Page Text
________________
पासनाहतिस्थे भूयाईणं समणीणं कहाणगाणि
२२७
तए णं सा भूया दारिया निययपरिवारपरिवुडा रायगिहं नयरं मझमझणं निग्गच्छइ, निग्गच्छित्ता-जेणेव गुणसिलए चेइए तेणेव उवागच्छइ, उवागच्छित्ता छत्ताईए तित्थयरातिसए पासइ, पासित्ता धम्मियाओ जाणप्पवराओ पच्चोरुभिता चेडीचक्कवालपरिकिण्णा जेणेव पासे अरहा पुरिसादाणीए, तेणेव उवागच्छइ, उवागच्छित्ता तिक्खुत्तो-जाव-पज्जुवासह॥ तए णं पासे अरहा पुरिसादाणीए भयाए हारियाए य महइ....। धम्मकहा। धम्म सोच्चा निसम्म हटु० बन्दइ नमसइ, वंदित्ता. नमंसित्ता एवं वयासी"सद्दहामि णं, भन्ते निग्गन्थं पाक्यणं,-जाव-अब्भुट्ठमि णं, भन्ते निग्गन्थं पावयणं, से जहेयं तुन्भे वयह, जं नवरं, भन्ते ! अम्मापियरो आपुच्छामि, तए णं अहं-जाव-पन्वइत्तए"। "अहासुहं देवाणुप्पिए"।
भूयाए पव्वज्जा २३८ तए णं सा भूया दारिया तमेव धम्मियं जाणप्पवरं-जाव-दुरुहइ, दुरुहिता जेणेव रायगिहे नयरे, तेणेव उवागया। रायगिह नयरं
मज्झमोणं जेणेव सए गिहे, तेणेव उवागया। रहाओ पच्चोरुहिता जेणेव अम्मापियरो तेणेव उवागया। करयल० जहा जमाली, आपुच्छइ। "अहासुहं. देवाणुप्पिए!" तए णं से सुदंसणे गाहावई विउलं असणं-जाव-साइमं उवक्खडावेइ, मित्तनाइ आमन्तेइ, आमन्तित्ता-जाव-जिमियभुत्तुत्तरकाले सुइभए निक्खमणमाणेत्ता कोडुम्बियपुरिसे सद्दावेइ, सहावित्ता एवं क्यासी-"खिप्पामेव, भो देवाणुप्पिया, भूयादारियाए पुरिससहस्सवाहिणीयं सीयं उवट्ठवेह-जाव-उवट्ठविता पच्चप्पिणह"। तए णं ते-जाव-पच्चप्पिणन्ति । तए णं से सुदंसणे गाहावई भूयं दारियं व्हायं विभूसियसरीरं पुरिससहस्सवाहिणि सीयं दुरुहइ, दुरुहिता। मित्तमाइ-जाव-रवेणं रायगिहं नयरं मझमज्झेणं, जेणेव गुणसिलए चेइए, तेणेव उवागए छत्ताईए तित्थयराइसए पासइ, पारिता सीयं ठावेइ, ठवित्ता भूयं दारियं सीयाओ पच्चोरहेइ। तए णं तं भूयं दारियं अम्मापियरो पुरओ काउं जेणेव पासे अरहा पुरिसादाणीए, तेणेव उवागए तिक्खुत्तो वन्दइ नमसइ, वंदित्ता नमंसित्ता एवं वासी--"एवं खलु देवाणुप्पिया! भूया दारिया अम्हं एगा धूया इट्ठा। एस णं, देवाणुप्पिया! संसारभउव्विग्गा भीया-जाव-देवाणुप्पियाणं अन्तिए मुण्डा-जाव-पच्वयाइ। तं एयं णं, देवाणप्पियाणं सिस्सिणिभिक्खं दलयामो। पडिच्छन्तु णं देवाणुप्पिया! सिस्तिणिभिक्खं"। अहासुह, देवाणुप्पिया! मा पडिबंध करेह"। तए णं सा भूया दारिया पासेणं अरहया...एवं वुत्ता समाणी हट्ठा उत्तरपुरस्थिम सयमेव आभरणमल्लालंकारं उम्मयइ, जहा देवाणन्दा, पुप्फचूलाणं अन्तिए-जाव-गुत्तबम्भयारिणी॥
भूयाए निग्गंथिणीए सरीरपाओसियत्तं २३९ तए णं सा भूया अज्जा अन्नया कयाइ सरीरपाओसिया जाया यावि होत्था। अभिक्खणं २ हत्ये धोवइ, पाए धोवइ, एवं सीसं
धोवइ, मुहं धोवइ, थणगन्तराई धोवइ, कवखन्तराई धोबइ, गुज्झन्तराई धोबइ, जत्थ जत्थ वि य गं ठाणं वा सेज्ज वा निसीहियं वा चेएइ, तत्थ तत्थ वि य गं पुवामेव पाणएणं अब्भुक्खइ, तओ पच्छा ठाणं वा सेज्जं वा निसीहियं वा चेएइ। तए णं ताओ पुप्फचूलाओ अजाओ भूयं अज्जं एवं क्यासी--"अम्हे णं, देवाणु पए, समणीओ निग्गन्थीओ इरियासमियाओ-जावगुत्तबम्भवारिणीओ। नो खलु कप्पइ अम्हं सरीरपाओसियाणं होत्तए। तुम च णं, देवाणुप्पिए ! सरीरपाओसिया अभिक्खणं २ हत्थे धोवसि-जाव-निसीहियं चेएसि। तं गं तुम, देवाणुप्पिए! एयस्स ठाणस्स आलोएहि" त्ति। सेसं जहा सुभद्दाए,-जाव-पाडिएक्कं उवस्मयं उवसंपज्जित्ताणं विहरइ । तए णं सा भूया अउजा अणोहट्टिया अणिवारिया सच्छन्दमई अभिक्खणं २ हत्थे धोवइ-जाव-चेएइ॥
भूयाए देवित्तं २४० तए णं सा भूया अज्जा बहुहि चउत्थछट्ट० बहुई वासाइं सामण्णपरियायं पाउणित्ता तस्स ठाणस्स अणालोइयपडिक्कन्ता कालमासे
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |