडिमा सिद्धी य २७७ एवं-वीरकण्हा वि, नवरं--महालयं सव्वओभद्रं तवोकम्म उवसंपज्जिताणं विहरइ, सेसं तहेव-जाव-सिद्धा-जाव-सव्व दुक्खप्पहीणा।
अंत० व०८, अ०७। रामकण्हाए भद्दोत्तरपडिमा सिद्धी य २७८ एवं--रामकण्हा वि, नवरं--भद्दोत्तरपडिम उवसंपज्जित्ताणं विहरइ, सेसं-जाव-सिद्धा-जाव-सव्वदुक्खप्पहोणा।
अंत० व० ८, अ० ८। १. चरणाणुओगे पडिमावित्थरो ददुव्वो।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |