Page Text
________________
२२२
धम्मकहाणुओगे तईओ खंधो
देवाणुप्पिए मासिणीया सोनति अब
वंदित्ता नमंसित्ता एवं वयासो--"आलित्ते णं भते ! लोए-जाव-तं इच्छामि णं देवाणुप्पिएहि सयमेय पच्याविय-जाव-धम्म माइक्खियं । तए णं पासे अरहा पुरिसादाणीए कालि सयमेव पुप्फचलाए अज्जाए सिस्सिणियत्ताए दलयइ। तए णं सा पुष्फचूला अज्जा कालि कुमारि सयमेव पव्वावेइ-जाव-धम्ममाइक्खइ। तए णं सा काली पुष्फचूलाए अज्जाए अंतिए इमं एयारूवं धम्मियं उवएसं सम्म उवसंपज्जित्ताणं विहरइ। तए णं सा काली अजा जाया-इरियासमिया-जाव-गुत्तबंभयारिणी। तए णं सा काली अज्जा पुष्फचलाए अजाए अंतिए सामाइयमाइयाई एक्कारस अंगाई अहिज्जइ, बहूहि चउत्थ-छट्ठट्ठम-दसमदुवालसेहि मासद्धमासखमणेहि अप्पाणं भावेमाणी विहरइ ।
कालीए बाउसियत्तं २०५ तए णं सा काली अज्जा अण्णया कयाइ सरीरबाउसिया जाया यावि होत्था । अभिक्खणं-अभिक्खणं हत्थे धोवइ, पाए धोवेइ,
सीसं धोवेइ, मुहं धोवेइ, थणंतराणि धोवेइ, कक्खंतराणि धोवेइ, गुज्झंतराणि धोवेइ, जत्थ-जत्थ वि य गं ठरणं वा सेज्जं वा निसीहियं वा चेएइ, तं पुत्वामेव अम्भुक्खित्ता तओ पच्छा आसयइ वा, सयइ वा ॥ तए णं सा पुप्फचूला अज्जा कालिं अज्जं एवं क्यासी--"नो खलु कप्पइ देवाणुप्पिए! समणीणं निग्गंथीणं सरीरबाउसियाणं होत्तए। तुमं च णं देवाणुप्पिए ! सरीरबाउसिया जाया अभिक्खणं-अभिक्खणं हत्थे धोवसि, पाए धोवसि, सीसं धोवसि, मुहं धोवसि, थणंतराणि धोवसि, कक्खंतराणि धोवसि, गुरझंतराणि धोवसि, जत्थ-जत्थ वि य णं ठाणं वा सेज्ज वा निसीहियं वा चेएसि, तं पुवामेव अब्भुक्खित्ता तओ पच्छा आसयसि वा सयसि वा । तं तुम देवाणुप्पिए! एयस्स ठाणस्स आलोएहि-जाव-पायच्छित्तं पडिवज्जाहि"। तए णं सा काली अज्जा पुष्फचलाए अज्जाए एयमझें नो आढाइ नो परियाणाइ तुसिणीया संचिट्ठइ। तए णं ताओ पुप्फचलाओ अपजाओ कालि अज्जं अभिक्खणं-अभिक्खणं हीति निदंति खिसंति गरहंति अवमन्नति अभिक्खणंअभिक्खणं एयमझें निवारेति ॥
कालीए पुढोविहारो २०६ तए णं तीसे कालीए अजाए समणीहि निग्गंथीहि अभिक्खणं-अभिक्खणं होलिज्जमाणीए-जाव-निवारिज्जमाणीए इमेयारूवे अज्झ
थिए-जाव-समुष्पज्जित्था--"जया णं अहं अगारमज्झे वसित्था तया णं अहं सयंवसा, जप्पभिई च णं अहं मुंडा भवित्ता अगाराओ अणगारियं पव्वइया तप्पभिई च णं अहं परवसा जाया। तं सेयं खलु मम कल्लं पाउप्पभायाए रयणीए, उट्टियम्मि सूरे सहस्सरस्सिम्मि दिणयरे तेयसा जलते पाडिक्कयं उवस्सयं उक्संपज्जित्ताणं विहरित्तए" त्ति कटु एवं संपेहेइ, संपेहेत्ता कल्लं पाउप्पभायाए रयणीए, उट्ठियम्मि सूरे सहस्सरस्सिम्मि दिणयरे तेयसा जलते पाडिक्कयं उक्स्सयं गण्हइ। तत्थ णं अणिवारिया अणोहट्ठिया सच्छंदमई अभिक्खणं-अभिक्खणं हत्थे धोवेइ, पाए धोवेइ, सीसं धोवेइ, मुहं धोवेइ, थणंतराणि धोवेइ, फक्खतराणि धोवेइ, गुज्झंतराणि धोवेइ, जत्थ जत्थ वि य गं ठाणं वा सेज्जं वा निसीहियं वा चेएइ, तं पुवामेव अब्भुक्खित्ता तओ पच्छा आसयइ वा सयइ वा॥
कालीए मच्चू देवीतं च २०७ तए णं सा काली अज्जा पासत्था पासस्थविहारी ओसन्ना ओसन्नविहारी कुसीला कुसीलविहारी अहाछंदा अहाछंदविहारी संसत्ता
संसत्तविहारी बहूणि वासाणि सामण्णपरियागं पाउणइ, पाउणित्ता अद्धमासियाए संलेहणाए अप्पाणं सेइ, झूसेत्ता तीसं भत्ताई अणसणाए छएइ, छएत्ता तस्स ठाणस्स अणालोइयडिक्कता कालमासे कालं किच्चा चमरचंचाए रायहाणीए कालिडिसए भवणे उववायसभाए देवसयणिज्जंसि देवदूसंतरिया अंगुलस्स असंखेउजाइभागमेत्ताए ओगाहणाए कालीदेवित्ताए उबवण्णा । तए णं सा काली देवी अहुणोक्वण्णा समाणी पंचविहाए पज्जत्तीए पज्जत्तभावं गच्छति। तए णं सा काली देवी चउण्हं सामाणिय-साहस्सीणं-जाव-सोलसण्हं आयरक्ख-देवसाहस्सीणं अण्णेसि च बहूणं कालिवडेंसगभवणवासीणं असुरकुमाराणं देवाण य देवीण य आहेवच्चं कारेमाणी-जाव-विहरइ। एवं खलु गोयमा! कालीए देवीए सा दिव्या देविड्ढी दिव्या देवज्जुई दिव्वे देवाणुभावे लद्धे पत्ते अभिसमण्ण गए।
कालीदेवीए ठिई सिद्धी य २०८ कालीए णं भंते ! देवीए केवइयं कालं ठिई पण्णता?
गोयमा! अड्ढाइज्जाई पलिओवमाइं ठिई पण्णत्ता। काली गं भंते ! देवी ताओ देवलोगाओ अणंतरं उव्वट्टित्ता कहिं गच्छिहिइ ? कहिं उववज्जिहिइ ? गोयमा ! महाविदेहे वासे सिज्झिहिइ-जाव-सव्वदुक्खाणं अंतं काहिइ॥
णाया० सु०२, व० १, अ०१।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |